¹ Paulo,usungwa wa Khiristo ,na Timoti hama yedu, kuna Filimoni, udikan wedu nounobata nesu, ² na Apfia hazwaji yedu,nokuna Arkipo ugwi pamwepeji nuse, nogereke iri mumba mume. ³ Makombolelo nemwi, nolugale zwinobva kuna Mwali, Bhabha vhedu,na Ishe Jeso Khiristo. ⁴ Ndinovhonga Mwali wangu tshikati tshose kana nditshimulangalira paminyengetero yangu, ⁵ zwandinohwa zwoludo gugo nokutenda kaunako kuna Ishe nokuvhatswene vhose. ⁶ Ndinorambira kuti kukovhera kokutenda kuko ,kuvhe nesimba nokuzivhisa zwakanaka zwose zwiri maalimuna Khiristo. ⁷ Nokuti tinoufaloukulu nokunyalajiwa muludogugo, nokuti moyo yavhatswene yakalavhijiwa newe, hama yangu. ⁸ Nayezwo,kunyange ndisingahwi muna Khiristo kumalayira kueta zwakafanana, ⁹ nokuda koludo ndinoyeta zwokukumbira zwikulu, zwandakahlali zwangu,imi Paulo,mwana,vhuye zwino usungwa wa Khiristo Jeso. ¹⁰ Ndinokumbira zwikulu kauli zezulu pomwana wangu,wandakabeba pakusungwa kangu Onesimo. ¹¹ Wanga asingakuthusi kale, asi zwino unomutusa zwikulu iwe nemi. ¹² Ndautuma futhi kamuli, naiyezwo iwe usangamije uyo uli vhula hwangu tshayibwo. ¹³ Ndaida kuti ugale nemi, kuti pavhugalo huho andipalije pakusungwa kangu nokuda ke vangeri. ¹⁴ Asi ndanga ndisingadi kueta tshinhu.Iwe usanhu watenda kuti zwakanaka zwaungaeta zwilege kuyetiwa nokulovheregwa asi nokuda kuko. ¹⁵ Nokuti zwimwe wakapalajanisiwa newe tshikhathi nowulandahoyu, kuti ukohovha naye nokusingaperi. ¹⁶ Alege kuhovha ulanda, asi unhu unopinda ulanda, avhe hama inodiwa.Undiwa munyana nomu na Ishe,zwikulu kandiri,asi zwikulu futi kauli. ¹⁷ Zwino kana utshiti ndiri ukovherani newe, usangamijasezwaungandisanga mija imi. ¹⁸ Kana akakukhakhira kana kukukoloda,esayi zwose kandiri. ¹⁹ Imi, Paulo, ndinozwimwala noluvhoko gwangu.Nditshalipa ndisingalevhi zwangu kuti zezulu kozwose unenge avha kandiri ndiwe umene! ²⁰ Ndizwo, hama, ngandivhe noufalo kauli muna She; uzoloje moyo wangu muna Khiristo. ²¹ Ndinokumwalira nokuti ndinotenda kuyingira kuko, ndinomwalila iwe. Ndinozivha kuti utshayeta vho kupinda pandinolevha napo. ²² Patshikhathi yetsho, asi ndigajirireyivho pokugala, nokutindinotalira kuti mutshandipiwa imi nokuda kokurambira kenu. ²³ Epafrasi, usungwa pamwepeji nemi muna Khiristo Jeso,unokumukisa. ²⁴ Na Mako,na Aristako,na Demasi,na Luka, vhanobata basa pamwepeji nemi. ²⁵ Nyasa ja Ishe Jeso Khiristo ngajivhe nomwiya wenu.Ameni.