¹ Bopoto lakati lanyalala, Paulo akadana vhatevheri vhavhe akavhalayira, akavhonesana na vho akbva atshida kuyenda Makedhonia. ² Ukadambula namativhi enyika ijo akalayira vhatendi namamhungo akawanda, ndokuswika panyika yavha Giriki. ³ Wakati agala mweji mitatu aliyapo, kulangana kakayipa kakayehwa navha Judha pazezulu pape oda kuyenda Siriya netshikepe, akafunga kujokera atshibva na Makhedonia. ⁴ Akaperekejiwa na Sapatro we Berea,nwanantukana wa Piro, na Aristarko na Sekundo vha Tessaronika vhanotenda; Gayasimwa Derbe; Timoti; na Thayikhasi na Thirofhimusi wa Asia. ⁵ Asi vhanhu vhakatanga kuyenda panesu vhanga vhakatimirira ku Thorasi. ⁶ Isu tkabva Filipi netshikepe mazuvha evhurotho husina mbiriso apinda, futhi pamazuvha mashanu takayenda kavhali ku Thorasi.Iyapo takagala mazuvha mashanu namavhiri. ⁷ Zwino nezuvha lokutanga keviki, takakuvhangana kuti tithome kupamula vhurotho, Pawulo akazuwirana navhanotenda. Anga atshida kuyenda mangwana, zwino akalamba atshipalija mhungo kuswika pakati pevhusiku. ⁸ Kanga kune zwilamba zwakawanda kungumba janyezulu katanga tasangana. ⁹ Pahwindo panga pager untukana wayihwi Ethikhasi, akabatiwa nehope tshayiko.Sezwoo Pawulo akapalija tshikhathi tshakalrba, hoyu untukana , akabatiwa nehope , akawira pasi atshibva pangumba yetshitatu yazezulu akadobiwa afa. ¹⁰ Asi Pawulo wakayenda pasi, akazwiwisira pazezulu pape, akaufulatira.Zwino akati, "Musatshamwa kana, nokuti upenyu." ¹¹ Zwino akayenda nyezulu futhi akapamula vhurotho akadla.Apeja kuzuwa navho.Zwetshikhaathi tshilefu kukayeja, akayenda. ¹² Vhakavhuya nountukana ali upenyu vhaka nyalajiwa tshayiko. ¹³ Asi isu takatungamira kutshikepe takayenda Assos, titshida kundotola Pawulo iyapo.Nokuti anga afunga iye amene kuzwiyeta,kuti ayende nesoka. ¹⁴ Pakasangana nesu Assosi, takautola tikau yesa mutshikepe tikayenda naye Mithilane. ¹⁵ Takabva iyapo netshikepe takaswika fume mangwana takaswika pakatalana ne Khiyosi. Fume mangwana tikapinda napa Samisi, fume mangwana tika swika munyika ye Melithasi. ¹⁶ Nokuti Paulo wanga atshifunga kuti akwire tshikepe apinde na Efhesasi, kuti alege kunonoka pa Asia; nokuti anga atshitatavhanya kuti kana zwitshiyeta avhe Jerusalema nezuvha le Phethekhositi, nokuti zwose wahifanira kuzwiyeta. ¹⁷ Zwino iye ali pa Mireto wakatuma vhanhu ku Efesasi kundodana vhakugwane vhegereke. ¹⁸ Vhakati vhaswika kaali, akati kavhali, "Imwi mumene munozivha, kubva pa zuvha lokutanga pandakaswika Aziya, nougaliro wangu pakati penu nemi tshikhathi tshose. ¹⁹ Nditshibatira Ishe nokuzwininipisa zwikugwane nemisoji, futhi namatambujiko akandiwira nelangano jakayipa jama Judha. ²⁰ Munozivha kuti handina kuhla kumupalijira zwinomuthusa, nokumufundija patshena pangumba imwe ne imwe, ²¹ nditshifakazira zwose ma Judha nama Giriki kuti vhatendevhukire kuna Mwali nokutenda kuna Ishe Jesso. ²² Zwino talirayi, ndinoyenda Jerusalema, ndakasugwa paMwiya, ndisingazivhi zwitshandoyeteka kandiri iyoko, ²³ asi kuti Mwiya Utswene unondifakazira tshaiko kunyika imwe ne imwe kuti kusungwa nenhamo zwakandigalira. ²⁴ Asi hakuna tshimwe tshezwinhu zwino ndijosera sule futhi handivhali kuti vhupenyu hwangu hunokosha kandiri, kuti ndipeje gwendo gwangu noufalo nebasa landakasangamija kuna Ishe Jeso, lokufakaza tshayiko ivangeri yevhusiwana hwa Mwali. ²⁵ Zwino Talirayi, ndinozivha kuti imwi mose, vhandakayenda pakati penu nditshipalijira vhushe hwa Mwali, hamungahovhoni tshiso tshangu futhi. ²⁶ Nayezwo ndinofakazira nasi, kuti ndakatshena palopa lavhanhu vhose. ²⁷ Nokuti handina kuhla kumupalijira kuda ka Mwali kose. ²⁸ Muzwithanyire imwi, futhi neboka lose lamakayehwa navhataliri vhalo ne Mwiya Utswene.Kuti mulise gereke ya Mwali, yakatengwa nelopa lire. ²⁹ Imi ndinizivha kuti kana ndayenda, mapere anopalaja atshapinda pakati penu asingalegi boka. ³⁰ Futhi napakati penu mumene patshamuka vhalume vhatshalevha zwinopambanisa kuti vhaphamuse vhatevheri vhavhatevhere. ³¹ Nayezwo lindani.Mufunge kuti makole amtatu handina kulega vhusiku nemasikati kulayijira umwe no umwe nemisoji. ³² Zwino ndinomuyesa kuna Mwali neihwi lamakombolero, nesimba lokumuvhakisa noku mupa nhaka pakati pavhakayehwa vhatswene. ³³ Handina kumbotama kana siliva,ndalama kana nhumbi joumwe unhu. ³⁴ Zwino munozivha imwi mumene kuti mavhoko hawa akathusa kukomwa kangu nekavhanhu vhandanga ndinavho. ³⁵ Pazwinhu zwose ndakamusumbijira kuti munofanira kuthusa vhasina simba nokuvhashumira, futhi nokufunga mahwi aIshe Jeso, akalevha iye amene atshiti: 'Kupa kunamakombolero akawanda kupinda kusangamija."' ³⁶ Wakati alevha seyezwo, akagwadama pasi akarabhira navho vhose. ³⁷ Vhakalira ngamada vhose vhakawira pautshiba wa Pawulo vhakau khisa. ³⁸ Vhanga vhanesungu vhose nemahwi anga alevha nokuti navhangauvhoni futhi tshiso tshitshe.Iyapo vhakauperekeja kutshikepe.