¹ Nejjata petüpae kujinae Moisés, Dioso pija jiwitonü, Dioso barrakuijai Josué Num pejjinato. Moisés pijajiwitonu Jumaitsi: ² Moisés, taja jiwitonü, tupa. Nejjata, nanatapunare, nikabarre Jordán mene, jjamü yajawa dajita tomara pa ira Israel monae rajutajü. Jjanu Dioso rajutaju, Israel monae. ³ Jjanü karajutatsi dajjita nakua, jjuaya najetarukaejitsiamü, jamü karajutatsi dajita nakua, karajutatsi jjamü pakuenia Jumaitsinü Moisés Jawabelia. ⁴ Desierto kujinae Líbano jawabelia Eufrates mene jawaberreka, dajjita ira hititas, yajawa Mediterráneo manuamene, jota juameto junua, arajota kopia werewerekaena nija nakuatsane. ⁵ Kaejiwiyo ata apo kakapanepaetsane. Dajjito matakabi neponuponae epatoyo. Jjanü kayajawatsitsane, pakuenia yajawanu Moisés. Apo ka jjuabutsi-tsane, apo kakopatsi tsanetsi. ⁶ Asaümüre yajawa aitatsakamire. Jjamü mata ka nukaename jjua jjanü Juamaitsinü nijo salinai monae jawabelia. ⁷ Asaümüre ayaikuenia aito tsakamire. Jume kowinire dajjita Moisés pija ley, pitso jima wekua namujjufetame itsajawabelía jjaniwaetsia dajjita pekatopitsapaenejja jjua ejjaname. ⁸ Dajjita matakabi paebianame pa ley bajjuto, jjua Juamaitsi jamatabinaeponaponaename matakabi, merawi ata nejumekowinitsinejja jjua yakinaruta, nejjata bariyamitsane. ⁹ ¿Ara pakuenia jane apo taja kajumaitsi? Asaümüre, aita tsakomire, pitsa junawane, pitsa faefae name. Dioso kayajawatsane dajjita jawa. ¹⁰ Nejjata Josué jumaitsi, itoroba penamata kajina wanapaewi: ¹¹ Pa ponare tomarabelia, paitorobare dajjita jiwi: "Jjaniwaetsiana pejjaejawa, tsipoji akueyabi pamatakabibeje, panikabianame Jordán mene, pajoneremelia panija iratsane jjua Dioso paka rajuta" ¹² Rubenitas monae, Gaditas monae, Manasés yajawünü Josué jumaitsi: ¹³ Panojamatabinapire jjua jumaitsi Moisés, Dioso pija jiwitoni jjua jumaitsi. Pakujinae Jumaitsi: Waja Dioso pakarajutijitsia pejana ira pane jinawanapaeneja kaejawata. ¹⁴ Panija Petiriawi, panejji, nija vaca nakopatsiana pa ira Moisés rajuta mene Jordán mene jawata. Dajjita wajabitsaü pija yapijiwiyajawa. Waja pitsi nejja pejana ira waja jinawanapaenejja. ¹⁵ Dioso perajutsijawabelia papejana ira waja jinawanapaenejja kae jawata. Pakuenia pajjamü pajjainame ira. Dioso paka rajjuta. Nejjata pajjamü panawiabianame panija irabelia panejjaniwaetsinejja. Pa ira Moisés, Dioso pija jiwitoni, pakarajuta Jordán mujjuneneta, wetsina pitsapa juameto. ¹⁶ Jumaitsitsi Josué pakuenia: Jjua pa ne jumatsimu pa itsinu tsane, belia pane itorrobame, pa ponaenaju. ¹⁷ Paka jumekowunu tsianatsi pakuenia pa jjanu pa jumekowutaju Moises. ¹⁸ pajiviyo Apo kajume kowujutsi Tsane JJua itorrobame, itsa apo kayumunutsi me jume Tupacna. Kaejawa Asaumuiie yajawa Aitatsakamurre