¹ Tiül mi neat Asuero (ag ayaj Asuero tengüial arang natang nenajiüt naw India andüy Etiopía, wüx coic miow nimiow ayaíw cambaj), ² tatüch ag a nüt wüx ag a natang nenajiüt Asuero tamelich minajüit nej tüil ag a netsayay ombas iüm ocueaj Susa. ³ Tiül aroomb neat tatow arang natang nenajüit, nej tarang noic nadam monet tapaj meawan mimontang tang monrang najiüt nej. Montsoj ocueaj Persia maqüieb Media, at nembeat mbeat nipilan at ajcüw monjüir najüit tüil nimixnine cambaj tajlüyiw niüng ajlüy nej. ⁴ Xeyay nüt nej tajiqüich nguitow atsayay ombas niüng arang natang at ngüitow adam, tatüch coic miow peic miow nüt. ⁵ Wüx palat ag a nüt quiaj, ag natang nenajüit tarang noic nadam monet mbich tajoy ayaíw nüt. Tarang nganüy masaj meawan nipilan naw tiül ag a netsayay ombas iüm ocueaj Susa ajan wüx nipilan nembeat ajlüy at leaw napateay ajaw. Tarang ag monet quiaj tiül noic netsayay ombas pajchien ocueaj ag a iüm. ⁶ Ag a netsayay ombas pajchiün neteap quiaj jal narangüch naag ran sap maqüieb mbeots, netsajcüy naag nelitlit las, nerron wüx oleaj iüm ajcüw a nelitlit wirij. Alqüiaj escuün narangüch naag oro at naag plata nalembecheranoj tiül nesoig sojquiay piedra nasoicquiw porfirio, mármol, madreperla (nácar) at adoquines. ⁷ Tüjdiw manganeowayej tiül tas narangüch naag oro. Noic noic mi tas nejiw at xeyay najneaj vin ajlüy cos teat natang nenajiüt xeyay ajneaj omeats. ⁸ Ag anganeowüw vin tajlüy atnej landoj landearac: "nejinguin ngondom mawüy wüyeran wüx". Ag natan nenajiüt landoj masaj minipilan nej naw tiül ag a netsayay ombas iüm nguineay apmarangüw wüx ag napeay mien leaw andiüm omeats nej. ⁹ At a müm natang nenajiüt Vasti lamarang noic nadam monet müüch meawan müm montaj naw tiül ag netsayay ombas iüm niüng acül Asuero. ¹⁰ Am ayaíw nüt, wüx ag natang nenajiüt xeyay teapac omeats wüx anganeow vin, nej tasaj a Mehuman, Bitza, Harbona, Bigta, Abagta, Zetar at a Carcas (ajcüw a ayaíw monrang mi najiet ag a natang nenajiüt), ¹¹ macajmiünüw miün nieg ajlüy nej ag a müm natang nenajiüt Vasti conag iquial omal nej. Nej andiüem majiquich majaw nipilan at ajcüwa natang tang ¹² Ag a müm natang nenajiüt Vasti ngome tandiüm mayar leaw tandeac ag a teat natang nenajiüt masaj mi monrang najiüt nej maqüiej püw nej mamb. Quiaj ag a teat natang nenajiüt tajcüy xeyay, tetepichay ajcüy tiül omeats nej. ¹³ Quiaj ndoj ag a teat natang nenajiüt tasaj ajcüw mi mondüy nej, leaw lamajawüw wüx nguineay netam majlüy (cos ayaj andüüb a teat natang nenajiüt müüch meawan leaw xeyay ndoj ombasüw wüx acas poch at monjaw wüx nael). ¹⁴ Nganüy, leaw aliglijqüiaw teat natang nenajiüt ah ayaj Carsena, Setar, Admata, Tarsis, Meres, Marsena at Memucán, ag ayaj micual nejiw natang monajiüt ocueaj Persia maqüieb Media. Nejiw aldom majmeliw nejlüy natang nenajiüt Asuero at lamajdiw majiüruw najiüt tiül ag a cambaj quiaj. ¹⁵ "Atnej netam majlüy tiül ag a poch nejiw tapiüngüw, ¿cuane netam marangüch wüx ag a müm natang nenajiüt Vasti cos ngome tandiüm mayar atnej lamadeac teat natang nenajiüt Asuero, niüng tambüw masajüw nej mimonrang najiüt nej?" ¹⁶ Memucán tendeac niüng ajlüy teat natang nenajiüt at nejlüyiw mimonrang najiüt nej: "Ngome ag miün andeac teat natang ngo mayar ag a müm natang Vasti, at miün andeacüw mimonrang najiüt Asuero at ajcüw nipilan monaw tiül nimix nine cambaj ocueaj nej natang nenajiüt Asuero. ¹⁷ Cos ag a aran ag a müm natang nenajiüt quiaj ap mum mangüiayiw meawan müm montaj. Apmüüch nejiw mayacüw tiüet minojow nejiw. Nejiw apmapiüngüw: 'Nej teat natang nenajiüt Asuero tandeac maquieraab niüng ajlüy nej müm natang nenajiüt, condom nej ngome tandiüm.' ¹⁸ Wüx mien ngonaw ndom ag a nüt quiaj, ag a nembeat mbeat müm montaj naw Persia maqüieb Media ajcüw lamanguiayiw nguineay tarang ag a müm natang nenajiüt, apmasajüw at mien quiaj meawan mimonrang najiüt teat natang. Ndoj apmajlüy xeyay moneocüy ombas at xeyay moncüy. ¹⁹ Ndot teat majmiec imal imeats, iich xicon nüjchien mam noic nandearac wüx minüt ique, at marangüch imien wüx mipochiw Persas maqüieb Medas, leaw nomban ngome apbiejlam, sanayacan wüx langondom mien ningüy nieng ijlüye Vasti. Iich majel nop müm natang nieng axom omeats xeyay. ²⁰ Wüx ag a poch arang teat natang mandearac mangüiay meawan leaw naw tiül xeech micambaj, meawan müm montaj apmayar andeac minojow nejiw, ajan wüx ajcüw nipilan nembeat ajlüyiw at leaw napateay ajaw." ²¹ Teat natang nenajiüt at ajcüw micual natang tang monajiüt najneaj majawüw ag a nandearac quiaj, ndoj quiaj a teat natang tarang atnej lamapiüng a Memucan. ²² Tajayich nawig tiül nimix mine cambaj, tüüch atnej nejiw axomüw omeatsüw tiül ag a palpalwüx nine cambaj quiaj. Nej tandeac napac masaj meawan monxey ndom ombas majaw aniüng nej. Tarangüch ag a nandearac quiaj atnej andeac noic noic cambaj.