¹ Binoy bayeli ali makoy okua, ali omerama echo rablo jiti nira´a mapu omeraba sawe nauli. ² Binoy juli mapurika nawisasia echi Riosi raichala ali saweli echi nayukami. ³ Binoy aneli: "Ke chapisa tasi giri mapu echomi simisa, echi tisori, echi bolsachi, echi paní, echi onomi. ⁴ Echi chukebile kalitili bakisa, echona tibisi echona ali ku buwasi. ⁵ Mapu echomi ke naresa, mapuli emiko ku buwasa echona jona pueblochi, asapasa echi napiso echona nonochi ali rigu nira´a nili echi yuka." ⁶ Echali echi buwasa ali simili mapu echomi alreachi, echi wegala nawesare ali sawali kariga nira´a echomi. ⁷ Jipiko heroresa, echi namili karika nira´a mapurika simirili ali asali nataga, auche jare anili echi Juani Bautista ku asisali ayenacho ku mukusa, ⁸ ali echiriga aniruwami ni´ili echi Eliasi, mapu ke ine ikili ali auche jare ko nawesami nili echali chabe nira´a ayenacho ku muchisili acuhe ku pireli. ⁹ Herodesi anili: "Nije ko nulaki ni sikirenali mo´oli Juani, ¿jena chika ju chika echiriga namali echi namuti jiti?" Ali binoi echiriga neli. ¹⁰ Mapoli echi binerami sili aboniko chaneli Jesusi karika mapurika olali. Mapoli Binoy chapili, ali simibali we mika jonsa, acuhe bile pueblochi riweami Betsairachi. ¹¹ Mapoli wekabe namali echi jiti, najata isirilí. Binoy nareli, ali raichala mapurika echi Riosi raichala, ali Binoy Saweli auche jare mapu nakili sawerami nima. ¹² Jipiko, echali rawe asali mapo nawamareli juba, li makoy okua sili Binoy yuka ali jeaneli: "Kujulasa echi pagotami mapurika aboni simama echona alreachi ali wipo mulipa riwimea bileana kuchume ali komea, tamuje muchuwa bileana wabe mika." ¹³ Ali Binoy aneli: "Yemi iyasa karunti map komea." Aboni chaneli: "Tamuje ke niwi tapi mali pani ali tapi okua rochi, o echiriga simati ralisia kowami kariga jena ralamuli. ¹⁴ (Niruli noleka mali mili raramuli.) Binoy aneli echi bineami: "Muchusa napawika nira´a mapurika malisa makoy nira´a." ¹⁵ Ali echi aboni echiriga olali jena olali ralamulo muchuwa. ¹⁶ Binoy nareli echi mali pani ali echi okua rochi, Binoy ineli ripa riwigachi, ali walu nateraba ali nachutali nasipa chiwanika, echi yali echi bineami maporika uchama bachami echi yuka wekabe ralamuli. ¹⁷ Kariga aboni kowali ali we ala posali, ali ayena tibili nili jurame, makoy okua walichili tibili pi u´ka ni´ira. ¹⁸ Sine rawe mapuli Jesusi asali ora´ra bineli niraga, echi bineami muchuli binoi yuga Binoy echi rikeka aneli: "¿Chika chani echi raramuli chikaju nije?" ¹⁹ Aboni nijewali: "Juani echi Bautista ali auche jare echiriga ani eliasi, ali auche jare ani pe bile echi nawesami echali chabe nira´a ku asisali," ²⁰ Mapoli Binoy aneli: "¿Ali chika chani yemiko chika ju nije?" Pegro nijewali: "Echika ju Kristo ²¹ Riosi." Ali Binoy echaneli oweika ke wesi ruwesi jena. ²² Aneli: "Echi ranala echi rijoy olama wekabé namuti ali ke kalerima echi ocherami jiti ali bacha uchuwami ali binerami, ali mukumi ali echali bakia chileka ku asi´sama ali ku bitelama". ²³ Binoy aneli a kariga aboni: "Echiriga nakisa bile najatama ke, natasa binoi jiti tosa echi kurisi chulubi rawe ali tami najatasa. ²⁴ Chukebile ni´ulami echi biteluami ali binoi wikawama, ali echi naki´ko ke niuli nili, nije jiti echi ku niu´luma. ²⁵ ¿Piri nateami nima rijoy echiriga niurisa kariga jena kawichi, ali wikawama, binoi jiti? ²⁶ Chukelibe echi riweli tami jiti ali ayenacho nije raichali jiti, echi Rijoy ranala ayenacho riwelama echi jiti echali ku nawasa echona ripa onoruwami niwalachi ali ayenacho echi Santo angelesi. ²⁷ Echiriga nibichiwali nira´a chanema echiriga niru temi jena muchuwami kecho machime echi muku´ami ni bacha aboni riwime echi ripa nirumi Riosi, ²⁸ Jipiko malube osanao rawe pe juba, Jesusi raichali echi raichala, chapili echi Binoy echi Pegro, Juani ali Santiago, ali moli ripa rabo orisia. ²⁹ Mapoli Binoy orarili, ali echi cho´ola nakuli´li echi napachala najitili rosakami nira´a nili. ³⁰ Jena, okua ralamuli muchulo raicha echi Binoy yuga, Moisesi ali Eliasi, ³¹ echika nili echona jabili ni ratabaja ne we bayhoka. Aboni raichali mapuriga ikimea riweli. Ali echi Binoy ma mulipa echiriga olama echona