¹ Kekantaren ziara. Tou-tou se ma’eman wia si TUHAN nyi’a mouw se tanu eng kuntung Sion e reiy moghe, e minena-ena’ i wee eng keure-urena. ² Yerusalem, eng kuntung-kuntung esa nga kaledongna; tuana mouw si TUHAN esa nga kaledong ne umat-Na, wia en teakan i ka’ayo eng keure-urena. ³ Wulu’ eng keraja’an ne tou fasik e reiy’ laa minena-ena’ witu natas en tana’ neiy i koba’la wia se tou-tou ulit, rio se tou-tou ulit se reiy’ laa kumaya’la e lawasna wia eng kalewo’an. ⁴ Tuananola eng kale’osan, eeh TUHAN, wia se tou-tou le’os wo wia se tou-tou kasa le’os ate; ⁵ ta’an se tou-tou se sime’epange witu e lalan minererikeran, satorona si TUHAN si rume’ila nisea mewali-wali se tou-tou matuanala eng kalewo’an. Dame sejahtera witu se Israel!