¹ Jari, ono lalong ni Kristus diang patuju ululuar, posale-saleong garang posintuvuong nu Noto, garang nu ambo', o garang nelabi, ² na sa' damba'u sosono saambo' sanyawa, na gari garang to selio, ni pesoung lalong nu noto, o agaar soung jalang. ³ Nya mogau' sapa sura moluar seilu mboto apejo otutumpo' to ndau abatua; ai sosono mopeempena' alae, rapana' too ntaninyo na ka' ila alaemu mboto. ⁴ Nyamo emu sura meito sosno eseilumu mboto, ai moje sosono seilu too ntaninyo. ⁵ Turana' omo ambo' mo diang ri tanga tanga miu, iama'o o moje agaar ni Yesus Kristu, ⁶ to maumpo ni agari rupa ALLAH ta ALLAH, Io ndau morumasai selio Io sosono ALLAH ta ALLLAH uo selio sapa-sapa to kana upoorosong. ⁷ Ai Io, mogutu alae-Nyo ndau nongkomuni sapa-sapa o nepebatuani alae selio botuang tomajari selio sosono rupa nu manusia. ⁸ Lalong rupaNyo selio manusia, Io noumempena' alaenyo sosono nuru' sampe mate, sampe naate riatang nu ayu salib. ⁹ Untuk alasan moomo, ALLAH ta ALLAH tutu mepepangkata' Io o baraka' sosono Io tope riaatang jojo tope ¹⁰ tae rilalong tope ni Yesus jojo tutu noraintuu--mbosi to diang ri langit, to diang ri dunia, apejo to diang ri alung dunia-- ¹¹ o jojo o yo nangaku ono si Yesus Kristus uomo Siopu, bai o oge' nu ALLAH ta ALLAH, riatang nu Siama! ¹² Saba' uo, sampesuvu-sampesuvu-u to toneteagarang, apeioma'o emu butu manuru-- ndau sura bai a'u noselio-lio sono o-- labi-labipo sa'o-sa'o bai a'u ndau noselio-lio sono o-- nogau'a asasalama ong ngomu pa ataba. ¹³ Saba', ALLAH ta ALLAH mo to nokaraja rilalong ngomu, mbosi untuk meseilua apejo untuk mokaraja sapa to nopausanang Io. ¹⁴ Gau'a' omo jojo uo ndau nontangalu ape jo nosibaro ¹⁵ tau emu ndau marate' o ndau naasala, selio-lio unga-unga nu ALLAH ta ALLLAH to ndau noboyong ri tanga-tanga nubija to nedengkor o napadamo, sampe o nesilala, ri tanga-tanga ni jimo selio rawa ri dunia. ¹⁶ Palingkomung ngomo morosong sono Bura petutubu tae sono eleo ni Kristus, a'u niediani nepesaba i untuk moombosi ono a'u ndau moluminjo' sosono ndau otuju o nokaraja noboat sosno o ndau otuju. ¹⁷ Maumpo a'u kana nisua' selio cawan ponyombaong riatang ponyombaong o topokaraja imannomu, a'u nadamba o meseilu mo neselio-lio sosono emu jojo. ¹⁸ Bai moje emu, sosono alasan to to selio, nadamba o nadambamo neselio-lio sosono a'u. ¹⁹ Lalong Siopu Yesus, a'u noharap maala molongkang mepetuju si Timotius sosno o tae a'u nisale-sale baiuo neinepe kareva bai emu. ²⁰ Saba, a'u ndau ni ediani too ntaninyo selio io, to sosono to nombosi noparatikana' ri ombosiongngomu . ²¹ Saba, to ntanonyo sura nagado aparaluong maseka' mboto, ndau eseseilu ni Kristus Yesus. ²² Selio ni otoi miu, Timotius nopoitoa' alaenyo tonaangga, io nepebagi sono a'u majari morosong pokarevaong Injil selio soung unga sosono siamanyo. ²³ Saba' uo, a'u niharap maala nepetuju io molongkang bai uo a'u nootoi sapa to kana najari sosono a'u, ²⁴ O a'u parasaya sosono Siopu ono a'u mboto moje kana molongkang modua' sosono emu. ²⁵ Ai tapi, a'u momikir paralu mepetuju Epafroditus sosono o. io mo mo sampesuvu u, tagu sopokarajaongngo'u tagu sopolampaong ngo'u, O moje too to tonongkomung patora sosono o o to mepelayani kaparaluanno u . ²⁶ Saba ,io tutu melambota' emu jojo o tuju nosusa ambo' onyo saba' emu meinepe ono io nepee. ²⁷ Tou-tou', lulu io baiuo nepee sampe naanta maate, ai ALLAH ta ALLAH nepetujua' sono garang sosono io-- o ndau sura sosono io, taninyo moje sosono a'u tae parisa'u ndau netepasiromu. ²⁸ Saba' uo a'u najari netetambai luar nepetuju peteule sosono o nakakuranong bata-bata. ²⁹ Tomuimo si Epafroditus lalong nu Siopu sosono noponu damba o angga'imo to too selio io ³⁰ Saba' io maanta' maate bai pokarajaong ni Kristus; io nepesarakana' nyawanyo untuk nombolosa' polibutong to ndau maala emu nombagia' sosono a'u.