Pasal 1
Yohanes Timerangei Kumura Buk Yaai
1
Nyai nyata ni Yesus Kristus, nyai wehemei niem pung wia nisia, patuturu witu se hamba-hamba na, sakumura sapa mamuali witu nendo mangeman. Yesus Kristus minehe nyai nyata tiin, limalan witu se malaikat-ena, wo witu nyai pemehe-mehe tu si Yohanes hamba Na.
2
Yohanis si namuali weweren firman Empung wo si Yesus Kristus, witu pakasaan linohonamong.
3
Kinamangou se tou se timembong worekei, firman nyai nubuat tiin, wo kamangena kahai niesa selimingamong, wo sumiwo tanu sapa nyai patik witu gorem niitu, ka tempona tawimong.
Noomat Ni Yohanes Witu Se Pitu Jamaat Tu Asia
4
Si Yohanes mehe witu se pitu jamaat tu Asia, anugerah o dame sejahtera wia nikau, wanisia, si wiamong, wo si mai, kaampit se pitu roh witu sinaruh tahta na.
5
Wo wia si Kristus Yesus, saksi setia, si kinatare nyai toorei witu nantara ne tou minate, wo si kimuasa se raja-raja wia kadatan, wia nisia si maupus nikita, wo si mineta nikita witu dosa-dosa ta ka ampir ndaha na.
6
Wo simiuso nikita mamuali esa karajaan, imam-imam wia si Empung wo si bapa-ana, wate ni sia kamuliaan wo kakuasaan makar kaure-ure, nulit.
7
Lohone, Yesus si mai kakampit linahak, wo pakasaan beren lumoho nisa, kaampit nisea se timuek nisa, wo pakasa sebangsa wi kadatan, se maarip ka nisia En nyaai mamuali! Nulit.
8
Nyaku Ku Alfa wo Omega (Katare wo kamurian) Firman ni Empung, si wia, si wia mong wosi mai, sia si Maha Kuasa.
Linoho Ni Yohanes Kumura Si Oki Tou
9
Nyaku, ku Yohanes, Ptuari wo masuat nikau,minindo wewetengan witu kasusaan, tunggorem,
10
Nyaku ku kinuasa ni roh, witu nendoni Empung, wo nyaku liminga si mailaamei rekei karengan, witu muriku, tanu lengkuuwa to rompet,
11
si maila, patikako pakasaan linohomu witu buk, wo kirimako niitu witu se pitu jamat, Efesus, Smirna, Pergamus, Tiatira, Sardis, Filadelfia wolaodekia.
12
Wo nyaku mutarei rookos, wo maloloho si mailaamei niitu wia nyaku, kalelenge kumako, kulumoho pitu nae solo, mas.
13
Wo witu nuner naesolo tiin, kulumohositou tanu si oki tou, limambung jubah makar tunae, wo wehan salempang mas tu weewer-ena.
14
Rookob wo buli-ena, puti'tanu buuk ni domba, puti'tanu salju, wo beren-ena tanua mbaha.
15
Naena makerap tanu tambaga jinunu, witu mbaha, wo suarana tanuh nerutena ndano masooso.
16
Witu cawanesa leleos, timimboi pitu tototiin, wo witu sumana. MInondolei sambel tarem, rua weren, wogiona materang tanu kapasoan niendo.
17
Kaloloku nisia, ku kanawu witu naena, tanuamokan si tou minate, taan sia meta mako lawas-ena leleos tu natas-eku wo lumila: "Tia mainde-inde, nyakumong si katare wo kamurian.
18
Wo si matou-tou, nyaku kuminatemong, taan lohonong nyaku kumatou-tou makaraure-ure, wo nyaku si timimboi kukusi patean wo kukusi hades(karajaan patean).
19
niitumong, patikako wa ya sapa lino homu, minamuali tarekan yaai, wo sapa mamuali nendo wia rior.
20
Nyaimong rahasia pitu tootiin linohomu, witu lawas, leleoseku, wo pitu nae solomas tiin. Pitu tototiin seamong sepitu malaikat witu pitu jamaat wo pitu solo mas tiin niitu pitu jamaat.