¹ Las kat muihki nani, kupian sin kraukisna an tamsin baikisna Dawan Jisas nina ra, baku smalkan ka yang nani pali wina briram ba, nahki kat taukaya an nahki kat kulkaya Dawan ra. taukisma baku, kau baku daukibas . ² Kan man nani tanka brisma smalkan ka yan nani wina maiki mauhri ba wan Dawan Jisas mitil ka bak. ³ Naha sika Dawan kupia laka ba: Suhnu lakara, alki takaski bas winam brinka saura satka sut wina. ⁴ Man nani kumi bani ba mayam kat kaikayasma suhnu lakara an kulkanka laka ra. ⁵ Mayam mairin nani ba uba brinka aisahkanka ailal bribia ra,

(yantil nani kum Dawan luha ba baku kaya apia).

⁶ Upla kumi sin praut laka ni ai muihni ra saura munbiara naha dukia ra. Dawan sika pana mamunra sa naha dukia sut ra, kan ra maisam paki an witniska aisan ba baku. ⁷ Dawan ba yawan ra saurka laka ra wan winras sa, kuna suhnu lakara wan winan sa. ⁸ Baha mita, ani upli naha smalkan kana briras kaka, upla ra briras tanka apia, kuna Dawan ra briras sa, kan witin bui naha Spirika Holikira man nani ra maikan ba . ⁹ Maisa nikanka latwan ba dukia ra lika diara apusa man nani ra upla mita ulbaya , kan mani silp lan takram kan Dawan buy mai smalkan pana pana latwan kaikaya. ¹⁰ Kuna man nani masedonia upli aiska barba wal naha na daks. kuna yan nani aima kum praiska kli kupian krauki maiwisna kau daukma ba dukia ra. ¹¹ Yan nani sin kupiam krauki mawisna kupian pah lakara iwikama, silp warkan nani dukia ra sin lukibas, bara mihtam warka nani sin. dia maiwiri kat. ¹² Naha na dauki baku tauki bas, baha nani kasak lukan wina laiwa nani ba dukiara, baku man nani nitka kumi sin apu kama dukia ra. ¹³ Yang nani want apias na muihki nani man nani tanka saura brima baha nani yapi nani ba dukiara, baku man nani sari brima apia dukiara, sin upla wala nani aikanra diara bila kaikanka apu nani ba baku. ¹⁴ Yawan kasak luksa Jisas ba pruan an kli buwan, baku bamna yawan sin natkara Dawan mita, witin wal kasak luki pruan nani ba kli bukbia. ¹⁵ Yan nani baha mita maiwisni Dawan bila ba wina, yawan nani raya nani na , baha nani raya kabia ba Dawan balaya kat, pat pruan nani ba dukiara uya lukaya apia sa. ¹⁶ Dawan, witin silp kli kasbrika pura ba wina baliubia, aibila karna wini, arkinsal bila baikra an Dawan trumpit bila baikra wal. krais wal pruan nani ba pas bubia. ¹⁷ Baha ninkara yawan raya nani ba, yawan takas kan nani ba, witin nani aikuki asla kabia, kasbrika nani pura mahta alkaya, Dawan wal prawaya pasa minara. ¹⁸ baku Dawan wal ban kaya ra. Baha mita, pana pana aisi bas naha smalka ka wal.