Pakanasa Tompati Ruyu ¹ Romo ree boros tau to mati ruyu manga mpasiwaka samba'a nota mangkonong pabungka-bungka toromo mawali ritongo-tongo kita, ² ewa toromo rato'o ka kita yako resi sira yako ri pamula nja re'e tonangkita liu mata mangkonong tuntu mpue. ³ saba etu aku romo mampoguru samporia nja yako rikanasa nasanja yako resi teofilus tomayongo, ⁴ see komi majoli mangansani kareba mangkonong palaong-palaong to romo rapotundeka komi. Pampo ncanika Mangkonong Yohanes Topaporiu ⁵ ritempo owi mawali i herodes , makole ripropinsi yudea, ree samba'a tompampese sanganya zakharia rata yako ritau saromu-romu semo papulaong ri banua mpue. i abia rongonya yako ri oyo mbia harun sanganya elisabet. ⁶ Zakaria pasi Elisabet tau tau tomoso ritango Mpue. Sira tawu ta'a masala mangalu samporia songka pasi parenta Mpue. ⁷ Yako etu,sira ta'a manga rata ana saba Elisabet ia apa pasi sira dua tua mo. ⁸ Rata mo temponya tau boros sira dama jama,Zakaria manga rata jama mawali topolaong ritango Mpue. ⁹ mangalulu lengko topojama,Zakaria rapilis wali sira masi banta dama sua ribanua Pue Allah damangantunu pamsomba. ¹⁰ Ritemponya pasomba rawaika,samporia tau makai njau sambali. ¹¹ Tara ncani cani,pampo kau Mpue mpapoyalaka koronya resi Zakaria pasi makore risambali ngkana pampole mpanyomba. ¹² Pangkita nya pampo kau etu,Zakaria nakayopo pasi mayabi kamekanya. ¹³ Wali pampo kau etu manganto'o ka ia,"Ne'e meka Zakaria,saba pakai mo pasi pamporapi mo romo donge.Rongomo elisabet, dampoanaka samba'a ana langkai-ngkai wali komi dama sangaka Yohanes. ¹⁴ Komi dama sanang pasi magele,pasi boros tau todama luluka ritempo pampoanaka. ¹⁵ Ia dama wali bae ritongo Mpue pasi taa nainu anggur pasi ewa anu rainu-inu tokayangu.Pasi tousa,yako riraya ngkompo nuindonya. Ia rabuketika nosa mapasing. ¹⁶ Ia dama ngika boros tau Israel damambeloka resi Pue,Allah ncira. ¹⁷ Ia dama linja liu Pue galo nosa pasi pasawang Elia, resi ana ncira. Ia seja damangingka tau-tau tota rodo rayanya damambeleko muni ripampobuka ntau-ntau tomoso. galo etu ia dapakaree muni tau todama lulu muni Pue ¹⁸ Zakharia manganto'oka tau pampokau mpue etu, wimba dakuika manga ncani palaong tosi'i? saba,aku si'i matuam pasi rongku seja malangi mo umurinya. ¹⁹ pampokau mpue etu mangansono, aku si'i Gabriel, aku si'i topokau to makoro ri tango mpue. aku rapokau damagombo pei komi damangan to'oka komi kareba matao si'i resi komi. ²⁰ wali, tempo si'i padongeka komi damawali wowo tama gombo rataka ricokah sasa to damawali saba komi tamangaya gomboku, torapakah gana ri tempo etu." ²¹ retempo to etu, tau manga Mpue Zakharia. sira manganto'o nto'o kahsa mangika Zakahria nyau raya banua mpue. ²² yako etu ia masuwu, zahkaria tamaya magombo resi sira . sira seja mangancani zahkaria rapapo kitaka pangkita nyau raya banua Mpue. saba ia singkani-ngkani mangangka cara resi sira saba ia tama gombo. ²³ tama sae yako etu tempo torawaika komi dama ngaya dapura mo , yakomo zahkaria nyau banuanya. ²⁴ karonya tempo etu, Elisabet bunte ia masaya kasaenya lima mbuya. ia manganto'o, ²⁵ si'i moanu tonaiaka Mpue resi yaku. ia mangaloa kah aku mangayali salahku yako ri oyo ntau boros. Mamponcanika Mangkonong Yesu Kerisitu ²⁶ yako etu Elisabet ono mbuyamo kabunte, Pue Allah mampokau Gabriel