Pasal 5
Buk Ginulung Wo Si Oki Domba
1
Wo kalohoan kume tu lawas leleos ena si rimunumuis witu natas tahta na timemboy buk-buk gi nulung pinatikan witu cuarena wo witu goremena sinegel kaampit pitu zegel.
2
Wo Kalohoan kume si esa malaikat gaga karengan, si malaamei marekei, "sei sia si toro muka buk ginulung tiin wo muka zegelena?"
3
Taa ndaai wana sitou, leos na-surga, kapa wia koatan maan se wia bawa tana' setoro muka kaapa maloho witu gorem buk ginulung tiin.
4
Wo nyaku tumuur mahame, mahame karengan, ka raai minakaido tou mawuwuka ginulung tiin kaapa maloloho sapa witu gorem ena.
5
Taan si esa witu se tu'a-tu'a tiin lumila wia nyaku' "minamong mahame, lohon, si singa witu sesuku Yehuda taranak ni Daud, si minuntung,
6
Witu nuner tahta wo se epat makluk ntarekan, wo si witu nuner he tu'a-tu'a tiin wehan si esa oki domba si timoor, tanu si rineretanong, si wewehan pitu susunge, pitu weren, niitumong pitu roh ni Empung si nyai rehomei wia kaoatan.
7
Si oki domba tiin minai, wo mindomei ginulung tiin witu cawas leleos-ena rimuhumun tu natas tahta.
8
Wo kaindo temei ni oki domba, ginulung buk tiin, se epat mahluk wo se rua ngapalu epat tu'a-tu'a, kumundu tu sinaru ni okidomba tiin, taan se tinaasaan timimboi kacapi wo nesa gelas mas mawuta-wuta o kamenyan,niitu sombayange ne tou-tou kudus.
9
Wo sea kumantar kakantaren weru, lumila: nikoutesitoro mindomei buk ginulung tiin wo muka zegeleosa ka nikou kou rineretan, wo kaampit ndaha-emu, nikou kou timubusou se tou-tou witu se suku-suku, bahasa, kaum wo se bangsa wia si Empung.
10
Wo nikou simiwomong nisea mamuali karajaan, wo imam-imam wia si Empung eta, wo nisea semerenta kaoatan.
11
Wo kalohoan kume, wo kuluminga pailaamei ne malaikat se lumendong tahta tiin, epat mahluk, kaampit se tu'a-tu'a tiin. Wo kalakeran nea se mariwu-riwu kaako puluan ngariwu.
12
Maila rekei karengan, "Torokan si Oki Domba, si rineretanong tiin, tumerima kuasa wo kakayaan wo hikmat, wo keter, wo noomat, kamuliaan wo looren.
13
Wo kalingaan kume se mahluk na surga wo se wia kaoaatan, wo se witu bawa'tanah witu tasik, kaampit se witu gorem ena semaila, "Wia nisia, si rimuhumun witu natas tahta, wo wia ni sia oki domba, paksaan lolooren, normat, kamuliaan, wong kuasa makar kaure-ure.
14
Wo se epat mahluk tiin lumila, "nulit wo se tu'a-tu'a kumundu sumembah nisia.