¹ Maimua thʉnwe chi õor Israel phobor den biirdʉjierram Silo ee. Amach dʉi waujierram oor biirdʉnʉm den Tabernákulo ai maimua amachigpaajierram chi jẽb am khĩir phee. ² Agatha nʉm jua ãb awia nʉmi khod naan Israel pien mag amach juakhar jigbanaajim. ³ Josueeu jaau jim Israel pieen õor nag: ''¿Jãag weita pãar nʉʉg aga chi jẽb ee dugag, Ẽwandam jongarimkhʉʉn denau, parãg deetar?'' ⁴ Jʉrathad emkhooin thãrjʉp chi khod naan pier, mai murua am deepʉiju. Amach obeerjuarau maimua oo juarau chi jẽb ʉ̃gthaamua jerag. Amach dʉi phaagau maimua wajãpha jawaagau amach juakhar oowia, maimua mʉ ar deeu beejuarau. ⁵ Amach dʉi thorkha pui yaagau jua ãb awia nʉmi. Judá ich jẽb gaai nʉrraagau sur garr, maimua chi José di magai sieegau chi nortegar. ⁶ Pãarau wajapha jawaagau chi jẽb jua ãb awia nʉmi thorkhasim den, maimua mugai mʉar jawaan bee juarau. Murua mugai pãarig por wajau mam khĩin deeju Ẽwandam maach Aai dakhĩin. ⁷ levitanaan pãar ee jẽb thorkhatar ee chukhʉ nʉm, mamʉ Ẽwandamau amach athe deejim juakhar chi saserdocio (ãspan pier Ẽwandamag phobor athe jeeu jem khʉʉn). Gad, Rubén maimua Manesés pieen khod naan jãdacha khʉʉn pʉrajierram amach juakhar, Jordán naag. Amu ajim chi juakhar Moisésau, ich Jooi Ẽwandam chogau, deetarr''. ⁸ Maigmugua chi emkhooin phiidʉwia wetjierram, Josueeu phaan wet tarr khʉʉnag maimua jẽb den wajapha jaau tarr khʉʉnag, jaujim: "Ereuphubaad managamua badag jẽb gaai maimua phãbad chi jẽb den wajapha jãwaag mai muar deeeu pidʉd. Murua pãarig por wajãu deeju ich Ẽwandam dauna Silo aar." ⁹ Chi emkhooin wetjierram managamua badag jẽb gaai maimua phajierram chi jẽb den wajapha jãwaag esãp pursim gai thorkhasim jua ãb awia nʉmi, berwainaajierram chi phobor thokhatarr pier. Maig mua amach dʉi beejierram Josué ai, chi Silo di eu sim aar. ¹⁰ Maigmugua Josueeu por wajau amag deejim Silo ar Ẽwandam khiin phee. Magai Josueeu jigpʉijim chi jẽb Israel pienag, amach ãhãbdum khʉʉnag jẽb agpierra deejim. ¹¹ Benjamĩn khod naanig ãhãbdʉ khʉʉnag jẽb deejierram. Chi jẽb amag deetar chi khodnaan Judá pien maimua chi khodnaan José den khʉʉn jadachata joobajim. ¹² Chi dokhẽu marãg igar, maimua chi dʉr khĩrthẽu nʉm ai mua Jordán gar. Chi dʉr khĩrthẽu nʉm ʉgthaag dʉrsi bʉkhʉr Jerikó dokhẽu marãg gar, magaimugua managmajim dursi bãram gai edau duug jemag. Magai barchejim Bet-avén weug durr. ¹³ Ma gaimua dʉr khĩrtheũ nʉm ai dich jim dokhier garbi masim ee edau bʉ wʉʉthʉnʉm ee (mag jẽb thʉ̃rsiajim Betel). Maigmugua chi dʉr khĩrthẽu nʉm aimua Bet-Horón arag. ¹⁴ Chi dʉr khĩrthẽu nʉm ai maigmugua petadejim dewam khʉd ee: chi edau dʉgjem igaau mua chi dokhier gar arag, petaadejim dʉrsi apha thʉnʉm arag Bet-Horón khiin phee.Mʉg dʉr khĩrkhẽu nʉm ai obaadejim Quiriat-Baal aar ( mʉgau, Quiriat-jearim),mag phobor dam Judá khod naan den ajim. Mʉgua waujim chi dʉr khĩrthẽu nʉm ai edau dʉg jem aar igaau. ¹⁵ Dokhier garbi igaau agaicha Quiriat-Jearim daaugar mua. Chi dʉr khĩrtkẽu nʉm manʉrrajim Efrón aig mua, Neftoa thʉrr do den. ¹⁶ Chi dʉr khĩrkhẽu nʉm ai maigmugua durbʉ jerag majim magai siajim khʉtag Ben-Hinom eugar, mʉg siejim dokhẽu marãg khẽu ar Refaim khʉthag ee. Maigmugua khʉthag ee jerag beejim Hinom den, Dokhier gar bi arag durrbʉ igaau Jebuseos pien den, maimua ichag jerag beejim chi En-Rogel ar. ¹⁷ Dokhẽu marãg waaidʉ majim, manʉrrum En-semes khʉd ee, muimua majim Geliot arag, Adumín eugarta waidujim. Ruben iewaa eeg beejim Bohán mokdau ai. ¹⁸ Dokhẽu marãg dichjim durrbʉ khẽusim ar Bet-arabá den ar mai eeg beejim Arabá sim ai. ¹⁹ Chi dʉr khĩrthẽu nʉm aimua durrbʉ khẽu ai dich jim Bet- hogla dokhẽu marãg. Chi dʉr phĩrthẽu nʉm obadejim chi doja i phurdu sim (Bahia) dokhẽu marãg dokhier sim den ar, Jordán khẽu dokhier gar bi ai. Amu ajim dokhier gar bi bar sim ar. ²⁰ Chi Jordán waujim edau dug jem igaau gar bi.Mu ajim chi juakhar Benjamín khon naan den.ich khod naanig ãhãmdum khʉʉn nag dee jim, chi khẽu barsim ai, thʉnwe ag igaau. ²¹ Nau chi phobor khod naan Benjamín den, chi clnes naan mug ajim: Jericó, Bet Hogla, Emec Casis, ²² Bet Arabá, Zemarain, Betel, ²³ Avim, Pará, Ofra, ²⁴ Quefar Haamomi, Ofni maimua Geba. Mu khʉʉn ajim jua nʉmi awia agun nʉmi phobor naan, aam phobor dam dug pʉi wia. ²⁵ Ag jo magai naa jim chi phobor chi Gabaón, Ramá, Beerot, ²⁶ Mizpa, Cafira, Mozah, ²⁷ Requem, Irpeel, Tarala, ²⁸ Zela, Elef, Jebús (apapei yau Jerusalén), Guibeá maimua Quiriat. Thʉnaa jim jua nʉmi awia jayab phobor naan, aam phobor dam dug pʉi wia. Achamu ajim chi erensia Benjamín den ich khod naan athee.