⁴ Isinyo nusisiknyo Ka Mompuji I Gayus ¹ Lengkat hi topolaya nu jamaat mokijo hi Gayus,anu kukaimai iuno nukahondoan. ² Toutus utusku anu kukanonongi,aku baladoa da komiu maima na inonyo nubutongum dapokakana ka' kinyonyoanyo. ³ mokonyo, aku sanang hi to utu utus anu tinoka mae nongsakisi te katotuuan'num, mosia na kantumuan miu iunonu kaimaan. Aku madian ko kasanangan anu molabi daka panyoi dela mohongngo to anak anak lumajang iuno nu kaimaan ⁵ Utusku anu ku kalibosi, komiu mombau kaimaan iwi-iwi anu obau hi toutu-utusum,pa mosiamo ahi na mian utumai anu mandi osumbu-sumbu. ⁶ ka aha noko sakisimo mate kaimanyo hi ahop nu jamaat.komiu na mombau anu maima de koanu obantu da aha mo tole mongpolanjud lumajang ka nu posituka na anu matikona hi Allah. ⁷ mokonyo aha namba ka kalana sangonyo ajo,madian nontalima apa mule na anu lengkat hi to mia-mian anu mandi palesaya. ⁸ Kalana ajo,kita tionyo montulungi mian sumo hi aha da kita timbali sangalu polaya kaimaan. ⁹ Aku noko tulismo sulat toka hi jemaat panyo Diotrefes, na mongkaimai mompotinggi butongnyo i oloy nu aha,mandi montalima kami ¹⁰ Kalena Ajo,de aku toka,anu na mopoingat ia ata kalakuanyo, anu le mongsisik kami ka potatae anu mandi maima! misa ola ajo,ia suele mandi ko mongkaoho mongtalima toutu-utusnyo anu toka ka mandi ko mompobe toutu-utusnyo anu toka ajo ka nu anggap ite na aha hi jemaat. ¹¹ Toutus utusku anu kukalibosi,boli montiho anu mandi maima bilako anu maima.Anu maima lengkat i Allah,panyo mian anu mandi maima nakinyonyoa,maisa montoa Allah. ¹² Iwi iwi mian noko sakisimo anu maima hi Demitrius,tiba katotuuan sumo atumo namonsakisi.ka kami suele nonsakisi komiu totuu. Holomat nu Kapupusannyo ¹³ manjoo napongkaohoku anu kutulis hi beleyum panyo Aku mandi mongkaoho hibeleyum tiba polopen. ¹⁴ Aku balahalap da singkabot malia lia tiba kita basisik mompahaohup. ¹⁵ Kadamaiannyo.Tosangga sangalu iaiyah mongkilim holomat hibeleyum.potoiakon suele holomat kami mokijo hi toutus utus kijomae