¹ Moises maig chi jooinaan Israel pieen nau jaau jierram chi phoborag miag mʉgjierran: "wainʉisisit thumwe Ẽwandam wawia mua jaautaarr isim ed. ² Mʉg khãai ee paan ereuwetʉm aig Jordán durr ee PAAN ẼWANDAM mau paanag deesim, magbaawai aukheraagau mogdau porpomaam ãb maig phuurbapʉit yesoou. ³ magbaawai dʉrba dichtarrkhur paanau phãagau chi iek thumwe Ẽwandamau jautarr den; magbaawai wetaagau ẼWANDAMUA jẽp paanag deesim aar, chi jẽp wajapha sim leche wawaag maig miel wawaag athee, magjim ẼWANDAMUA paan jooin garim khʉʉnag, chadcha deeju ajim. ⁴ Magbaadewai paan Jordán ee pabaadem aig, mʉg mokdau aukherbat mua jaau chirʉm aig isim ed, chi Durrsi Ebal aar, maig wajapha phuurbapʉit yesoou. ⁵ magai paanau wawaagau mokdau den mesjoo PAAN ẼWANDAM athee, chi mes mokdau den nau; mamʉ potbasim chi mokdau gaai jierjomua phigkhaag. ⁶ Magbaadewai waukhaagau mesjoo PAAN ẼWANDAM athee chi mokdau den phigkhaba taar gaai; magbaadewai neminag phaanawia jãsene deejuarrau PAAN ẼWANDAM athee ⁷ maigmua nemchaain thõonaa jãsene deeju maach Ẽwandam iek ʉkhanʉm khʉʉnag maig agaipai khojuarrau; onee najuarrau PAAN ẼWANDAM dau naa. ⁸ phãjuarrau wajapha chi mokdau gaai chi iek thumwe Ẽwandam iek jaautaarr". ⁹ Moisés maig chi Phadnaan, chi Lebita pien, iekhajierram thumaam khʉʉn Israelita pienaag maig jaaujierram: "khĩuu naagau maig ũrbaathʉ Israel pien: Is paan ompagkha jierram ẼWANDAM phoborta khajierram. ¹⁰ Magbaadeewai naagau ʉkhaag PAAN ẼWANDAM mua jaautaar maig ʉkhaagau maach Ẽwandam wawia maig maach Ẽwandam iek phataar gayam mua jaauchirʉm isim ed". ¹¹ Moiseu mag ed pai jaaujim chi phobor pienag maig mʉgjim: ¹² "Mʉkhʉʉn khotnaanta dʉnʉu khagkha juarrau durrsĩ Gerisim ʉ̃r mag gaaimua chi phobor Ẽwandan thʉn gaai jawaag athee agtaarkhur mag dichwetʉmai chi Jordán ee: Simeón, Lebí, Judá, Isakar, José maig Benjamín. ¹³ Mʉ Mʉkhʉʉn khotnaanta dʉnʉu khagkha juarrau chi durrsĩ Ebal ʉ̃r mag iek thõpaag jawaag athee: Ruben, Gad, Aser, Sabulón, Dan maig Nephtalí". ¹⁴ Chi Lebitanaanau ʉkhajierram maig iek patheeg iekha juarrau thumaam khʉ̃ʉn emkhooin Israel pienag: ¹⁵ "Akharãgee maagau chi emkhooin pachãan dosãt den waujem khʉʉn akho agʉg jeeujem khʉʉn, Ẽwandam dauna agchakhaba waunʉm khʉʉn, chi pa waujem khʉʉn juau phitkhatarr maigmua merãapai phʉʉrjem khʉʉn". Magbaadewai chi phoborpien nau thumwe iekhagau maig jawaagau: "Ʉ̃u ajim". ¹⁶ "Warag akharãgee maagau chi emkhooin amach aain wawia jaaunʉm ʉkhabam khʉʉn akho amach ãdnaan iek". Maigmua thumwe chi phoborpien nau deeu jawaagau: "Ʉ̃u ajim". ¹⁷ " "Warag akharãgee maagau chi emkhooin amach khapeen jẽp khecheeu aujem khʉʉn". Maigmua thumwe chi phoborpien nau deeu jawaagau: "Ʉ̃u ajim". ¹⁸ "Warag akharãgee maagau chi emkhooin dau khĩsimo Ẽwandam khʉd eeemua ober nʉm khʉʉn" "Maigmua thumwe chi phoborpien nau deeu jawaagau: "Ʉ̃u ajim". ¹⁹ "Warag akharãgee maagau chi emkhooin amach juapa theeg thuwia mag wounaan warpham jua eem neminag khecheujem khʉʉn, wouchnaan jua eem khʉʉn, magua khoopaan ʉʉi jua eem khʉʉn. "Maigmua thumwe chi phoborpien nau deeu jawaagau: "Ʉ̃u ajim". ²⁰ "Warag akharãgee maagau chi emkhooin amach aain ʉʉin pekau waaujem khʉʉn, magaaimua khecheu aunʉm amach aai jua eem ʉʉi dʉi khõosi joobajerr. "Maigmua thumwe chi phoborpien nau deeu jawaagau: "Ʉ̃u ajim". ²¹ "Warag akharãgee maagau chi emkhooin nem khĩinpierramag ompaajem dʉi pekau waaujem khʉʉn". "Maigmua thumwe chi phoborpien nau deeu jawaagau: "Ʉ̃u ajim". ²² "Warag akharãgee maagau chi emkhooin amach ʉphʉi dʉi pekau waaujem khʉʉn, dich aai khaa dʉi, akho dich ãd khaa dʉi". "Maigmua thumwe chi phoborpien nau deeu jawaagau: "Ʉ̃u ajim". ²³ "Warag akharãgee maagau chi emkhooin amach phauũaan dʉi pekau waaujem khʉʉn". Maigmua thumwe chi phoborpien nau deeu jawaagau: "Ʉ̃u ajim". ²⁴ "Warag akharãgee maagau chi emkhooin amach dʉi dakha joobanarr thõopʉiwai". "Maigmua thumwe chi phoborpien nau deeu jawaagau: "Ʉ̃u ajim". ²⁵ "Warag akharãgee maagau chi emkhooin ich ẽudeem mag jaausim õon ikhõr chukhu sim thõopʉiyam khĩin". "Maigmua thumwe chi phoborpien nau deeu jawaagau: "Ʉ̃u ajim". ²⁶ "Warag akharãgee maagau chi emkhooin maach Ẽwandam iek jaautarr bʉ̃ʉrja ʉkhaba nʉm khʉʉn". "Maigmua thumwe chi phoborpien nau deeu jawaagau: "Ʉ̃u ajim".