¹ Sule kayezwo mhungo la Yahweh lakaswika kuna Abhurahama pane zwaakasumbijiwa, litshiti, "Usahla, Abhurahama!Imi ndiri nhovho iyo no ubayiro uwo ukugwane kugwane." ² Abram akati, "Ishe Yahweh, mutshandipeni, kubva zwangu ndisina mwana, utshavha udli wenhaka yengumba yangu ndi Eriezer we Dhamasiko kanhi?" ³ Abram akati, "Kubva hamuna kundipa, vhonani, hoyu ukabehwegwa mungumba yangu ndiye utshavha udli wenhaka yangu!" ⁴ Zwino, talirayi, bungo la Yahweh lakaswika kaali, litshiti, "Hoyu hangavhi udli wenhaka iyo; asi hoyo utshabuda paumbiri uwo ndiye utshavha udli wenhaka iyo." ⁵ Zwino ukaubudisa paze, akati, "Talirayi kumakole, uvhale nyereji, kana utshikona kujivhala."Zwino iye akati kaali, "Ndizwo zwitshayeta vhana vhavho." ⁶ Iye ukatenda Yahweh, akati ndiko kululama kuke. ⁷ Iye akati kaali, "Ndimi Yahweh, wakamubudisa panyika ye Uri yavha Karadhea, kuti ndikupe nyika heyi ivhe nhaka iyo." ⁸ Iye akati, "Ishe Yahweh nditshazivha seni kuti itshavha nhaka yangu?" ⁹ Zwino akati kaali,"Munditolereni tokazi inamakole matatu, ne mbuji yemhambala inamakole matatu, negondohwe lina makole matatu, ne njivha, nemwana wenjivha." ¹⁰ Ukandotolera iyezwo zwose, ukazwipemula akazwiyeta zwivhiri, akagajika lumwe lutivhi gukatalana nolumwe, asi zwinyoni haana kuzwi pemula. ¹¹ Iyapo magola akajikita kunyama, Abram ukaatatira kule. ¹² Zwino zuva likati lavhira,Abram nokubatigwa ne hope futi, talira, akawigwa nokuhla kukabva paswiswi gugwane. ¹³ Zwino Yahweh ukati kuna Abram, "Uzivhe tshayiko kuti vhana vhatshavha vhatongwa munyika isi iyo, vhatshavha vhalanda vhavho vhatshatambujiwa makole anamazana mavhiri. ¹⁴ Imi nditsha tonga luji hogo gwavhatsha shumira, kubva iyapo vhatsha budapo nefuma yakawanda. ¹⁵ Asi iwe utshayenda kuna bhabha vhavho nolugale, utshavhigwa watshembera tshayiko. ¹⁶ Paluji gwetshina gutshajokera futi, nokuti kusalulama kavha Amon hakanhu kazala." ¹⁷ Zwino zuvha likati lavhira kaswiba, talirayi, moto unopfungayira nevhivhi lemotho zwakavhoneka zwitshipinda napakati penhindi iyejo jenyama. ¹⁸ Nezuvha yero Yahweh ukayeta sungano na Abram, atshiti, "Kuvhana vhavho ndakavhapa nyika yeyi, kubva pagwizi gwa Ejipita kuswika kugwizi lukugwane, gunohwi Euphrates ¹⁹ vha Kenites, navha Kenzzites, navha Kadmonites, ²⁰ navha Hittites, navha Perzzites, navha Rephaites, ²¹ navha Amoni, navha Canaanites, navha Girgashites navha Jebusites."