¹ Se oki-oki’ ni Ruben, oki’ polon ni Israel. Nisia mouw sioki’ polon, ta’an eng karengan nisia si limangkoiy mola eng kasucian em patekelan ni ama’na, takar eng hak kapolonanna neiy i weela wia se see’ waki si Yusuf, sioki’ ni Israel kangkasi, ma’anouw tu’u reiy’ neiy i kepatik witu en silsilah tanume sioki’ polon. ² Memang si Yehuda mouw si limantouwla se patuari-patuarina, awes tare si meta’esa’an waki elet nea si minamuali raja, ta’an eng hak polon i ti’i em bia si Yusuf. ³ Se oki-oki’ ni Ruben, oki’ polon ni Israel, nyi’a mouw si Henokh, Palu, Hezron wo si Karmi. ⁴ See’ ni Yoel nyi’a mouw si Semaya, oki’na; sioki’ ni tou i yi’i nyi’a mouw si Gog, sioki’ ni tou i yi’i nyi’a mouw si Simei; ⁵ sioki’ ni tou i yi’i nyi’a mouw si Mikha; sioki’ ni tou i yi’i nyi’a mouw si Reaya; sioki’ ni tou i yi’i nyi’a mouw si Baal; ⁶ sioki’ ni tou i yi’i nyi’a mouw si Beera si neiy i ater witu em pasea’an ni Tilgat-Pilneser, raja Asyur; nisia mouw si ma’aka-aka se tou e Ruben. ⁷ Patuari-patuarina i ki’it se kaum-kaumna, tanu se neiy i kepatik witu en silsilah i ki’it se see’ nea, nyi’a mouw si Yeiel, si kapala, o laa si Zakaria, ⁸ wo si Bela bin Azas bin Sema bin Yoel; nisia mouw si maena’ waki Aroer wo e wilayahna mina’ayome waki Nebo wo em Baal-Meon. ⁹ Wo mea waki esa nga weka sendangan wilayahna i ka’ayome waki li’ilik em padang gurun minelar muleiymi waki so’oso’an Efrat, karengan se ternak nea se minawesouw eng kelaker waki tana’ Gilead. ¹⁰ Witu en zaman ni Saul nisea se timuanala em paseke’an mesaru se tou eng Hagri; se tou-tou i yi’i nu neiy mouw i kawolon witu e lawas nea, takar sea mena’ witu en dasing-dasing ne tou-tou i ti’i waki minapekasa li’ilik sedangan eng Gilead. ¹¹ Bani Gad se maena’ minasupuan ampit nisea waki tana’ Basan i ka’ayo en Salkha. ¹² Yoel nyi’a mouw si kapala wo si Safam sitou karua; o kangkasi si Yaenai wo si Safat se maena’ waki Basan. ¹³ Patuari-patuari nea i ki’it e walak-walak nea nyi’a mouw si Mikhael, Mesulam, Syeba, Yorai, Yakan, Ziya wo si Eber, se pitu tou. ¹⁴ Ni’itu mouw se oki-oki’ ni Abihail bin Huri bin Yaroah bin Gilead bin Mikhael bin Yesisai bin Yahdo bin Bus. ¹⁵ Ahi bin Abdiel bin Guni nyi’a mouw si meta’esa’an kapala e rewok nea. ¹⁶ Nisea se maena’ waki Gilead, waki Basan, wo waki e reiy’ sa mina’asa oki’ eng kotana wo waki e reiy’ sa mina’asa tana’ perawiran Saron i ka’ayo waki tempok-tempokna. ¹⁷ Nisea nu waya se neiy i patik witu en silsilah witu en zaman ni Yotam, raja Yehuda, wo witu en zaman ni Yerobeam, raja Israel. ¹⁸ Waki se bani Ruben, tou eng Gad wo se esa nga parua suku Manasye se epat nga pulu’ o epat nga riwu pitu nga atus enem nga pulu’ tou se makawoo sumeke’, se tou-tou lali’iket, se toro mesa’an eng kekelung wo en santi wo mapitik em borang em pana, se minelati witu e maseke’. ¹⁹ Nisea i ti’i se maseke’ mesaru se tou eng Hagri, Yetur, Nafish wo se Nodab. ²⁰ Nisea se minaka’ato en sesawang mesaru se tou-tou i ti’i, i ka’ayo se tou eng Hagri i ti’i ampit em baya ne tou se maki’i-ki’it nisea se simarakanla en tou witu e lawas nea, karengan nisea se minaleiy mola wia si Empung witu em paseke’an i ti’i. Takar Nisia si lime’ele’la em pengiween nea, karengan nisea se ma’eman wia-Nisia. ²¹ Nisea se minater se ternak-ternak ne tou-tou i ti’i tanume e rinemu’: ontana se lima nga pulu’ nga riwu nga ipus, membe’ domba se rua nga atus lima nga pulu’ nga riwu nga ipus wo se keledai se rua nga riwu nga ipus, o kangkasi se tou se esa nga atus nga riwu imukur. ²² Laker se tou se minate karengan se minate kinawunu’an, karengan em paseke’an i ti’i nyi’a mouw em baki si Empung. Laa o sea rumuberla en tampa ne tou-tou i ti’i i ka’ayo e nedo pasea’an. ²³ Esa nga parua suku Manasye se maena’ witu em banua i ti’i muleiymi waki Basan i ka’ayo em Baal-Hermon, Senir wo eng kuntung Hermon. Nisea se lakerouw eng kelaker nea. ²⁴ I yi’i mouw em baya ne kapala e rewok-rewok nea: Hefer, Yisei, Eliel, Azriel, Yeremia, Hodawya wo si Yahdiel, se tou-tou pahlawan se waraneiy, se tou-tou kasa kasine’uan, em baya ne kapala e rewok-rewok nea. ²⁵ Ta’an eng katoroan nisea nu minaroba lale’ witu si Empung ne nene moyang nea wo minazinah ampit maki’itla se reiy’ sa mina’asa empung ne bangsa-bangsa em banua pinunengola ni Empung waki rerior nea, ²⁶ takar si Empung Israel si minoghe mola e nate ni Pul, nyi’a i yi’i si Tigat-Pilneser, raja Asyur, o laa si raja i ti’i si minater nisea witu em pasea’an, nyi’a i ti’i se tou e Ruben, tou eng Gad wo se esa nga parua suku Manasye. Sia si minali nisea mea waki Halah, Hebron, Hara wo en so’oso’an wanua Gozan; tuana mouw nisea maname i ka’ayomi e nendo i yi’i.