¹ Jipi,Echali rikio echi Walula Herorsi chapime ruli mapu iki Bichiwami mapurika risua olama. ² Binoi milali piya jiti echi Santiako echi Juani rijimal. ³ Echali ma machisa mapu echi Juriosi we ka'la kanili je'na jiti, binoi waminabi o'winli chapimea ruwa echi Pekro ayenachi. echali omawaluachi nili pani kie acherrami barrur kowawachi. ⁴ Ma ka'la chapisa, pacha íyek achali ali nuleli naó kayam sontarsi mapurika tibuma; binoi ko riwirma riweli auche sineam ralamuli mapuali ma sunusa omawa echi Paskua aneliame. ⁵ Echali Pekro ma yerta acharami nili, chopi ne wabe iwerk tanli Riosi echi auche jare mapu iki bichiwami nili. ⁶ Pakonta rawe mapuali echi Herorsi wika riwirma riweli, echali rokó pekro kuchuka bu'wili okua sontali yua nasipi, bulera okua jiyer kareni jiti; echi tibum echona bachami iyechi jali. ⁷ Kala ninias, bile Riosi Pionuala ke sainati echomi ilíbali ali bile wabe ritubami rajali echona pacha. Binoi nochali echi Pekro ali busurebnili jeaneka: "sapunu asisi" echaliko echi Yijer kareni sotali echona sikalch bulerami. ⁸ Echi Riosi pionuala jeaneli: "napachasa ali ku karachsa."Pekro echirika olali. Echi Riosi Pionuala jeaneli: "Ma ku uche echi moba napachal ali tami najati" ⁹ Echali Pekro najatili echi Riosi Pionuala ali machinli. Binoi kie machili mapu echi Riosi Pionuala echirija olali ne bichiwá nila. Binoi ko mayeli pi echirika ritewa inari. ¹⁰ Mapuali aboni ma bilen iyech simark buwali ali ma okona tibutach, aboni ma isili echona walu jiyer i'yetachi mapu ma machi wika rijoachi machinami nili; je'na pi binoi iraptalili. Aboni buwali ali simibli rilen ko'natachi, ali echi Riosi pionuala ke saina binel ruweli. ¹¹ Mapuali echi Pekro anarsa, binoi jeanili:"Jipi ko ne bichiwa nira ma ka'la machi nije mapu echi walula Riosi júli Binoi Pionuala ali tami ni'yubnili echona Herorsi jiti chapisu, ali ayencho kara su'waba mapu anime riweli echi wika pakotami Juriosi." ¹² Mapuali ma machisa jena jiti, binoi simili echona Maria echi Juani ayenacho Markos riweami iyel bitelchi. ¹³ Mapali binoi michonli echona iyechi, Bile Tiwe echona nochami Rore riweami machinli irapsia. ¹⁴ Mapuali echi binoi machinili mapu Pekro ra'ichaal níla, binoi we kanilk kie newalali iyel irapa, binoi tiwe we amak ku nawali pacha; Binoi tiwe jeanili mapu Pekro choka iyechi ku wilili. ¹⁵ Echali jonsa aboni jeaneli: "Muje kie newalit ju." chopi binoi waminabi iwerl anili mapu ne bichiwa nira ju. Aboni jeanili: "echi Pekro pionuali ju" ¹⁶ Chopi Pekro waminabi michona ilirli, ali mapuali aboni irapli echi iyeachi, riwali ali kie echirika mayek we kanili. ¹⁷ Pekro sikial jiti nokerk ra'ichaka jeaneli kie anika muchunla, ali kara ruweli churika echi Walubeala Jesukristo ku machibuli echona pacha bachara atiche. Binoi jeanili: "Ruwesi mina Santiako ali echi rijimali je'na jiti." Echali binoi auche bilen simili. ¹⁸ Mapali ma ku rawewachi nili, echi wikabe sontali nakupi wabe iwerk anika raichali, mapurika ikili echi Pekro jiti. ¹⁹ Mapali Herorsi wa'ali ali kie riwali, binoi rukueli echi jare ampu iki nili tibum ali milinla nuleli. Echali jonsa binoi simili Jureachi jonsa wamina Sesareachi ali echona asibali. ²⁰ Herorsi we iyo asali echi ralamuli wamina Tiro ali Sironchi aniliwachi pireami yuwa. Aboni echomi isili. ali werl aneli echo Blasto aneliami, mapu ku'wirami nili echi walula, mapurika ki'wirma. Ali aboni kanilk pireluami nira ra'ichli, mapujiti echona kawirli pireami Herorsi jiti ku'wirtami nili. ²¹ Echali rawe, Herorsi we nateami napachali Walula winil ali asibli echona walula asalchi; ali ma o'winli namuti ra'icha. ²² Echi jare ralamuli sinak ra'ichali: "¡Jena ju bile riosi ra'ichali, kie bile rijoi! ²³ kie sainati nira bile Riosi Pionuala jilibnili mapujiti kie Wa'lula nirali echi Riosi; binoi nowi jiti ko'walti ali echirika mukuli. ²⁴ Chopi echi Riosi ra'ichali waminabi chuwen nawesálti ali wikanami nawali. ²⁵ Mapali ma Bernabe ali echi Saulo sunili nocha mapurika nulerami nili echona Jerusalenachi, aboni ku simibali; aboni bayerli echi Juani, ayenacho Markos riweami.