tosimba'a lipu galilea, tomampo sangaka Nasaret. ²⁷ Ia rapokau dama pasirataka samba'a tau we'a totawa re'e salahnya to makasi mpande pei Yusuf, Fiya Daud. sanga ntau etu Maria. ²⁸ yako etu pampokau Mpue mai resi Maria manganto'o paka sanang rayam, kanoto Mpue ree resi siko. ²⁹ manga donge gombo etu, Maria mawali kayopo, ia mampo bubukah lau rayanya mangkonong batuang manganto'o paka noto raya mo. ³⁰ pakau Pue etu manganto'oka ia, ne'e meka, Maria, apa korom re'e mangarata kanoto Mpue Allah. ³¹ wali korom damangkayu'uka samba'a ana langkai pei tempo ia rapo anaka danu sangaka i Yesu. ³² Ia damawali kojo angganya pasi anamu etu dara to'oka ana Impue Allah damanga waika ia mawali makole sawaju ewa weyaa nya, i makole tempo owi. ³³ wali anamu damangkuasang woyaa i Yakub rataka ri sangka saenya. tare kapuranya ia mamporenta. ³⁴ wali, Maria manganto'oka resi pampokau etu, wimba saba si'i pemawali apa aku tawa re'e nepeku tau langkai.? ³⁵ pampo kau etu mangasono. ia manganto'o i nosa mapasing resi Pue Allah darata resi korom,pei kuasa i Mpue Allah tobae kojo angganya damantorung korom. wali see naka ana todanu poanaka ngkorom dara to'oka mapasing pasi ne'e naka ia dara to'oka seja ana Mpue Allah. ³⁶ wali ne'e bata-bata rayamu mampobuka i Elisabet, jaimu etu tonato'oka ntau apa.ia tua'm,pei nempo ewa wetu ia mangka yu'uka ana langkai naika ngkuasa Mpue Allah.si'i si'i ono mbuyamo kayu'unya etu. ³⁷ apa re tango Mpue Allah tare to tamawali. ³⁸ Maria mangnto'o, kamosonya aku si'i topolaong i Mpue Allah, kasa'anu to'o ngkomi etu mawali mo resi aku. karonya mampokau Mpue etu napoyaikamo i Maria. Maria Yau Mayunu Resi Elisabet ³⁹ ree eo- eo etu Maria basiap-siap dayau re daerah to retongku, ree samba'a kota re yehuda. ⁴⁰ ia masua ri banua Zahkaria pei mangantabe i Elisabet . ⁴¹ wali ojo pangan donge i Elisabet, patabe yako resi Maria, ana riraya ngkompo maroso pawolenya pasi elisabet buka nosa mapasing. ⁴² yako etu Elisabet magombo maroso lonya manganto'o komi semo torasi-rasi wou pei samporia tau we'a to yusa pasi marasi seja ana todanu mpoanaka ngkomi etu. ⁴³ gete i Pue kojo raya ku apa komi indo mpueku wali komi bae kojo anggamu pei komi tiromai mayunu resi aku to kodi angga si'i. ⁴⁴ gete ojo pangadonge ntalingangku, loomu mampogomboka aku etu, anatori raya ngkompo ngku sii maroso ngika mawole- wole saba kandende ndaya nya. ⁴⁵ masanang komi apa komi mangasarumaka i Pue mangika kojo ewa wimba ia roomo manganto'oka komi. Maria Manga barong I Pue Allah ⁴⁶ wali, magombo i Maria, rayasku manga barong i Pue. ⁴⁷ pasi nosaku masanang ri raya Mpue to posompoku. ⁴⁸ saba, Pue tamanga pati sala topalaong nginya to masi yasi si'i. padongekah, yako si'i ratakah rieyo tousa samporiatau ma ngura manganto'o marasi. ⁴⁹ naka pei sira damanganto'oka aku masanang apa saba palaong to bae kojo batuanginya to naika i Mpue Allah anu maha kuasa aku o mapasing kojo ia. ⁵⁰ pasi ia mamporayang potapi-tapi mbiyaa ntau to mampolai ka ia saba manga angga ia. ⁵¹ yako ri palaong to inikanya ia romo mampokita ka tolino kuasanya, pasi ia romo manga ga'a tau to pampo buka dayanya mangei. ⁵² ia ro seja mangayali muni kuasa makole-makole pei tau kodi angganya, ia mangoko taka see mawali bae angganya. ⁵³ ia roomo mampaka bosu tau