¹ Be'orae, Saraie' u yatan Abrame', ma' u dza'ati miix juntul paal ti le ti, ba'ale tune' letie' yaan ti juntul u palitzil, un tu Egipciae, u ka'abaintike' Agar. ² Le o'olale' Saraie' tu yalaj ti Abrame': "Pact, le Yumtzil ma' u cha'aj u yaantal in paalale'. Xeen yetel in palitzilile' wenen yete letie'. U pa'ajta u yaantal in paalal ichi letie'. Abrame' tu yuba'aj u t'aan Sarai. ³ Ca'aj dzo'ok u man diez ja'abo'obe cuuxlajac Abrame' tu lu'umi'lo' Canaane', Saraie' u yaatane, tu ku'ubajti Agar, u palitzilil Egipciao', ti u yichame' jee biix u yatame'. ⁴ Beey tuno' letie' tu nupajubaa' yetel Agar, letie' pa'at yo'omil. Letie' le ca'aj tu yiilaj dzo'ok u yo'omchajale', ca jo'op u me'eme'echi'itic u xuunaan. ⁵ Saraie' tu ya'alaj ti Abrame: "Le ka'as yaan tin wo'oko'ola' ta wolaj tech. Tene' tin ku'ubajtech in palitzili ta ka'abo'obe, letie' le ca tu yilaaj dzo'ok u yo'omcha'ajale, tene' tu cu'ulpachcunsen tu taanil u yicho'ob. Le Ku Yumtzile' ca u yiilaj maax sipa'an, tech wa ten. ⁶ Abrame' tu nu'ucaaj ti Saraie': "A ca'aca'aj, a palitzile' ta ka'ab tia'an ta paajtalile', beet yete letie' je biix ca ma'alob tu'ucultique'. Beey tu'une', Saraie' jach tu lo'obilta'aj tu yolal lelo' letie' pu'udzul tu ta'anil. ⁷ U angeli' Yumtzile' tu caaxta' tu'ux yaan jumpel sayab te'e xtoko'oy lu'umo', le sayabila' tia'an tu bejil Shur. ⁸ Letie' tu ya'laaj: "Agar u xpalitzili Sarai, ¿tuux ca taal yetel tuux ca biin? Letie' tu ya'alajtie' : "Tene' taan in pu'udzul ti Sarai in xuunan. ⁹ Le u angeli' Yumzile' tu yaalajtie': " Suunen yetel a xunaanil, dza'abaa tu yaanal u paajtalil. ¹⁰ Beey tuno' le u angeli' Yumtzile' tu yaalajtie': "Jach yaan in yabachkunsik a chi'ibalo'ob, jaach yaan u ya'atalo'obe ma' biin u pa'ajta u xooca'alobi. ¹¹ Le u angeli' Yumtzile' beeyxaan tu yalaajti letie': "Pacte' teche' xyo'om yanilech, yetel yaan juntul a xiibil paal, yaan a kaba'aintike' Ismael, tumen le Yumtzilo' tu yu'ubaj a wokon oolal. ¹² Letie' beey juntul ka'axi tziimine'. Letie' yaan u ba'atel yetel tulakal winiko'obe, yetel letie' yaan u ba'atelta'al men tulakal macoko'ob, yaan u cuuxtal naach ti u su'ukono'ob. ¹³ Ca'aj tune' letie' tu dza'aj umpel u kabae' ti Yumtzil maax t'anaaj yetel letie': "Teche' letie' le Yumtzilo' maax cu yiilkem", tumen letie' tu ya'alaj: ¿Tene' jach tu jaji la'aili cuuxane'ne, beey ca Letie' tu yiilen. ¹⁴ Le o'olale, le che'eno', dza'ab u kaba'ainte' Beer Lajai Roi, le je'ela' ichil Cades yetel Bered. ¹⁵ Agare' tu dza'a juntul xiibil paal ti Abrame' Abrame' ca'aj tu dza'a ti u kaba'ainte' u paale' Ismael, le paala' letie' tu dza'ajti Agare'. ¹⁶ Abrame' yaan ti ochenta yetel seis ja'abo'ob ca'aj si'ijilti Ismael le tu dza'ajti Agare'.