¹ Jipiko jipiko raichama mapari jesusi ku nayamare auchesine, tamoje naki, emi rajimala, ² Emiko kiti nisi ya nukumeami ya chanilami, nisa echi iwikala, echi raichali, weko bile nijirami japi rika nawasa tamoje, mulipi echali raye Riosi maku nawasa. ³ Ke nakiwisi kewesi ke wesi kalensi ke biyir namuti. ke nawama auchesine mawama jare maku suina ku rujisa, echi rijoi ke ala yenami riwiritami nimare, echi kuchili ju nasibuami. ⁴ Naliko kaju ania rua jiwerili niji binoiko sayeli sineami japi riweami Riosi weko japi nawajiniwami. Japi rika, asa echona tempiochi Riosi binoi jeani mapu Riosi ju. ⁵ ¿Ke timinati mapali neko emi yua ati jenimi aneki nali namuti? ⁶ Jipiko emi machi piri jiti ke omera mapi kiti nima riwiritami ni chali rawe. ⁷ Ayenacho ke machirutami ke ala ma ikisi, pe bilepi niru japi omerima jipiko jona machiburami nisa echona buwerili. ⁸ Mapirika echi ke ala riwiritami nima, echi mapu iki binoi warubeala jesusi koumea puchika. Echi Riosi niwama ke namuti echi riwiritami binoi ku nolinima. ⁹ Mapali ku nawama chati oliwami echiriká olama chopi echi riablo jiti nuleremi ju wabe jiwerka,tami machina riwirk bineri ali kie bichiwa namuti jiwerka ola. ¹⁰ Ali sineami kaleri ala bile yua ali jarekoke. Nalika namuti nima echi jare japi iki wikasi isiri, mapu jiti aboni ke tasi bichiwari mapali kala natimasiwa mapurika kuiritami nima. ¹¹ Echi jiti Riosi binoi juli bile namuti mapurika suwin yurme mapujiti aboni akaleka richimi bichili, ¹² Echiju ayenacho sineami echi nisa chaabiami, echi chika ke bichiwili ne bichiwika ayenacho sibarisa jare ala uwirami. ¹³ Tamojeko sinibi nibore matetara ia echi Ruisi emi kitira, bichiwami kaletami Riosi nira, Echi Riosi owili emi emine bacha bichiwami echi niwukuami ku buwarami echi iwikala ne bichiubo ne ala. ¹⁴ Naliko ju japi rika nasipa tamoje kalala Riosi raichali arami jiwerili tamo walubeala jesukristo. ¹⁵ Jerika ayenacho, rijimala, mochili ne ala. Tubusi nopi irika binertili ne ala nira, raichaka binertami wecho osilichi osoka. ¹⁶ Jipiko, echi binoi keni walubeala, Riosi temi noola japi tamo kaleli ali nijili ke sine mukukami maku kilautami ala bichiwami ne juba jona kuiritami. ¹⁷ Pe kili nira chona ripima sulalachi sinibi ala mapi kala olami echi raichala.