to moro galo katao, panewa manga ruba kitau to ganamo galo pale soanya. ⁵⁴ Pue Allah roomo mangawaika pansawang re tau israel, topojamanya saba manga ngendo pamporayanginya. ⁵⁵ kasaenya anu to roomo ia manganto'oka bae ngkita abraham, pasi wiyanya risangka sae-saenya. ⁵⁶ pasi Maria maro pei Elisabet baratogo mbuya kasaenya. Pampo'anaka Yohanes Paporiu ⁵⁷ wali yako etu, ojo kagananya wuyanya dana poanaka i elisabet imampo'anaka ana langkai. ⁵⁸ ojo pangadonge nuromu lipunya, pasi jai'-ja'inya kareba etu, sira mangancani i Pue Allah bae pamporayangnya resi i elisabet, wali sira samporia ndende kojo seja rayanya sindara-ndara pei ia. ⁵⁹ kagananya wayu eo sira mai mangansui ana etu, pasi damanga sanga ana etu Zahkaria, ewa kasi waju sanga mpa'anya, ⁶⁰ pei indonya manganto'oka ia raposangaka Yohanes. ⁶¹ wali tau etu manganto'oka i Elisabet, tare ja'imu to ewa wetu sanganya. ⁶² wali sira mangangkawes pa'a nu ana kodi etu mampo tanaka resi sira sanga to wimba torapo sangaka ana etu. ⁶³ Zahkaria mamporapo samba'a dopi tora tulis panewa ratulis ewa si'i sanganya Yohanes panewa samporia tau mawali ipu rayanya. ⁶⁴ wali ojo pangantulis i Zahkaria gombo etu, nganga Zahkaria tau,a panewa jilanya manganto'o, ia panewa magombo mangaborong i Pue Allah. ⁶⁵ sampria tau njou awensira mawali meka rayanya mangkita plaong to etu,pasi kareba mangkonong samporia palaong tonawali etu natikareba-reba monjou sampria lipu tau tore mpantana profinsi yudea. ⁶⁶ pasi samporia tau to mangadonge plaong etu manganto'o to'o lau raya nsira kasamo nakapowali nuana etu upu? saba pale mpue manga newang ia. zahkaria Mangabarong I Pue Allah ⁶⁷ Zahkaria pa'a i Yohanes, ia rabuke seja galo nosa mapasing panewa manto'o nto'o to'ony. ⁶⁸ barong i Pue Allah tau israel. saba ia tiro mansawang tau nya . ⁶⁹ apa ia mangawaika kita topo ncompo tomaroso topo ncompo etu wiya makole i Daud, to papulaong i Mpue Allah tempo owi. ⁷⁰ ewa kasa lorom na to'o ntuntu mpue, liyu yako ringanga ntopalaongnya tomapasing yako ri owi sinja ma'i. ⁷¹ seketika tadamarata kasesa ri oyo ntau-tau tomampo ja'a kita, yako ri pale samporia tau tomanga rowis kita. ⁷² pasi ia damanto'o ia damampancani kah bue-bue ngkita pamporayanginya pasi ia damanga banang para janji to ia semo mangankita resi sira. ⁷³ para janji etu para janji to ia mamparajanjika kojo resi bue ngkita i Abraham tempo owi. ⁷⁴ wasli kita rawaika kasanang yako ri oyo nuntau tomampo ja'a kita, se'e kita maya mapolaongi ta meka meka raya ⁷⁵ raya ngkayongo pasi katao ri tangonya sangkasaenya kita. ⁷⁶ pasi koromu,anangku, korom dara to'oka topotuntu tuntu i Mpue Allah anu maha kuasa. saba korom dama linja damampatiruyu pei Pue, panepa dama paka ree jaya resi ia, ⁷⁷ wali mangawaika pampobubuka mangkonong komi taunya, liu pansawang yako ri palengko- lengko ngkomi. ⁷⁸ apa pampo tuju i mpue pasi liu pamporangi impu ngkita, reme nueyo damanga nsilo kita yako ri tampa to malangangi. ⁷⁹ apa ia damanga nsilo tau njau riraya ngkawuri pasi njau raya nya mosu-mosu dama silaka pasi damanga ngkentar witi ngkita dayau ri jaya to dama tao muni. ⁸⁰ wali yako etu ana i Zahkaria etu tioko yoko mapasi tadugangi seja karoso ndayanya ia maroo ri pada bae manga mpeasi temponya dama nsuduka koronya resi tapolipu to israel.