¹ Jipi, niruli bile rijoi echona wika rijowachi na Cesarea, echi raola Cornelio, bile Santali mapu inili riwewami echi italiano. ² Binoi inili bile rijoi natimami, bile mapu inili nawajinami Riosi karka binoi kalirla; binoi nija ikia wanomi echona pi okua rijowachi echi judio ali sulupi asali olara echi Riosi. ³ Mapali kimakoi hor inarachi echali rawe, binoi kala nira riwali bile riwirtaminira, bile Riosi pionali nawali binoi jiti. Echi Riosi pionali je aneli: "¡Cornelio!" ⁴ Cornelio inenika echi Riosi pionali ali asali we majak ali anili: " ¿Pir ju, onoruwami?" Binoi Riosi pionoli aneli: "Muje olarali ali muje iyalim echi kie iniwami mina ripa omoli iyakami natika inilika bacham Riosi jiti. ⁵ Jipi, Jula echi ralamuli echona wika rijowachi echi Jope mapurika pama bile rijoi riwewami Simon, chika ju riwewami Pedro. ⁶ Binoi si ati echi bichil sikireka nochami echi riwewami nili Simón, mapu echi cali ilili mulube walu bawirli. ⁷ Mapali Riosi pionoli mapu rachali binoi ku simili, Cornelio bayeli okua nochami, ali bile sontali mapu nawajinami nili Riosi ayenacho chejare sontali ayenacho nochami inili. ⁸ Cornelio je aneli karka mapu niruli mina ikisa ali julali echona Jope. ⁹ Jipi minami rawe, mulube usani hor inarachi, mapali aboni muchuli echona buwe ali mulubenli echona wika rijowachi, Pedro omoli pa Sikochi kalirla na ¹⁰ olarsa.Mina jonsa binoi locheli ali nakin ta namut cowawami, chopi mina ralamuli uchuli wasa ta namuti cowawami, binoi inili inertami; ¹¹ ali binoi riwali echona ripa riwikachi iraptami ilimi ali walu chini, ta namuti chiko ira bile walu chini rosakami ikina inarli Jenai kawirli, isili ikinka na'o sikochi. ¹² Echona niruli ikia nasokami akami mina na'o raleami ali namuti mapu ile ipo iyenami, ali karka inimi echona ripa riwikachi. ¹³ Mina nawali sinami ali raichali: "Iliska Pedro, milisa ali cowa." ¹⁴ Chopi Pedro ji aneli: "Kie echi rikainima, onoruame; chopi nije kie sine kowakin ira kie kala nira Jenai wichimobachi niruami." ¹⁵ Chopi na ki nawali echi nira ni osua chokeami: "mapu Riosi ku biwali, kie riwabo kie kala nira." ¹⁶ Jena ikili basia chokeamii mina jonsa walu chini simili we soponi nira torutami nili ripa riwikachi. ¹⁷ Jipi, mapu Pedro asali we ni kie anatika mapu inisa aniwa riwitami nira mapu binoi inili, inenli echi ralamli mapu inili Jularami echi Cornelio jiti ajali ni bachami echona iyechi, jubako mapu aboni echi bacha chuami echona buye ali kalirli. ¹⁸ Ali aboni bayeli ali ji aneli yena simón, ayenacho nili riweami Pedro, binoi asali echona. ¹⁹ Chopi Pedro bino asali anata ni mulube echi riwirtaminira, echi wika ji aneli: "ine, bakia ralamli mi aka nokua. ²⁰ Iliska minarikinka ali simika echi yuka. Kie ni bili chukubo ali simiya echi yuka, chopi nije julali. ²¹ Mapali, Pedro rikinali mapu ralamli anili. "Nije ju mapu yemi nahakuatami. ¿ Piri ola isili? ²² Aboni anili: "bile Centurión riweami Cornelio, echi rijoy kala nira inarami Riosi yuka ayenacho kala anerami inili kala nira mapu karka Chuwini pireami ayena Judiosi onoli. anerami inili echi aigeltichi Riosi yuka inirama jularami inimare mojenira, mapu siminla echona bitichi binoy biteachi, mapu ali moje nami echirika anerami. ²³ Mapali Pedro bayeli mapu echona bakime are ayenacho ripimale echi yuka. Vahali bichi nira. bino inisali simili echi yuka, jare echi rijimala Jope yuka simibala. ²⁴ Mina rawe, aboni isila echi cesarea. Corneli bina buwe asali bino napabuli ritentami ayenachi amigoli mulipa. ²⁵ Ayenacho ikili mapu ali Pedro bakili, Cornelio riwali echi ayenacho chokubli mina