¹ Nayezwo wakandisumbija gwizi gwakatshena gwevula yovhupenyu, inopenya sounyaka.Inobuda patshiglo tshovhushe tsha Mwali netshegwayana ² pakati pezira yalo.Kumativhi mavhuli egwizi kanga kune uti wovhupenyu unobeba zwibebo zwamaluji anegumi namavhiri utshieta zwibebo,, zwawo mweji nemweji. Namatari outi anga uli ushonga unopoja maluji. ³ Hakusisina tshihu tshakatukwa.Tshigalo tshovhushe tsha Mwali netshegwayana tshitshavha muukati malo, vhalanda vhavhe vhatshaushumira vhatshavhona tshiso tshitshe. ⁴ Nayezwo zina lire litshavha pamhaza javho. ⁵ Vhusiku hautshahovhapo havhatswaki tshiyejo tshetshilati kana tshiyeja tshezuvha nokuti Ishe Mwali utshavhavonekera vhatshabata vhushe nokusingaperi peri. ⁶ Nayezwo akati kandiri, "Mamhungo awa angatendiwa ndawovhukuma.Ishe, Mwali wemwiya yavhaporofita, vhakatuma utumwa uwe kuti asumbije vhalanda vhavhe zwinhu zwinoda kuehwa." ⁷ "Talirani! ndotavhanyija kuvhuya!Unotshengeta mamhungo okuporofita kebuku heyi waka lopafajiwa." ⁸ Imi,Jowana,ndimi ndakahwa ndikavhona iyezwi. Zwino ndakati nditshihwa nokuvhona ndikawira pasi kuti ndirabhire papanda pesoka joutumwa wakandisumbija iyezwi. ⁹ Akati kandiri, "Lega kudlalo ndiri ulanda panhu pamwepeji newe, nehama jijo vhaporofita, navhanotshengeta mahwi ebhuku.Rabhirayi Mwali!" ¹⁰ Iyapo ukati kandiri, "Usawanja mamhungo okuporofita kebhuku, iyi nokuti tshikati tshavha pedlo. ¹¹ Usina kululama, ngaalambe atshieta zvisina kululama.Uneswina ngaalambe atshiswibisiwa, wakalulama ngaalambe atshieta zwakalulama.Utswene ngaalambe atshietiwa utswene." ¹² "Talirani! Ndinovhuya iyezwino.Ubayiro wangu ndinawo, kuti ndipe umwe noumwe sezwaakabata. ¹³ Ndimi Alifa na Omega, wokutanga nowokupejisira, kutanga nokuguma. ¹⁴ Vhakalopafajiwa vhanoeta ulayo uwe nesimba lokuvhuya kuuti wovhupenyu vhapinde napaukovha we nyika. ¹⁵ Kuze ndikokunembwa,navhaloyi,nemhombwe, navhavhulayi, navhanorabhira zwifananijo, navhose vhanoda vhanoda manyepo vhatshimaeta. ¹⁶ Imi, Jeso, ndakatuma utumwa kuti amufakazire iyezwo pagereke.Ndimwi uji woluji gwa Dhavita,nyamasase inopenya." ¹⁷ Mwiya neusegwa vhanoti, "Vhuyai!" Naye unohwa ngaati, "Vhuyai!" Unenyota, ngaavhuye, unoda ngaatole, vula yo vhupenyu isingatengwi. ¹⁸ Ndinofakazira umwe noumwe unohwa mamhungo okuporofita kebhuku heri: Nditshiti kana unhungo akawejera pazwinhu iyezwi , Mwali utshawejera kaali matambujiko akanwagwa mubhuku iyeri. ¹⁹ Kana unhu akabvisa mamhungo ebhuku yokuporofita hoku, Mwali utshabvisa ugovhe uwe pabhuku yovhupenyu nomunyika tswene nepazvinhu zwakanyogwa mubhuku iyi. ²⁰ Iye unolevha hezwi atshiti, "Eee! Ndinotavhanya kuvhuya."Ameni! Vhuyai, Ishe Jeso! ²¹ Makombolero aIshe Jeso Khiristu ngajivhe navhose.Ameni.