Jerusalenichi. ³² Jilipo Pegro i auche jareko muchuli echi yuka Binoy nili bile rumukuami we bitekami, mapoli echiriga aboniko we a la busurueli echi ragami ali echi okua ralamuli echi asali Binoy yuga. ³³ Mapoli aboni chakenali echi Jesusi yuga, Pegro aneli: "Binerami, echi, we ala ju tamuje yuga muchisa jenai olasa maporika bakia kali, bile nili muje, bile nili Moisesi, ali bile nili Eliasi" (Binoy ke machili, churuga aniya). ³⁴ Mapoli Binoy je aneli echi, bile noli nawali ali echi poli, ali aboniko we majali mapoli mowili echona norirali. ³⁵ Bile raichali machinili echona narirali, je aniga "Jena ju nije ralala, Binoy echika jurami ju, namisa." ³⁶ Echali echi niyokili raicha, Jesusi asali bineli nira´a aboni kaggteli echi ayenacho emiko maporika riwali. ³⁷ Jipiko echali rawe, aboniko tikinili echona jonsa rabo, ali we kabe ralamuli napawili echi yuga. ³⁸ Jena iba asali bile rijoi ayenacho wikabe ralamuli yuga echi binoi sinaka je aneli. Binerami, periko nesa nije ranala pe echibi niwa nije. ³⁹ Inesa bile aliwa echi echiriga ola echi binoi yuga ali ke saina wali sina kenookeva i ali ni machini runuwa echona chumuchi jonsa pe ke sine riwe ali we rusurika ikili. ⁴⁰ Nije echi ni werili aneki achi bineami achiriga machipanala chopi echiko ke omerali." ⁴¹ Jesusi nijeka jeanili: "Yemiko jipi pireami ke bichiwami ju ali we chati olami ¿chu kilini yuga ni asime yemi chú kilini nochama." ⁴² Mapoli binoi echi towí mulube, ali echi rablo pali echona rile ichi ali nokerali echona we jiweraga ali Jesusi machi pali echi chati aliwa ali ku sawali echi towi, ali echiga ku iwiyali echi onola. ⁴³ Echali aboni muchuwali kariga pe we neka ni we kanili echiriga olami onoruami echiriga kariga nopibiri ola echi Binoy, je aneli echi bineami. ⁴⁴ "Ariwesa jena raichali bakisa echona nakalachi: Echi rijoi nisaka iyarami echona sikalachi ralamuli." ⁴⁵ Mapali aboni ke namali echi raichali opolikami ni´li aboni ali echi aboini je machili mapuriga aniwani nili, ali chobiji abonia niwali magakuami echi rukekuami jena jiti raichali. ⁴⁶ Mapoli ma owili riukueka nira nakupa maporika chika echi aboni niima ni walú niraa, echi aboni yuga. ⁴⁷ Ali Jesusi, ma ali machili piri nata echona sulalachi, mutuka bileka towi ali echali echona auche bilena, ⁴⁸ ali jeaneli: "Chuke bile naresa jena towi nije rawala jiti, ayenachi tami nare; ali chukebile tami naresa, ayenacho narema echi tami ju´uli echi ko nisa pi ta´a yemi yuga kariga echi ju ni walu." ⁴⁹ Juani nijewali: "Binerami riwakili a bile echi mchi pami echi chati riablo muje rawala jiti tamuje ke naki´kili echiriga olam´a, echi binoi ke tamuje nakata." ⁵⁰ "Yena nakisi" jeanili Jesusi, "a chuke bile ke najisasa yemi yuga, echi ju yemi yuga." ⁵¹ Echali ma mulebe nili rawe ayenacho Binoy nili ku asisima, binoi winaralí pe we´ achinika simi echona Jersusalenchi. ⁵² Binoy ju´uli bile nawesami echona bachami echi yuga, ali aboniko simíbaí ali mowili bileana uka pireachi samariachi ayenacho olasia kariga echi binoi jiti. ⁵³ Ali echi raramuli echona ke nareli mapoli Binoy winarali achinaka simia echona Jerusalenchachi. ⁵⁴ Mapoli echi binemi Santiago ali Juani riwali echi binoi achaneli: "Jesusi, ¿nakimi nulabo echiriga rikinama bile naí echona riwigachi ali suwabama? ⁵⁵ Mapoli Binoy ku rowisa yonali. ⁵⁶ Aboniko ku simíbali echona auche bileana pi uka pireachi. ⁵⁷ Mapali aboni sirali ma siya, bile jeaneli echi Binoy: "Nije mi najatama mapo echomi muje simiyare." ⁵⁸ Jesusi jeaneli echi Binoy: "ECHI KIYOCHU YENA NIWI KALILACHI, ALI ECHI CHULUKI RIWIGACHI JONSA NIWA ECHI ROSOLA ECHI BINOY RANALA RIJOY KE NIWA MAPO ECHOMI KOCHUMEA." ⁵⁹ Mapoli Binoy jeanili auche bile: "Tami najati." Ali binoy jeanili: "Jesusi a na kawipe bacha simea a tosia a nije onola." ⁶⁰ Ali Binoy jeaneli: "Nakiwi echi suwiami aboni toma. Ali muje simiga echiriga raicha buchuwina Riosi ripa riwigachi atimi jiti. ⁶¹ Echiriga auche bile rijoi ayenacho chanili: "Nijeko najatama, Jesusi ni bacha nakiwisa jeanema ariosi echona bitichi pireami." ⁶² Jesusi jeaneli: "Ke wesi, auche ma echi sikala echona ararachi ali ninasoka kuwaku ke ku nawama ripa riwigachi."