ranochi binoy kanila kala nira. ²⁶ Ayenacho Pedro kuwirali ilasa aneki: "Iliska ayenacho nije ju rijoy". ²⁷ Mapuali Pedro raicha chokuli echi yuka, binoy vakili y riwali bikabe ralamli napawika, ²⁸ echi anili. "Yemi aboni machitami ke tasi ju ke kala nira echi judios nira mapu echi napawika, o mina kolsa bile sinuna biteami. Echi Riosi riwirali tami nije ke tasi anema bile rijoy ke kala echona chimobachi, ²⁹ Mina nije nawaki raichasa, mapali julati nije nira mina, nije riwema yemi chorikare nije juratare mapu anla." ³⁰ Echi Cornelio anili: "nao rawe mina echali rawe, nije chokuni Riosi atana echali kimakoy rawe echona kalirachi; bina riwakani, echi rijoy ilikami bachami nira mina pachakami inili we rosorami. ³¹ Ali anili Cornelio, muje atana nili anamtam nili Riosi, ali muje kuwirle echi risuti ku inatli riosi moje nira, ³² Echali jula bile echona Jope, mi na abo bile rijoi riweami Simón, ali ayenacho riweami ju Pedro. Binoi ko ripi echona kalirli echona bile rijoi biteachi ichili sikireka nochami ali riweami Simón, napawika walube bawi maneachi. ³³ Echali we yati nije mi juli muje jiti we kala jum mapurika nawalim. Jipi mina, muchua karka nai bahcami riosi riwirka, mapu namá karka mapu ali nili ala binertami nili walubela jiti, ³⁴ Mina jonsa, Pedro irapali binoi chumula ali aneli: bichili nira chapisa ma pu Riosi kie nijili nira kie iwesi. ³⁵ Echo na, ibil pi nira pireachi chuke irira mapu nawajini ali ola kala nira ju chaperutami binoi jiti. ³⁶ Emi machi bino raichala mapu binoi julali pi okua rijowachi echona Israel, mapali anesa kala kuleami nira kanilkuami echi Jesukristo nira, chika Ju walu karka nira. ³⁷ emi binoi nira machi echi mapu olali ali ikili, mapu ikili echona karka judea owinsa echona Galilea, Jubami pagotami mapu Juan aneli. ³⁸ Echi mapu olalo echi Jesusi nasaretachi biteami mapu Riosi ji aneli echi Riosi wikala ali we jiwerka, echi binoi iyenli niwa kala nira ali sawe karka mapu kie kanilika pireli echi riabli jiti chopi Riosi asali binoi iyowa. ³⁹ Tamuje ju mapu riwake karka namuti mapi ali echi niwali echi Judiosi pireachi ali Jerusalenchi ayenacho, Jena Jesusi mapu echi nokali mila, ripa uchali bilen rojuarli. ⁴⁰ Jena rijoi echi Riosi jiti ali ilasi ali bakia rawe ali kala machirutame Inima. ⁴¹ Kie karka echi rijowachi, mina echiko echi riwali mapu anile echi chapirutami Riosi sikalachi jiti, tamuje aboni, mapu cowali mina bajeliti echi yuki mapu echi ku hisili echona siwikmi jonsa. ⁴² Echi binoi nilueli echi riosi rahichali riwe echona rijowachi mina echiko chibile niraka rahicha je na nili echi chapiruutami echi Riosi nira mapu bacha chikumi echi biteami ali si wikami. ⁴³ Echi anili nili echi karka nawesami ruweli, mapurika karka echi bichiwami mapu echi nira chapimeaba wicala mapu echi chato alowami mapu binoi Rawlua." ⁴⁴ Mapurika echi Pedro jipi anilla chukuli karka anali, echi Riosi wikala hichili echona karka mochili anarma echi Rahichali. ⁴⁵ Echi ralamuli mapu echona chikuami echi bichiwami ayuki echi judios wichiwali, karka echi hisia okali echi Pedro hayuki, mocholi we kanilika ripili, mapu ichi iarami echi Riosi wikala anima ralnaram echona chiko echi nartimeami. ⁴⁶ Mapu echi anamli echi gala rahicha echi che jare rahichali mina najuina echi Riosi. Mapurika echi Pedro aneli: ⁴⁷ "¿Omeri bile ane kie echi bagui nira echi rejoi mapurika pakotami animaba jena ralamuli mapurika aboni chapili echi Riosi wikala mapu tamuje nira? ⁴⁸ Mapurika echi nirueli anima pakotami echi rolua echi Jesukristo. Mapurika echi anili ripinta echi ayuka kia rawe.