Pasal 16
Pitu Cawan Pinumpunan Kaupian Ni Empung.
1
Wo nyaku luminga wehan mailaamei rekei witu gorem bale ni Empung, si maila witu se pitu malaikat, "mangemong, wo palusako pitu cawan kaupian ni Empung tiin tu katanaan.
2
Malaikat katare mange, wo sia malusako cawan tiin witu katanaan, wo mondolei kupes maka sesoon, wo mehe rumara witu se tou-tou se minake tanda tayapo tiin wo masembah patong ena.
3
Malaikat karua malusako cawanena witu tasik, wo laut limaneng minamuali raha, tanu daha nitou minate wo se matou-tou tunggerem ena se minate waya.
4
Malaikat katelu malusako cawan-ena witu salusalu wo gaagaran, wo pakasaan minamuali waya raha.
5
Wo, kalingaanku si malaikat ki muasa ndano limila, nikou, kou adil, en kou suci, kou wia wo wiamong wo nikou mahakim pakasaan nyaai.
6
Ka nisea se timiamong daha ne umatemu kudus wo ndaha ne nabi-nabimu. Taan nikou si menehe mako raha noonotenea. Nisea se pantas tumerima niitu.
7
Wo kalingaanku altar mailaamei, en Empung, Empung timimboi kuasa, nulit wo adil pahakimanu.
8
Si malaikat ka epat malusei cawan-ena witu natas ni-endo, wo siendo winehan kuasa rumengis so tou kaampit baha.
9
Se tou se rengisen kaampit kapasoan ni endo paso karengan. Taan ni sea ma hojat ngaran ni Emupung si makataintu kuasa witu pakasaan bencana tiin. Nisea setia mabertobat wo mamulia si Empung.
10
Malaikat ka lima malusei cawan-ena tun natas tahta ni tayapo tiin, wo karajaan na rimimbun, wo sea kumiiki lila nea ka matahang rumara,
11
wo mahojat si Empung na surga ka mapendam rumara wo kupes-kupes nea, taan ndaai sumiwo nisea mabertobat witu peniwo-niwo nea.
12
Malaikat ka enem, maluesi lawan-ena witu salu sela nitu Efrat, wo danoda minapera, misisiap lalan witu se raja-raja na sendangan (pahondolanei ni endo).
13
Wo nyaku lumoho witu suma ni naga, witu suma ni tayapo tiin wo witu suma ni nabi towo, mondolei setelu roh najis se palolohoki tanu si pekak.
14
ka ni seamong ni roh-roho lehu se masiwo tanda makaerangen, wo mahako with se raja-raja wia kaoatan, maerur ni sea masaru perang witu hari wangko, nitu mong nendo ni Empung, si timimboi pakasaan kuasa.
15
Lohone, nyaku mai tanu si rongkit, kamangenei se tou se majaga jagate wo mapiara lambung nea rior sia raai kumelang minota wo se tou raai lumoho kairangana.
16
Wo se roh-roh lewo tiin , merurako nisea witu tampa, sa witu bahasa Ibrani pailaan harmagedon (tampa paperangan)
17
Wo se malaikat kapitu malusei cawan-ena wana udara, wo kalingaane lengkuuna sela karengan, witu bale Empung, kaampit tahta tiin, wo lumilaamei, " lekopuwaya".
18
Kaloho ane kerap menamba-nambar, lengkuuna nerut, penghero wangko karengan tanu ndam pe minamuali-muali mako, tumuurei se tou wia natas kaoatan, makaindeen karengan peng hero tiin.
19
Kota sela tiin mina peteminapaha telu, wo kota-kota ne bangsa-bangsa nyai karombe waya, wo babel sela tiin ndaai kaliuran ni Empung, wehe ni sia cawai nanggor kaupian na malaya-layas.
20
Wisate wewehan pulang kaliong, wo kuntung-kuntung ndaai mong palolohon.
21
Nuran eis wangko karengan, tanu nesa talenta kawuterana ni mawuumei na langit tumawun se tou, taan se tou se mahojatete si Empung ka bencana eis tiin. Ka bencana tiin makaindeen karengan.