¹ Nayezwo ndinolayijira vhakugwane pakati penu,imi, ukugwane pamwepeji navho netshapupu tshamatambujiko aKhirisito, nokukovhana navho wokupenya kutshasumbijiwa nditshiti: ² Iisani sambi la Mwali liri pakati penu, musingazwiyeti nokulovheregwa, asi nemoyo unoda, nokuda ka Mwali musingazwiyeti nokuda kukalira fuma yakaipa. ³ Musingayeti nesimba zwamakakovhegwa asi muvhevhatungamiriri vhesambi. ⁴ Kana ulisi ukugwane atshihovhoneka, mutshawana korona nokupenya isingaputi. ⁵ Sayezwo imwi vhatuku muzwiyese pasi pavhakugwane nemwi mose simirani kuzwininipa umwe kunoumwe nokuti Mwali unojivhisa vhanozwikuja, asi unopa makombolero vhanozwininipisa. ⁶ Nayezwo zwininipiseni pasi poluvhoko gunesimba la Mwali kuti amuluje netshikati tshikafanira. ⁷ Poserani pawusolo pape kufungisa kenu kose nokuti iye unomutshengeta. ⁸ Swinulani, mulinde.Nokuti uvhengi wenu Dhaiborosi unoyenda yenda sendawu, inolira itshitswaka wainga palaja. ⁹ Mirani naye makamira. nesimba. pakutenda mutshizivha kuti kutambula iyoko kunoyetegwa hama jose jiri panyika. ¹⁰ Zwino Mwali wamakombolero oseiye wakamudanira kupenya kuke, kusingapiperi muna Khirisito, kana mambotambula tshikati tshituku, utshawu kwanisa, nokuwumisa nakumukwatisa, nokukuyeteni. ¹¹ Kaali ngakuvhe kupenya nesimba nokusingaperi peri.Amen. ¹² Ndakamunwalira mahwi matukutuku, na Silvanus hama ikatendeka,pakufunga kangu nditshilayijira nokupupula kuti awa ndiwo makombolero zwovhukuma a Mwali. Mirani maali. ¹³ Unhukaji uli mu Bhabhironi, yakanangwa pamwepeji nemwi,vhanokumukisa. Na Makho, mwanatukana wangu, vhanokumukisa. ¹⁴ Mukisani nokukutijana noludo.Lugale ngaguvhe nemwi mose muli muna Khirisito.