¹ lengkat hi polaya toka hi to tina-tina ka' mule hi to anak-anaknyo anu kukalibosi kaimaan misa posi aku, ka mule tiba iwi-iwi mian anu monsubu'kaimaan ² kalana kaimaan, anu jojong hikita ka' mule anu mojajalan kita sidutu. ³ balakat anu mongkalibosi tiba anu mongsanggalui ka' mombalakati kita inonu katotuuan ka' nukalibosi tumu sumo apa anu nupalenta nu Allah ⁴ aku mai ma tongko kalana aku monsumbu pa sangkuka na anakku tumu ikatotu'uan sumo mosia napalenta anu otalima dari lengkat hi bapa ⁵ uka aku mompoita hi komiu ma'ma misa ola aku montulis ka mandi kupalenta anu otumpui nukita lagi pee uukamae da'kita mompaha kali-kalibosi ⁶ ka'a aya libos kita tumu i palenta-palentanyo ayamo na palenta sumo anu i hongo iwi-iwi dah komiu tumu i unonyo ⁷ kalana momjo maidek toka aya idunia anu mandi mongakui Yesus sumo Kristus anu toka inonu ohumpak nu manusia. aha olah mompotalas ka mompouali Kristus. ⁸ bala ingati nahi komiu daboli komiu mandi mokanhan apa naanu pinoko usaha mo buanyo ⁹ toto samian anu lumajang kaluan ka mandi jojong i uno nu pelajaran Kristus ia mandi montumpui i Allah panyo iye na jojong i unonyo nu pokinde ajo montumpu i maima Bapa maupe'e anak ¹⁰ dekomian anu toka hi komui kak mandi momboa pokinde boli montalima ia i unonu laigan miu kabai mombei apa na mobe ¹¹ iyena mompopea ia mongala bahagian i unonu kalaja'an mian maidek ajo. Holomat Kapupusannyo. ¹² manjo naanu kuhanda'i kutulis akon hi komiu panyo aku mandi kahanda'i mombau galatas ka tintanyo aku taha iman dato ka'hi komiu ka basisik mompaha ohup dabasisik ima-ima. ¹³ anak-anak lengkati komiu tinalah pili anu mompoto'i akon holomat hi belemiu.