¹ tu si Paulus, hamba ni Empung wo rasul-rasul ni Yesus Kristus si nyai rehomei ka iman tou-tou sinisir ni Empung wo makailek sapa niitu kaulitan, mahali-ali kasalehan ² rior nisea makaindo pengharapan nidop kaure-ure nyai kawarei wita katare-tare zaman ni Empung si raai mina towo-towo mako. ³ Tu nendo na nisia mapaturu firman-Ena lumalan witu pahabaran na nyai nong percayamei wia nyaku kiit prentah ni Empung, si malempot nikita. ⁴ witu si Titus, si oki sah, tunggorem iman-Eta mawali-wali. Anugerah wo damai sejahtera wia si Empung, Bapa-ata wo Yesus Kristus Si Limempot Nikita PAAYANGEN-PAAYANGEN NI TITUS MASISIR PENATUA WITU KRETA ⁵ Ka witu mong nalasan nalasan tiin nyaku tumelaau nikau witu kreta, niitu rior nikau toro sumampetako sapa-sapa pe paatoren wo maangkat se penatua-penatua witu pakasaan kota, tanu nyaiku ngeenge wia nikau. ⁶ Nisia sitou raaiwana si kurang, si kaawu te ni esa wewene makaindo oki-oki se mapercaya, wo si raai patudun ka penou-nouana ndaai si moral kaapa maberontak. ⁷ Ka si tou mamuali penilik jemaat si tou raai wana si ngaran lewo ka sia mamuali penata layanan ni Empung, si raai sombong, si raai repet maupi, raai tetelewen, si raai totokolen wo raai tungkoroiten. ⁸ Sa putarei, sia pakiwehen paar mahawe tumpangan paar sapa-sapa geleos, bijaksana, adil, saleh wo to kumuasa nawak. ⁹ Nisia si tumimboi karengan witu sapa nailaana toro papercayan, tanu mong nyai ajar, makar sia toro mawehe mako tuturu, makiit najaran sehat wo mategor nisea se paar mabantah nisia. ¹⁰ Kasalaker tou se marontak, paarete katowoan, maloho sea se witu setou-tou sinunat ¹¹ nisea sepantas pempanen suma nea ka nisea mong masusa se pakasaan kaluarga kaampit mahajarako sapa-sapa, padahal niitu ndaai toro ajar ka niitu malimei makai rangen. ¹² esa wia nisea, nisia si nabi nea sandiri,maila: dasar kau tou-tou kreta menowo, tanu si tayapo buas wo lewo, wo mengan se raai kawenduan. ¹³ pasairian yaai nulit. Niitumong, tegoren sea leos, rior sea se ma sehat witu iman. ¹⁴ Tia pawehe tunggenang sibita sirita katowoan ne tou Yahudi wo perentah netou-tou se matondo kaulitan. ¹⁵ witu sea se murni, pakasaan mamuali murni. Taan witu nisea se najis wo raai mapercaya, nisea seraai wana siesa mamuali murni ka witu genang kaapa nate nea najis karengan. ¹⁶ Nisea se mangaku wo maila kumenal si Empung taan lumoho witu peniwo-niwon nea se masangkal si Empung. Nisea se makasesoon karengan, raai malinga-linga wo raai mampu masiwo sapate geleos.