¹ Josue, Nun iewaa anʉm, jãguataa õor Sitimpien numi merãa chogjim anʉm. Chi õor numi wetju nawe ichdiu magjim: "jẽb oon petat, maimua Jeriko jẽb akho oobathʉ ajim anʉm". Magnaa chi õor numi chadcha wetjiieram anʉm chi jẽb oon mag oonmarr ee ʉʉi chi khũjã thiiermia aig Rahab anʉm, di aita thʉba jiieram anʉm. ² Maimua chi Rei Jerikoonag jaaupuijiieram anʉm: "Oobat enkhooin numi Israelpien maach jẽb oon beejiieram anʉm." ³ Maimua chi Rei Jerikoonau iek jaapuijim anʉm chi ʉʉi Rahab anʉmag: "Pʉ di aig emkhooin thʉbatarr khʉʉn jʉr apʉi, pʉch aigmua, jãkhʉʉnan maach jẽb oonbeetarr khʉnau." ⁴ Mamʉ chi ʉʉirau makhʉʉn emkhooin numi warrwia mẽer aujim anʉm. Maimua chi ʉʉirau magjim anʉm: "Chadcha, mʉ ai makhʉʉn emkhooin beejiieram, mamʉ mua khauba ʉajim jãmaamuata beejierra. ⁵ Amach wetjiieram kheeumamʉa, chi phobor thãarju nawe. Mua khabam, jãmagta wetjiiera. Pua am ẽudee jupai mamʉn ẽkha auju." ⁶ Mamʉ chi ʉʉirau makhʉʉn enkhooin numi mẽer ausĩejim anʉm put wajaphamua ich di eu ʉ̃r theer ausierai. ⁷ Magta chi õor am ẽudee ẽkhajim khudau do jʉsar Jordan bi gar masim ee. Chi phobor phãarmam ee chi ẽudee ẽkhamaar khʉʉn ober jiierram. ⁸ Agat chi emkhooin khãibanʉm ee, chi ʉʉirau am õormajim anʉm. ⁹ Magwia Chi ʉʉirau magjim: "Mua khaphu ʉm ẽwandamau pãarãg mʉg jẽb deetarr magnaa mãarãu paan ugkhanʉm. Magnaa thunbe mug jẽb gaai jooba nʉm khʉʉn, paarãuta am khaai ʉ̃ncha aju." ¹⁰ Marãu ũrjim, Ẽwandamau dojã chõjõ a thʉm sim (Mar Rojo) jʉu autarr pãar dichamkhĩir egipto mua. Maimua agjo marãu ũrjim jakhʉʉn Reinaan nʉmi Amorreopien Jordan bi gar, Sehon Og dʉi, pãarãu thõotarr. ¹¹ Mag marãu ũr athawai, mãar japhier phobaa dejim maach thãar ee maimua mãar juapa agjo eegpajim, jãg Ẽwandam pãar Ẽwandam aawai, jãta ẽwandamau ʉ̃gtharjã agjo mʉg jẽb gaaija aujo. ¹² Maimua, mʉ dau aukhaubat, chadcha pãach Ẽwandam dauna agcha abat, jãg pãar dʉi mʉ wajapha atarrjo awia agjo pãar wajapha abat mʉ aai di dʉi. Maimua murʉg chadcha oopibat ¹³ pãarãu wajapha wainaaju: mʉ aai, agjo mʉ ãdja, mʉ ephemkhooin, mʉ ẽumdeen khʉʉn, mʉ khod naan thunwe, pãach diu peerdʉ aujuarau." ¹⁴ Chi emkhooinau magjiieram: "¡Marãu chadcha jaauju pãach perdʉ aupimkhĩir! mamʉ pua, jaaubamʉn maraũ waunʉm mʉn, magta, ẽwandamau marãg mʉg jẽb deebarwai, marãu pãar dau aukhauwia pãardʉi agcha aju magnaa marãu pãar ipierraa aju." ¹⁵ Magta chi ʉʉirau jũgad gaai chi emkhooin uurba aujim anʉm. Mag chi di phobor thuur sim igaauta sĩeraai magaita joobajeejim anʉm. ¹⁶ Chi ʉʉirau magjim aajem: "Durr gaai ereubaadet maimua meerbat magai magbamʉn pãar ẽkhanʉm khʉʉnau pãar oo auju. Jã gai khãai thãrjũp ma gai meerbat, pãach ẽumdee ẽkhanʉm khʉʉn beebamaar. Maimuansĩ pãar wetjuarau pãach khʉd beetarr ee". ¹⁷ Chi emkhooinau chi ʉʉirag magjiieram anʉm: "Marãu waubaaram pʉ iek chadcha maarãu wauju atarr" pʉch dʉi, sĩ pua mag waubamʉn. ¹⁸ Mãar mʉg jẽb gaai barcheewai, put phuriim jʉ̃ kherba pua mãar uurbapitarr aig, maimua chi di aig ãba biirdʉ atha pʉch aai maimua puch ãd, pʉch ẽumdeen khʉʉn maimua agjo pʉ aai di thumwe. ¹⁹ Ãb khaya chi di aigmua jer obermʉn, meejʉ̃ ich khĩirãu maig maarãu khaubam. Mag sim eeta pʉ degnʉm khʉʉn gaaita pʉrmʉn, maanta meejuarrau maachdeu waubatarr gaaimua. ²⁰ Mag sim ee pua marãu wawaagpam jaaumʉn, maarãu khaubam pʉchdiu marãg dakhãupi jeeutarr." ²¹ Maimua rahabpau magjim: "Pʉch diu jaautarr paigta mag sĩeju." Chi ʉʉirau ãar jãsenkhawia wetjiieram. Magwia chi ʉʉirau ĩrĩg jaautarrjoo put phuriim jũkherjim chi enkhooin ʉrrbataar aig. ²² Magwia amach wetjiieram durr gaai magai khãai thãrjũp sĩsĩjiieram anʉm ãar ẽumdee ekhãnaar khʉʉn beebam aar. Chi ẽkhanaar khʉʉnau thunwe khʉdau bi gaau jʉr phʉʉrdʉ puijiieram magtarja oobajiieram anʉm. ²³ Maimua chi emkhooin numi uurbajiieram chi durrsĩ gaaimua magwia wetjieram Josue, Nun iewaa aar, maimua thunwe jaumajiieram amach diu oomatarr. ²⁴ Magnaa amachdiu magjiieram josueg: "Chadchata Ẽwandamau mʉg jẽb maachig deejim. Maimua thunwe jãg jẽb gaai joobanʉm khʉʉn maach gaaimua japhieernʉm".