¹ Nayezwo, vhana bhudi madiwa vhandino tamira zwavhudi,ufalo wangu nekorona, mirani nesimba sayezwo muna Ishe,makadiwa. ² Ndokumbira zwikugwane Yudiya, ndokumbira zwikugane sentitshi kuti vhavhe nemoyo umwepeji muna Ishe. ³ Yaa,newe vho, ungana wangu weshuwa ,pabasa ndokumbira kauli kuti uthuse vhanhukaji avha nokuti vhano thusana nemi pa ivangeri, pamwepeji na Kilementi na vhamwe vhakabata pamwepeji nemi, mazina avho alimubhuku yovhupenyu. ⁴ Falani muna Ishe tshikhathi tshose, Ndodovha futhi,Falani. ⁵ Vhunyolo hwenu ngahuzikamwe vhase. Ishe uli paduze. ⁶ Musafunganya pazezulu petshinhu tshi mwepeji.Asi pazwinhu zwose nekukumbira kenu ngakuzivhisiwe Mwali nokunyengetera nokuvhonga pamwepeji nokuvhong, ⁷ zwino lugale gwa Mwali, gunopinda kuhwisisa kose, gutshalinda moyo yenu nefungwe jenu muna Khiristo Jeso ⁸ Pakupejisira, vhana bhudi zwose zweshuwa, zwose zwinokujiwa zwose,zwinodiwa naapi kana tshingalumbijiwa tshipiyo ne tshipiyo, fungisisani nayezwo. ⁹ Zwinhu izwo zwamakaguda nezwamakapiwa nezwamakahwa nezwamakavhona ngaavhe nemwi ¹⁰ Ndakafala zwikugwane munaIshe nokuti iyezwino makapepuka futhi mukandilangalira zwenu asi makakomwa tshikhathi. ¹¹ Handilevhi yezwo nokukomwa.Nokuti ndakaguda kutenda nezwose zwandi nazwo. ¹² Ndinozivha vhulombo ,ndinozivhavho kuvha nezwakawanda,patshinhu tshipiyo netshipiyo napazwinhu zwose ndakagudisiwa kuti ndizivhe kuguta nokuhwa zala, kuvhana zwakawanda nekusavhanazwo. ¹³ Ndingayeta zwinhu zwose naKhiristo unondikhwatisa. ¹⁴ Tshero zwakadlalo makayeta zwakanaka zwamakasanganisa nemi pakatambula kangu. ¹⁵ Munozivha vho imwi vha Filipi kuti pakutanga ke vangeri, nditshibva Makedhonia, panga pasina gereke imwe yakasangana nemi pashoko lokupa noku sangamija,asi imwi moga. ¹⁶ Nokuti nepa Tesalonika, makandituma lumwepeji nogwetshipiri futhi pakukomwa kangu. ¹⁷ Handilevhi kudlalo kuti nditswake tshipo.Asi ndinotswaka tshibereko tshamunohofumisiwa natsho. ¹⁸ Zwino ndavha nezwose, ndafumisiwa ndaguta ndasangamija kuna Epafroditha izwo zwinobva kamuli zwakayeta sehwema hunonuhwira, netshibayiro tshakafanira, tshinofadza Mwali. ¹⁹ Zwino Mwali wangu utshazajisa kukomwa kenu kose pafuma iye mukupenya muna Khiristo Jeso. ²⁰ Zwino Mwali Bhabha vhedu ngavhe nokupenya nokusingaperi-peri,Ameni. ²¹ Mundimukisireni Mutswene umwe noumwe muna Khiristo Jeso .Vhana bhudi vhanemi vhanomumukisa. ²² Vhatswene vhose vhanomumukisa zwikugwane iyavho vhengumba ya Khesari. ²³ Makombolero aIshe wedu Jeso Khiristo ngaavhe nemwi mose.Ameni.