¹ Aiyamo na imomonyo kaleba maima' i Yesus Kristus, Anak Allah. ² sumo anu tinulismo i uno nu kitab Nabi Yesaya : Toamae! Aku nonsaimo posaihonku mamba imona da mompokoimai' benda' bau katuluanum. ³ Ko lewo' nu mian anu lewa' molaga i padang bone' :: Posadiamo na benda' nu Tumpu, baumo benda'Nyo hondo. ⁴ sumo aitumo na i Yohenes nombaptis to mia-mian i padang bone' ka nompotoiakon baptisan da balatobat da nu ampuni da dosa'. ⁵ ka, iwi-iwi na mian nu Yudea ka' mian nu Yerusalem tinokamo hi Yohenes. ia nombaptismo aha i uwe nu Yordan, ka mule' aha singkap nongakui dosa'-dosa' nu aha. ⁶ I Yohenes nompakemo ubak nu unta ka kilit na pombutunyo' kompongnyo pinobobotnyomo. ia mongka'an nyiit ka ju'k nu kuhat. ⁷ Yohanes nompotoiakomo ka binasisik, "lapas aku kanumule' toka na mian anu molabih na kuasa' lengkat hi yau'. Aku matiduku mombukai' segot nu sapatunyo pe'e aku madi totobo'. ⁸ Aku mompalamandikan belemiu nu uwe, panyo Ia mompalamandikan belemiu nu Roh Kudus. Yohenes nompalamandikan i Yesus ⁹ ka' temponyo aitu i Yesus tinokamo lengkat mae i Nazaret, tano' nu Galilea, ka pinalamandikanmo i Yohanes i Kaunyo nu Yordan. ¹⁰ salata kinaluan lengkat i uwe i Yesus nontoamo langit nubiha' ka' Roh susumo tomonsi malapi nintatatu' mae. ¹¹ lapas aitu ko potatae lengkat i suluga' i hongonyo,"Beleyum na Anak anu kukalibosi. beleyum na momposanang kinyonyoangku. i Yesus sinobaan nu Ibilis ¹² lapas aijo, Roh nomboamo i Yesus namba i padang bolaa. ¹³ ia jinojoong i padang bolaa patompulu' na sina ka Ia sinobaan nu Ibilis. I Yesus jinojoong ka tiba bina-binatang anu maela' ka malaikat mongkalibosi Ia. I Yesus noleleakonmo lele maima i Allah i tano nu Galilea ¹⁴ Lapas tinalungmo na i Yohenes I Yesus nambamo i tano' nu Galilea ka' moleleakon kaleba maima lengkat i Allah. ¹⁵ Ia notataemo, sukupmo na temponyo, Tumpu montampu'unimo mompalenta, balatobatmo ka opalesayamo na lela maima'!" i Yesus nompileimo topia-piangkuka anu mombatuki. ¹⁶ Salata I Yesus i lumanjang i sohipi Dowiwi nu Galilea, Ia nontoamo i Simon ka' i Andreas, utusnyo hau-haunyo mombuani' i dowiwi kalana kalaja nu aha mombuani' ikan. ¹⁷ i Yesus lau-laus nontataemo hi aha, batuki mae na Aku ka' Aku mompotimbalimo komiu penjala manusia. ¹⁸ i Simon ka' Andreas lau-laus nompalai'mo buani' ka nombatuki i Yesus.