¹ Ali echi osuli mapu bacha nira osali, Teofilo, ruyeli karga mapu Jesusi owinali olowa mina bineria, ² mapali ali rawe chapili ripana. Jena ikili ali bino nulali Alike wikala Jiti, Jare nawesami mapo bino Chapili. ³ Ali kinana oka mapu bino resunili, bino ilibali wakami nira echona mapu mochili chopi wika nira inerali mapu aboni trie tosi kale bichili. Ali naosamakoi rawe bino ilibali echona, mina raichali mutubemi ripa niruwami nira. ⁴ Aboni nili bochira ali wika jiti mina owinali raicha a che jare raichali, mapu echi Rios wikala mapu iyali mapu raichama. ⁵ Ali Juani pakoli bawi jiti, chopi iyemi ko nima pakotami Riosi wikala jiti pe kenana me rawe. ⁶ mapali aboni muchili napawita rukeli ¿Walubela, jipi ju mapu muje kalarma echona Isreali?. ⁷ Bino anili: i kie ju mapu iyemi nira rawe, mapu ke mi onu ucheli bino nira. ⁸ Chupi yemi chapibo jiwerali, mapali echi Riosi wikala jiti nawasa iyemi nira mina nima iyemi riwali echona Jerusalenachi mina karka echona Judeachi mina Samariachi mina iyenasi kawi ati. ⁹ Mapali walubela Jesusi aneli jena kayami, ali mochili aboni rip inea, bino kainarami nili mina bile noli ku nasoli bino busila. ¹⁰ Ali aboni inechi we nira ripa riwigachi mapali bino simili kie saina, okua ralamuli simarali echona mulubemi tosakami napachami. ¹¹ Aboni anili: Yemi ralamui Galilea piremi, ¿chorika nayi jawitm inenika echoma pa riwigachi? Jena Jesusi ku simili pa riwigachi achikorika nawama echi binoi mapu riwaltm simim pa riwigachi. ¹² Echirika aboni ku rowili echona Jerusalenchi echona jonsa Rabo echo olivos, mapu ju mulube Jerusalenchi, sine isapkuachi. ¹³ Mapali aboni isisa, omoli cuartochi we ripa, mapu echona a muchuli. Aboni inili Pedro, Juani, Jakoi, Andres, Felipe, Tomas, Bartolome, Mateo, Jakobi echi ranala Alfeo, Simon echi Zelote ali Judas echi ranala Jakobi. ¹⁴ Karka aboni muchuli napawika mapurika bilepi nira, mina aboni anachika owinli echi olara. Ayenacho muchili muki, Maria iyela echi Jesusi ali echi rijimalasi. ¹⁵ Echali kubaka rawe Pedro mi ilibali echona nasipa echi rijimala yuwa, mlube mi bileciento osa makoy pakotami ali anili: ¹⁶ Rijimala, inili ikemea mapu echirika ikimea riweli mapu ani Riosi raichala, mapu echi Riosi wigala anaptami siti jiti raichali bachami sikala mina chumula echi David jiti echona mulube Judachi, mapu iyuka echi chapili Jesusi. ¹⁷ Chopi binoy simili bile tamojo yuwa llenami ali chapili binoy onochali Echi jiti. ¹⁸ (Jipi jena rijoi ralali bile kawi echi imerami mapu binoi chapili binoi kie kala jiti, ali echonajonsa ichili mohola iyolika ali binoy sapala mina ratali ali karka chair najitali. ¹⁹ Karka mapu echi pireami echona Jerusalenchi anamli mulebe jenajiti, echirika aboni bayeli mina ripo echi aboni raichala Aceldama, echi ju, walu riporachi echi la). ²⁰ Chopi ati osoruta echona librochi salmos: Chopi binoi kawiwali inisa binel nira, ali kie nakisa kie chiko bile rijoi bitelma echona. Mina chibile chukusa binoi nira ni bacha chukumi. ²¹ Wue nehuale, mapu ali, mapu echi pakotami mapu sinibi tamoje yuka ochuli mapo ali wualube Jesusi bakiya chokuli ayenacho bachinali tamoje juka, jiti. ²² Owinanali ali pako Juani ali ayenasi nawali yawe mapu ototi echona yipa, mapo riwuali echali ilisali. ²³ Aboni ochieli bachami okua pakotami, Jose riweami Barsabas ayenacho inili kala nira ayenacho Matias. ²⁴ Aboni mina anili: moje, wualubela, amachi karka pakotami sulala ali riwiri mapu moje echi okua mapu muje ali chuwiriju mapu muje chapiri ²⁵ mapu nochama echi Judas inili nawesame echi Judasi simili binoy niyaka. ²⁶ aboni vineka nokali; Matias chapiruwuami inili a tararami inili makoy bile nawuesami yuwa.