¹ Pablo, nuchetchiakai Maleiwa, alüataushikai nütuma Jesucristo, anükatunakai saü sünoula tü pueblokat anekujushikat nütuma Maleiwa, otta ayawatushikana shimüin wanawaka'ala amaa kamüliala. ² suma'a anoülakat katamajatkat o'u wanepiaa napakat Maleiwa, nojoika'i akujüin alawa, nümatüjulia sumaiwa paala supülapuna ka'ikalirüa. ³ Wana'amain suma ti'ayale, Ni'akai ni'yatuin nunuikukat akujunajatkat. otta Ni'akai noujuin tayanjachin e'iküin tainjinjatüin ti'a suka tü nüluatayakat Maleiwakai chi outeeruitkey wayaa. ⁴ Numuin Tito, wane shimuin achonwa sunain wanawa wanoula. Nanasia otta anajirawaa nutuma Maleiwa Washiskai otta Cristo Jesus chi outeeruitkey wayaa. ⁵ Tapüntinjese pia chaya'a creta, supüla punoütin kasa nojotkat jalajetnüin otta püneküjuinjana naa laülainjanakala sulü tü mapakalirüa maka sain tekirajiakat muin ⁶ Chi laulainjachikai anenjatumain nukuaipa, süwayushainjachi wanesi jiet, kachonjachi otta aneinjana naa nuchonkana, nojolüinjana kachiküin sünain mojulain nayaa otta sünain keiwalain nayaa. ⁷ Choujashimain chi nichikimajachikai Maleiwa, sa'o aluatashin sulü nipiakat Maleiwa, anenjatuin nukuaipakat, eka niakai, nojoishi yotokomuinjachin, otta mainchonkainain, nojoishi jaschimatuinjachi motso, nojoishi asütlinjachin, nojoishi erulinjachin wayumuin, nojotsu nuchekuinjatuin wane kasa muin suka nain. ⁸ Niakai wayuinjachi kamaneshi, salewainjachi tü a'anakat. Eka niakaia anemianjachi, wayuinjachi anashi, ayawatuinjachi sau wane kasa otta alauleruinjachi nukuaipa. ⁹ Niakai achecherainjachi sunein tü putchikat akujushika numuin otta ekirujushikala anain, otta niakai sauje tü, esü süpula nütamatuin sain wayuü süka tü nikirajiakat anakat otta esü süpula nichian na'awaneinü nojoishikana ja'amuin. ¹⁰ Wattasalin wayuü kamaüratnü maüluya, makanain nayainu manoülakana. Tü nanüikikat mojütsat. Nayakana akujushi alawa otta nounirüin wayuü sulü wopü müjusu. ¹¹ Choujasü jüleuleruin nayaa. Nayakana ekirajü'ushi tü kasa nojotkat anain saü nakanajeinne ka'asane otta nakatajirain tü apushikalirüa. ¹² Müsu nünuiki waneshi nakaje naa wayukana atujushiakana: "Naa Cretejewalikana nojoishi oülain suli'i nalain, müshi sain Murulü müjulasu, ekütnu otta shükulajasü. ¹³ Tü akujushikat shimüin, müsujese jichiapan nayaa süpula lotüin nayaa sünein tü anoulakat ¹⁴ Nojo'o ja'a müin jia'a sümuin anoulaka judiokat otta sümuin naluataya naa wayukana eka nojoluin lotüin naküeipa. ¹⁵ Namüin nayaa üleshikana aküaipa, süpushua tü kasakalirüa napain üleshatas maka nain nayakana, otta namüin nayaa yarüttakana aküaipa nojotsü kasain ulen nanain, süutuma kamauralin nekirüjut. ¹⁶ Nayakana naküjayain nuchiki chi Maleiwakai, nojotpeje neiyatüin nanoülakat sünein tü naküaipakat sa'u kaleralüin nayaa otta nojolüin jüjuin nayaa. Nojotsü süpula nayatain süma wane kasa anas nüchikumajat Maleiwa.