¹ Ja̧hua̧nö̧ ja̧'a̧mä̧ Israelitatömä̧ esetocotupinätö̧ öcuotä'cuähuä 'korojuei kä̧cu 'kä̧'ȩpö̧ cu̧nä̧huä̧ siepicu pparutticua pä'ö. Acan, Carmi i̧tti̧, zabdi i̧tti̧, Zera i̧tti̧, Juda ö̧tä̧mi̧nä̧ isotuttömä, mä̧i̧nä̧tö̧ korojuei ka̧cu̧ 'quȩȩpo̧ cö̧nä̧huä̧hui̧'i̧nö̧ pparötticua'a pä'ö, Tu̧ru̧hua̧ Diosmä̧ na̧hua̧ri̧pi̧nö̧ Israel ttö̧ja̧cu̧. ² Josuemä hue'inö ö̧mä̧tö̧rö̧tä̧ Jericottö Haira ti̧'cha̧ pä'ö, Bet Aven tö'cöcu ki̧na̧'a̧ Betelttömä ka̧hua̧ räopacu. Ja̧ö̧ pä̧i̧nä̧ö̧: " 'chä̧nö̧ topätöcui ja̧huä̧jä̧ rȩjȩra̧". Ja̧hua̧nö̧ ja̧'a̧mä̧ u̧mä̧tö̧mä̧ 'chinätö̧, topinätö̧ Hai. ³ Josue i̧ja̧cu̧ ppa̧'a̧chä̧'cotömä, jitäcuinäcu̧: "O'catoinärömä huecuä Hairamä. dosmil o tresmilnö u̧ma̧tö̧rö̧tä̧nä̧ huei Haira rohuähuö ti̧'cha̧. O'catoinämä törohuäcunämä jȩcuä̧, jahuätömä a̧'ö̧cu̧nä̧tä̧ huotö ja̧'a̧ttö. ⁴ Ja̧'a̧nu̧ ja̧'a̧mä̧ tres milnö u̧mä̧tö̧ 'chi̧nä̧ttö̧ rohuähuätöttömä, ja̧hua̧nö ja̧'a̧nä̧ pitömä Hai u̧ma̧tö̧ttö̧mä̧ töichinätö̧do. ⁵ U̧mä̧ttö Haittö̧ja̧mä̧ treita y seinö cuörä rohuähuätörö cuäicuinätö̧ rö̧'ä̧rö̧ utahuiyä apate a'ca jobö, cuäö ttiicuinäö̧ möä'cattö tti̧mȩyȩhuo̧mȩttö inäsa jo̧mȩmä̧ oto ji̧na̧. Utahuiyä ttö̧ja̧mä̧ rö̧ä̧nä̧ ye'ecuinätö ta̧mi̧ iso'qui jacuänä, ttimicuähuäjimä kara ki̧'i̧na̧. ⁶ Ja̧u̧nu̧ o'camä Josuemä i̧'ca̧tä̧hua̧ta̧ sȩro̧pi̧cui̧nö̧. Ja̧u̧'i̧nä̧, Israelttö tä̧mö̧'i̧nä̧ ttönä̧ i̧sa̧ppä̧ cuä̧ȩcui̧nä̧tö̧, Tu̧ru̧hua̧rö̧ i̧jä'ca pä̧tȩcuä̧nö̧ ja̧rȩyö̧nö̧ pä̧mä̧di̧nä̧tö̧, di̧pä̧rö̧mȩ jobö ki̧nä̧tö̧. ⁷ Ja̧u̧nu̧ o'camä̧ Josuemä pä'inö: " ¡soó, CHU̧RU̧HUA̧ DIOS! ¿Tä̧mö̧ pitö ttö̧ja̧rö̧mä̧ ja̧'a̧tä̧ tocuätö̧ Jordan ttijähuänämä? ¿Amorreo ttö̧ja̧ ttö̧mä̧ siepö tticuatö pä'ö ttä̧ji̧? ¡Jordan yä̧nä̧ ji̧jä̧nä̧ tö̧ji̧pi̧nö̧ttö̧tä̧! ⁸ ¡CHU̧RU̧HUA̧! ¿Israel ttö̧ja̧ täboyotöttönä tuipätörömä, rohuähuönä ttö̧jö̧rö̧huä̧jö̧rö̧mä̧, däje pädanö ja̧'a̧ttö̧ jitämä? ⁹ Jitämä o'catoinä Cananeonä kä̧tö̧mä̧ tä̧ji̧cuä̧cuo̧tö̧ pi̧yȩ huȩnȩmä̧. Jahuätömä törohuäcuäcuotö ujutö ti̧mi̧ pi̧jä̧ rȩjȩnä̧ ka̧cuä̧tö̧ tönöchiönä jȩta̧ pä'ö. Ja̧hua̧nö̧ ja̧'a̧mä̧, ¿Cui̧mi̧ ucuonä micuäcuö ja̧'a̧tä̧mä̧ däje jȩcuä̧hua̧'a̧? ¹⁰ TÖ̧Ä̧NÄ̧HUÄ̧mä Josuerö päinö: "¡Ä̧rä̧mi̧'i̧! ¿Dä̧bö̧ cuidepäinä̧ rȩjȩ päiönä ja̧rȩyu̧nö̧ cu̧'a̧ttö̧?" ¹¹ Israelmä jäyä jȩpi̧nä̧tö̧. Ttö jȩcuä̧tu̧cua̧ja̧ pädäjimä jȩpo̧co̧tö̧ päjätö. Kä̧'ȩpö̧ ku̧nä̧huä̧ttö̧ nä̧u̧cuä̧jä̧tö. Ttönäucua'anä'inä suronä jȩttö̧ da̧jä̧rö̧ ko̧cuä̧tö̧ ttönäucuäji ttamönä ttiärecutä kunärätö. ¹² Ja̧hua̧nö̧ ja̧'a̧ttö̧, Israel ttöjamä jettö juiyönä ja̧'a̧ ttabo iyotötä ttöipötä ko̧cuä̧tö̧ ttamonätä meopärö̧ toepö kocuätö. Ucutömä ko̧'cö̧chä̧cua̧sä̧ siepö cuicuätucua pä'ö huedinöjinö dajärö cu̧ju̧nä̧tu̧cua̧'a̧ttö̧ ¹³ ¡A̧rä̧mi̧'i̧! Ttö̧ja̧römä̧ jo̧mȩnö̧ ttörö tta̧tta̧ra̧ jiähui. ucutui'inä jo̧mȩnö̧ surojö'inä juiyönä tta̧cuä̧rä̧tu̧cua̧jä̧ yo̧'ä̧i̧ mo̧ro̧ma̧. Tu̧ru̧hua̧ Tö̧ä̧nä̧hua̧mä̧ Israel ttö̧ja̧ Ttu̧ru̧hua̧ Ttö̧ä̧nä̧hua̧mä̧ pä'äji. "Korojue'i ji̧nä̧ ka̧cua̧'a̧ siepö tticua pä'ö pätetö ku̧nä̧huä̧ ja̧u̧mä̧ ucutunätä̧ ko̧cua̧'a̧ Israel ttö̧ja̧mä̧ ttöröhuäu juiyö'anö ja̧'a̧ ttabo iyotörömä suronä jö̧ toeächä pä'ö pätetö ku̧nä̧huä̧ ko̧cua̧'a̧ttö̧ . ¹⁴ " Mo̧ro̧ päi'a'a, o'catoinä ttötämöminättö̧ ya̧cu̧ pö̧nä̧ ji̧nä̧ yo̧mȩtȩ päcuiätucuaja. Ttötämöminättö topö Tu̧ru̧hua̧ ö'ojoäutä tti̧'cha̧cuo̧tö̧. Ji̧nä̧ yotöte isotöttö. Ji̧nä̧ yotöte isotöttö TU̧RU̧HUA̧ ö'ojoäutä tti'chi̧ä̧cuo̧tö̧ u̧mä̧tö̧ ya̧cu̧ pö̧nä̧. ¹⁵ Pide ja̧'a̧ päcu önäucuäji u̧ju̧nä̧rö̧ttö̧mä̧; ja̧u̧mä̧ 'cuicutä ro̧ȩcuä̧ ojuisode'inä o'cajuiyönä ujunärömä TU̧RU̧HUA̧ päinö öarodä'attö jäyätä hua̧ Israel ttö'inä. ¹⁶ Ja̧hua̧nö̧ ja̧'a̧ Josuemä yo̧a̧'a̧nä̧ porächiö o'ipinö tö'cö päiönä Israel ttö̧ja̧rö̧ ttötämö pö̧nä̧rö̧ Juda ötämöttö 'cäepö ȩmi̧nö̧. ¹⁷ josuemä i'cächinö tö'cö päiönä Juda ahuaruhuä isottö juorömä Zera kahuaruhuä isotöttömä ya̧cu̧pö̧nä̧ 'cuä'opinätö̧ juorömä emahuächinö Zabdi pä'ö mi̧cuä̧tä̧. ¹⁸ Jaumä Zabdi ahuaruhuättö i'chächinö yacu̧ pö̧nä̧rö̧, Carmi ki̧tti̧ ö̧tä̧mi̧nä̧ttö̧ ȩmä̧huä̧chi̧na̧'a̧. ¹⁹ Ja hua'anö ja'a Josuémä päino Acánrö : " chi̧tti̧, jueinätä jiähui tö̧a̧nahua̧ Dio ä'ca jo̧metö, Israel ttoja̧ tiänahua Dio ä'ca jo̧metö jiähui'icui. Ppa'ädönö jihuitö ¿Daje jȩ cuä̧jä̧tö? yaute ina 'cu̧da̧järä̧. ²⁰ Acámä adätinö : " Jue'inäta̧mä , iso päi'önä jäyä jȩpä̧ji̧sa̧ chiänähua̧ Dio äca jo̧metö, Israel ttö̧jä̧ ttiäna̧hua̧ Dio äcatöina pi̧yȩ ja̧'a̧ jȩ chi̧nömä: ²¹ Topinösa̧ röäönä mihuäu juäi ka̧'a̧ pu̧ja̧ta̧ adihua̧ta̧ ka̧'a Babilonia docienta pärätä o̧bi̧ , 'coromä jina'a oro'ca ämä'cömä medio kilo abonänö ji̧na'a, ja̧u̧ pa̧cuä topu ȩmipinösa̧. Ja̧u̧mä chöjo̧metö 'cä'co päteö rȩjȩ jä'cuä däjö 'cunä̧huä̧ 'ca̧'a̧ pärätä o̧bi̧cu̧. ²² Jahua'anö päi'omenä Josuémä hueinö jiäcuä huä ttöja̧rö̧ jahuättöma Jopipuno cha̧huina̧tö ja̧u̧ ä'äyomecu̧ , chä̧jui̧ö to'to menämä juäneta̧ kina'a ja̧ u̧ mä. Jahua'anä ja̧'a̧ to'tomena po̧cuipinättö̧ dajö 'cunähua'a pärätä o̧bi̧mä. ²³ Jahuatömä ja̧u̧mä ȩpi̧natö̧ pitö 'tä'ca jo̧mȩi Josuéinä Israel ttö̧ja̧inä 'ttö̧ja̧inä 'ttä'cajome. ja̧u̧ jä̧ji̧ma rutinätö̧ 'tiänahua̧ Dio ä'ca Jo̧mȩ. ²⁴ Jahua'anö jä̧ji̧ öcamä Josuéina Israel ttöja̧ina o'catoi'inä chuädinättö Acánrö Zera ki̧ti̧pinörö, pärätäinä, pujä̧ta̧ina ora'caina i'ti̧mu̧ u̧mätöina na̧töinä äji̧mu̧ päkäya̧töinä mulatöina ovejatöinä 'o'ca huiyönä öjo̧me ka̧cu̧ma 'tȩpiniya̧cu̧ Acor mȩjȩ 'cacu. ²⁵ Ja̧hua̧'anö ja̧ji̧'o'ca'a Josué Päinö: "' ¿ ta'anö päö ro̧ȩcuä̧ hui'cächäjätö, tiäna hua̧ Dio ,ä'ca jo̧mȩmä, jahua'anö ja'atö jitamä ucurumä ra̧bȩcua'a ro̧ȩhuäta̧ ucurumä. ja hua'anö jä'ato̧ o'catoinä Israel ttöjamä inädu 'o'qui chuädö ihuäu huäö ticuinäcu̧. Ja̧u̧nu o'camä ku 'ticuinacu̧ ja̧u̧mä. " ²⁶ Jahuättötä jȩpinätö̧ muä'ca jo̧nä Acán ö̧o̧me huäme inähuiyattö cächö cuanänö; jitä mo̧ro̧ päi'inä kä'ca. Jahua'anö jȩ'to̧menäta̧ tiänahua̧ Dio ro̧a̧i̧nä amisuru toäjimä siähuächi'ina'a. Ja̧hua̧'anö ja̧'a̧tö̧ jitä pi̧yȩ mo̧ro̧mä juȩneji̧nomȩnä mi hua'a Acor meje'ca päö.