Shigi Tu Si Filemon ¹ Shigi ni Paulus, si pinenjara kasi Yesus Kristus wo witu si Timotius patuari esa iman-eta, witu si Filemon ka ampit witu pelayanan si kaupus nai ² Wo witu si Apfia, patuarita, wo kahai si arkhipus, kaampir esa perjuangan ta wo witu se jemaat se minarua witu mbale niu. ³ Anugerah wo damai sejahtera wianikou tu si Empung bapa-ata wo witu si empungeta Yesus Kristus ⁴ nyaku kumawehe syukur witu si emoung-eku gumenang nikau witu sombayang-eku, ⁵ ka nyaku uminga kumura iman wo kaleosan, kinaindoan-niu tunggorem niempung Yesus Kristus wo witu sepakasaan tou kudus. ⁶ Nyaku masombayang rior pinaesaan iman-emu mamuali paayangen sela karengan wehe witu pangantahuan wuta, ongkaleosan wia nikita kasi Kristus. ⁷ Nyaku ku mapaa-paar karengan wo kinahiboran witu kaleosan niu ka limalan wia nikau patuari nate ne tou-tou kudus kinawarengan sumaup. ⁸ Niitumong maane nyaku makatantu kayakinan sela tunggorem ni Kristus, wo toro merentamei nikau sumiwo sapa-sapate minamuali paayengen niu. ⁹ Taan ka kaleosan tiin, kasa geleos sa aku kumiwehe wia nikau. Nyaku, Paulus, ku tu'among, wo tarekan kuminamualimong tou pinenjara, ka si Yesus Kristus. ¹⁰ Kumiwek wia nikau, wehe se oki-iku Onesimus si kinaindoanku kaurean nyaku witu penjara, ¹¹ Rior si raai si kaaraan, taan tarekan si kaaraan karengan, leos wia nikau kaada wia nyaku ¹² Nyakurumeho nisia, wua'nateku, mareng wianikau, ¹³ Nulitena kumiit paar si tahangen kupe mena mawali-wali nyaku rior sia to sumawel nikau malayani nyaku, kaurean nyaku wia penjawa ka injil. ¹⁴ Taan sa raai kapaaran niu, nyaku raai toro sumiwo sapa-sapa rior kaleosan niitu siwon niu ndkai ka niitu siwon, taan ka kapaaran niu sandiri. ¹⁵ Nyai wona minamulai kapaulitan ni Onesimus si nyai roou mei wa nikau ndaai ure, rior nikau toro tumerima sumaup makar kaure-ure. ¹⁶ Taan ndaaimong sia pailaane' budak, taan lumembe niitu, nitumongpailaan patuari leos ndaaite wia nyaku, taan wia nikau kahai, leos witu leona kaapa tunggorem ni empung. ¹⁷ niitumong sa kau maila nyaku ta nu kaampit mapaayang, terimanomakosi Onesimus tiin tunu nikau tumerima nyaku. ¹⁸ Sa-sia simelokou wia nikam, kaapa minutang sapa-sapa wia nikau, tanggongomako niitu waya wia nyaku. ¹⁹ Nyaku Paulus minatiknyaai, kaampit lawas-eku sandiri, nyaku kulumunas raai lumila sapa-sapa kumura nutangemu wia nyaku, niitu penou-nouanu sandiri. ²⁰ En patuariku maanong witu gorem ni empung nyaku mendam kaleosan niu. Leosenei nateku tunggorem ni Empung. ²¹ Ka kayakinangku witu palinga-lingaan niu nyaku matik surat yaai wia niaku, ka kailekangku nikau masiwo limember mako witu dakiwehengku. ²² Wo tumondongako nyaai, sawanganei nyaku, atorenako kamar pawewehe nyaku, ka nyaku maarap lumalan witu sombayang, sombayang niu nyaku kutoro mareng wia nikau. ²³ epafras, kaampiteku witu penjara tunggorem Yesus Kristus, minehemei sighi wia nyaku. ²⁴ Taintukan kahai si Markus, Aristarkhus, Demas, wo si Lukas, se kaampit-kaampit tu palayanangku. ²⁵ Anugerah wia si Empung-eta Yesus Kristus satoro mawali wali roh niu.