¹ Paulo, uapositola wa Khirisito Jeso unokuda ka Mwali,na Timothi ukulu wedu, kugereke ya Mwali iri ku Corinth, noku vhanhu vhose vhatshene vha Mwali munyika ya Achaia. ² Makombolero ngavhe nemwi nolugale gunobva kuna Mwali Bhabha vhedu na Ishe Jeso Khirisito. ³ Mwali ngavhongwe na Bhabha vhedu Ishe Jeso Khirisito.Ndi Bhabha vhokuhwira vhusiwana Mwali woku nyalaja kose. ⁴ Mwali vhanotinyalaja mukutambujika kedu kose kuti tinyalaje vhamwe vhalimukutambujika.Tino nyalaja vhamwe nokunyalajiwa katinoyehwa nako na Mwali. ⁵ Nokuti matambujiko aKhirisito se zwaakavha manji katiri sayiyezwo vho kunyalajiwa kedu kakavha kunji na Khirisito. ⁶ Zwino kana titshitambulazwedu, isu zwino yehwa nokuda kokunyalajiwa nokupolesiwa kenu;kana titshinyalajiwa isu zwinoyehwa nokuda kokunyalajiwa kenu.Kunomukwatisa kukozerera pamadambujo iyawo anotitambuja vho nawo. ⁷ Talisiro yedu zezulu kenu yakakwata, kuti zwamunosangana nesu matambujiko, sayiyezwo vho pakunyalajiwa. ⁸ Nokuti hatidi, hama jangu, kuti mulenge kuzivha kutambujika kakatiwira pa Asia.Kuti takalemengwa kupinda simba ledu nokudlalo takalasa moyo titshiti hatingalalami. ⁹ Nokudlalo,pamoyo yedu tanga tatozwitongera lufu. Kuti tilege kuthemba nenungo jedu, asi na Mwali, unomusa vhakafa. ¹⁰ Iye wakatisunungula palufu lukungwane gwakadlali, utshatisunungula.Iye watinothemba naye kuti unotisunungula. ¹¹ Nemwivho mutshatusana pakutikumbiriri.Kuti vhanhu vhanji vhavhonge panyezulu pedu nokuda ketshipo tshedu tshe vhusiwana tshatakapiwa nokurabhira kavhanji. ¹² Nokuti kuzwikuja kedu: Ndikoku pupulira kemoyo yedu kuti tikayenda panyika zwikugwane kamuli novhutswene nevhukakki hwa Mwali tisingaendi, novhuthanyi hwenyama aso nevhusiwana hwa Mwali. ¹³ Nokuti hatimumwaliri zwimwe zwinhu asi izwo zwamunovhala nezwamunohwisisa, ndinoti dleni mutshizwitenda kuswikira pakuguma ¹⁴ sezwamakatitendavho pane zwimwe, kuti isutiri kulumbijiwa kenu, semwivho mutshavha kulumbija kedu nezuvha la Ishe Jeso . ¹⁵ Nditshizivha iyezwo, Ndanga nditshida kuthoma, kuvhuya kamuli kuti mukombolegwe gwa vhuvhiri. ¹⁶ Ndayilonga kumuvakatshira nditshiyenda Macedonia.Ndayida futi kumuvakatshira nditshibva Macedonia, ndiperekejiwe nemwi nditshiyenda Judhea. ¹⁷ Zwino zwandanga nditshida kuyeta iyezwo, ndakayeta nokusanduka moyo nah? Kana zwandinoda kuyeta ndinozwida nenyama nah, kuti imi pamwe nditi "Ehe, ehe" kana kuti "Hayi,hayi" netshikathi tshimwepeji? ¹⁸ Na Mwali wakalulama, ihwi ledu kamuli haliri "Ehe" kana "Hayi." ¹⁹ Nokoti mwana wa Mwali, Jeso Chiristo, uyo Sirivhano, Timothy wakatanga ,asiri "Ehe" kana "Hayi." asi wanga, ali "Ehe." ²⁰ Nokuti zwipikigwa zwa Mwali tshero zwirizwinji seni "Ehe" iri maali.Nayiyezwo nayiye vho ndi "Amen" Mwali akujiwe ²¹ Zwino uyo unotikwatisa muna Khirisito , pamwe peji nemwi, ²² uyo wakati siyira tshikwatiso akatipa Mweya mumoyo medu. ²³ Asi ndinodana Mwali avhe tshapupu pamoyo wangu kuti handina kuhovhuya Korinte nokuti ndaka uhwira vhusiwana. ²⁴ Hatiyeti nungo nokutenda kenu.Asi, tinomuthusa kuti mufale, nokuti mumire nokutenda.