¹ Paulo na Timothi ,vhalanda vha Kirisito Jeso,kuvha tswene vhose muna Kirisito Jeso vhali vhaFilipi ,navhataliri navhalanda vhegereke. ² Makombolero ngavhe nemwi nolugale gunobva kuna Mwali Bhabha vhedu na Ishe Jeso Khirisito. ³ Ndinovhonga Mwali wangu tshikhathi tshose kana nditshikufunga, ⁴ Pamwe nepamwe nditshirambira nditshilevha nezwizwo, nditshiyeta unamato unofalo. ⁵ Nokuda kokusanganakenu pa ivangeri kubva pazuvha lokutanga kuswika iyezwino. ⁶ Ndino zivha tshinu itshi, kuti iye wakatanga basa lakanaka mukati menu utshilipejisa kuswikira pazuvha la Khirisito Jeso. ⁷ Sezwakanaka kandiri kuti ndifunge sayezwo pazezulu penu mose zwandinomufungira mumoyo mangu mose makakomborlegwa pakusungwa kangu nepakusima ,nokukwatisa ivangeri. ⁸ Mwali ndiye ufakazi wangu, ndino mutamira mose zwikugwane ne vhusiwana hwa Khirisito Jeso. ⁹ Ndizwo zwandinorabira: kuti ludo gwenu gulambe gutshingowanda pa kuhwa nekuhwisisa kose ¹⁰ kuti muyeje muzivhe kuti zwinhu zwakanaka, ndizwipiyo kuti muvhe vhakalulama, navhasina ulandu kuswikira pazuvha la Khirisito, ¹¹ muzere zwibebo zwakalulama zwinovhuya na Jeso Khirisito kuti Mwali avhe nokupenya nokulumbijiwa. ¹² Zwino ndinoda kuti muzivhe, vhana bhudi, kuti izwo zwakandiwira zwakato yendesa ivangeri. ¹³ Nokudlalo , kuti kusungwa kangu kakazikanwa mungumba ya Ishe yose nokuna vamwe vhose kuti kuli muna Khirisito. ¹⁴ Nevhanji vhana bhudi muna Ishe jakakhwatisiwa nokusungwa kangu,vhonyanya kukozerere kupalija soko la Mwali vhasingahli. ¹⁵ Umwe unopalija Khirisito negodo negakavha , vhamwe nemoyo wakanaka, ¹⁶ Vhanwe zwavho vhanoyeta neludo, vhatshizivha kuti ndakagajiwa kuti nditavhirire ivangeri. ¹⁷ Umwe unopalija Khirisito neswiri asingayiti moyo wakanaka, atshiti awejere nhamo pakusungwa kangu. ¹⁸ Zwisindavha zwazwo? asi kuti Khirisito unopalija nezira jose kana namanokana neshuwa ndinofala nazwo,vhuye ndisingatshafala zwangu nazwo. ¹⁹ Nokuti ndinozivha kuti nokuda kokukumbira kenu nokukhwatisiwa ke Mwiya wa Jeso Khirisito. ²⁰ Zwandinotalira zwikungwane netalisiro kuti handinga shonisiwi, patshinhu tshimwe asi kuti, zwino sepa tshikhathi tshose , tshokuhla kangu kose Khirisito utshakujiwa mumbiri wangu kana novhupenyu kana nokufa. ²¹ Nokuti kandiri kuphira ndi Khirisito kufa kufuma. ²² Zwino kana nditshiphira panyama , izwo zwitshandipa zwibebo zwokubata kangu.Nditshakhetha tshipiyo? Handizivhi. ²³ Zwino ndinokombejegwa nezwinhu zwivhiri.Ndinoda kubva kuti ndivhena Khirisito nokuti ndizwo zwipinda nokunaka, ²⁴ asi nokuda kenu zwakanaka kuti ndigale munyama. ²⁵ Zwino nditshitenda tshinhu itshi, ndinozivha kuti nditshagalandikalamba ndidere nemwi mose,kuti muyenderere phada mufalepakutenda, ²⁶ kuti muzwilumbije zwikugwane muna Khirisito Jeso kana ndovhuya kamuli futhi. ²⁷ Asi endani zwoga zwakafanira ivangeri ya Khirisito,kuti tshero ndika vhuya ndikamuvhona tshero ndisipo, ndihwe pazezulu penu, kuti mumire nesimba ne Mwiya umwepeji,nemoyo umwepeji mutshigwira kutenda ke ivangeri. ²⁸ Musahla patshinhu tshimwepeji nevha nogwa nemwi.Nditsho tshitshavha sumbijiro yokupalaya kavhali,asi kamuli tshokuphija tshitshibva kuna Mwali. ²⁹ Nokuti nokuda ka Kharisito imwi makatendegwa kuti mulege kutenda kaali zwoga ,asi kuti mutambulevho nokuda kuke, ³⁰ imwi mutshigwavho nokugwa uku kamukavhona kandiru ,kamunozivha kuti ndinogwa nayezwi.