¹ Ali echiriga uchesi auche bileni karka Chati olakoami, kaleko'ami, ali je ani aboni we ala Ali ke ala ju ,Ali we simirka raichami ju. ² Niisi mapo Riga kuchi' kuli'i ranarume', we naki lechi ni kalabela iwigala, Ali echiriga yemi omerma ochera echona niukuachi, ³ Echiriga Ma gala machi echi walubela ju we gala . ⁴ Akina simi echi yua aboni ju rite bitemi Ali niili ke naretami echi ralamuli jiti, Ali aboni nili' naretami Riosi jiti , Ali we nateami ju echi yuwa. ⁵ yemi ayenacho ju rite bitemi Ali chiriga niwa mapo Riga Kali iwigala , Echiriga ni'ima' ni gala nira bachami riosi nira nijibo binoi iwigala naretami ni'ima' riosi jiti kristo jesusi. ⁶ 6.- Je ani osorutami, " NESI' NIJE UCHEMA ECHI SION BILE RITE NERAMI, NI BACHA NI JURAMI NI WE BAYOAMI. MAPO ICHI BICHIOKO KE NIMA RIWELTAMI." ⁷ Echiriga echi yarami ju yemi mapo bichiwi . Ali, " ECHI RITE NILI QUE NARETAMI ALI ECHI NIWAMI, MA'A CHIRIGA NAGITALI ECHI MO'OLACHI ECHONA SIKOCHI", ⁸ Ali " BILE RITE KE ALA ALI RITE ECHI ICHIRUTAMI." aboni ichili, ke nijeka echi raichali, Ali aboni ayenacho ni'li riwirtami ⁹ Ali yemi ju bile pueblochi jurami, bile ni ala ni'ima' riosi raichali, bile pueblochi ni ala, bile ralamuli niwami' Riosi, Ali echiriga yemi nawisasa ni gala olarami ni bayoami echi jiti riwali chonachi Ali ragami bayoami. ¹⁰ Yemi Ali sine ke nili' ralamuli, ma jipico yemi ju ralamuli Riosi yua. Yemi ke nareli natimakuami, jipico yemi nareli natimakuami. ¹¹ Kalerami rijimala , nije mi ane auche jareni pireami ni we rasirami mapa Ali riwesare echi ni Chati olakoami, Ali nikosare iwigala yua . ¹² yemi nimare' niisa gala oloa'ami echi ralamuli jularami yua, Ali echiriga, Ali raichasa yemi echiriga olasa karunti ke ala, yemi omeri ine'e Ali kanilika nawajini Riosi Ali sine rawe ku nawama. ¹³ Nijeka karka echi bacha chukumi ralamuli echi jiti walubela , Ali ayenacho echi ni bacha chukumi nulami ni walubela, ¹⁴ Mapo ni'isa echi nulami bacha chukumi echiriga jularami ju kastigara we rasirami Ali ni kale echi gala olami. ¹⁵ Ali echiriga naki riosi, echiriga olasa ni ala muje mapo Riga ke biiri anime echi ke machimi ralamuli ke natami. ¹⁶ Echiriga ralamuli solonarami, ke inebo echi solankuami mapo echiri jiti olasa Ali pola' Chati olakoami, echiriga Niisi Riosi ranala niraa. ¹⁷ ni kala olasi echi ralamuli yua . Kaleka echi rijimala. Ni majaka Riosi .Ni kala olasi walubela yua. ¹⁸ Nochami, Niisi nira yua echi nulami ni karka ni kaleka, ke pi ichibi nulami yua ni gala ali echi ke chona pireami yua, Ali ayenacho echi rasiami . ¹⁹ Churija ni suwerika Ali jare ni'isa okokoami mapo Ali ke kanilisa ke ala olasa natama' ni bachami riosi jiti. ²⁰ ¿Chu iku natetarami niru Muje Chati olasa Ali ke kanilasa Ali kastigartami niisa? Ali Muje ala olasa Ali ku ke kanilisa ni'isa kastigartami, echi ju gala ni bachami riosi yua. ²¹ je na jiti muje niili bayerami, Ali Kristo ayenacho risu' ikili Muje jiti, riweli bile nerala mapo Riga omerma inara echo na taleli binoi. ²² Binoi ko ke biiri olali Chati; Ke biiri riwali kaleko'ami echona chumula. ²³ Ali niili risu' anerami, binoi ko ke risu' aneli jubamiku. mapa Ali risui ikili, binoi ke karunti aneli jubamiku, Ali binoi nijili' binoi nira echi ju inijime kala nira. ²⁴ Binoi nira nareli Tamuje nili echi Chati olakoami binoi ropogala Ali rojoa', mapo Riga Tamuje ke ni'ibo waminabi chati olakoami, Ali echiriga omerbo bitela ni gala bilempi nira. Echi ju ni risu' olarami yemi nili' ku sawarami. ²⁵ Karka yemi nili' muchuami wikami mapo bowa' wikami nira , ali jipico ku nawali nawesami echi tibumi yemi iwigala