¹ Ku kanaitua, yanuo mo kelebihania mango lebenia momata yahudi mango yanuo keuntungania no sunati? ² Mohuo tutu, ohuangia halo itaitua; terutama ona Toku ita no porcaya no firman Toku. ³ Kuitua ongo-ngonu momata ndearo mongima, yanuo ku ndearo mongima momata mobatalo no rorendomo no Toku? ⁴ Sama sekali ndearo! Toku itaitua mo pootutu mo poobenari ampaaro sohuoro momata mo powuwungo kana ingka notuliso: " i'e no terbukti tutu ohuangia no tutu lonimu,ku i'e no untungi ku manuia menghakimibonimu." ⁵ Ku tapinia, kundearo o kabaranian itantolu justru mo patunjuki no kabanaran o Toku , yanuo ita ngaroma potau ni tontolu? moaliroma itontolu motau bahwa i Toku tainia ndearo moadili ngaroma mohukomo onitantolu? (wau mo potau kana osowala manusia) ⁶ Sama sekali mango kananda roma ndearo! ku kanaitua,kananda i Toku mosampu mohakimi no dunia? ⁷ Ku tatapinia ngaroma morendomo, nokakana wau wai hakimi kana sawatu no pendosa? ⁸ Ku,(kana ita no popitana songo-ngonu momata ohosayu-sayu o amintolu), no kokonu ku ndearo no tutulo, " mairo, itontolu monaka ita moheto supaya ita mopia nongko o hoheto itaitu."usato ita nokuma kanaitua mopantas hukumo! ⁹ Kukananda? yanuo itontolu lebenia piania nongko o mata iwania? sama sekali ndearo! sebapo, amintolunromo potau no palutou bahwa bae momata-momata yahudi mango momata ndisio yahudi mo ingka oromania no dosa . ¹⁰ Kanaroma ingka notuliso, " ndearo suwatu mou ita monaka nobanari sowatu mou ndearo. ¹¹ Ndearo sowatumou ita ingka mo akalbudi, kundearo sowaumou ita mosialo o Toku. ¹² Sohuoro momatarono babale nongko onitalawuka isatolu mohala-halati moali ndearo o gunania. ndearo o sowatumou ita monaka no monpia,ndearo sowatumou. ¹³ Korongkongan notolu kana kuburu ita o nganga,rila notolu mo mue-mue,rasungo raso mo bisa ingka oromania wiwiko notolu. ¹⁴ Wiwiko notolu no pulingo no kutukan ku opopeito. ¹⁵ "Tile notolu mosoni mokisito mongo moponumpah ruku. ¹⁶ Pokokiko ku o ansuru ingka orala ontotolu. ¹⁷ Ku isalolu ndealo motau kananda sosumboloh ohuangia no damai." ¹⁸ "Ondo'o o Toku ndealo o sayuo mata onatolu." ¹⁹ Masaya itantolu motau yanuo roma ita no katakan no hukum taurat,no popoali sohuoro wiwiko,ku dunia ingka oromania no penghakiman Toku. ²⁰ Ndearo manusia ita no sampu no popobarania ohosayuo o Toku tainia monaka hukum taurat helenia mo lalui hukum taurat itaitua, no laomai ku nonaka no pengenalan dosa. ²¹ Kuhelenia masaya,ku nda hukum taurat,kabanara no Toku no nyatani nolalui kitab taurat ku no nabi-nabi. ²² Kuita roma kabanaran no Toku nolalui imani o Kristus Yesus no popoali o suhuoro ita mongima, ²³ Sebapo sohuoro momata no berdosa ku no ilangiania no kamuliaan Toku, ²⁴ Ku nopopobarania o kasih mango o totawi no karunia secara cuma-cuma no lalui no ponobusan ohuangia no Yesus Kristus; ²⁵ Ita no ponyatania ni Toku secara no terbuka kana ita rala no pohodame ohuangia rukunia nolalui imani.hele itaye monudu no mo adili, hale ohuangia no sosabarania,Toku no popobiaro dosa-dosa ita o noni no tarjadi. ²⁶ Hale itaitua roma maksudnia monudu no keadilannia o masa itaitua supaya wau mo terbukti mobanariku mo pabanari momata ita o imani o Yesus . ²⁷ Jadi,ondania no kemegahan watanga nitontolu? rono singkiro! o hukum yanuo? o hukum ku perbuatango mango kokutu nintolu?ndisio, tapinia o hukum imani. ²⁸ Kuitua roma iye ita no imana ni tontolu, bahwa manusia no pobanarionia o hosayuo oni Toku nolalui imani,ndisio nonko o perbuatango-perbuatamgo no berdasaro hukum taurat, ²⁹ Mango, yanuo i Toku nga Toku o bangsa yahudi itua? ndisio roma ota itua roma Toku nga roma Toku o bangsa yahudi? ndisio roma iyota amaroma Toku o bangsa ndisio yahudi? ya! o bangsa yahudi ndisio roma, ³⁰ Halenia Toku itaitua sowatu ku wau no pobanari momata-momata ita no barsunat no imani,ku ita ndisio no barsunat no lalui imani. ³¹ Ku, yanuoroma amintolu mokinsi hukum taurat nolalui imani? mosonimate ndearo! sebaliknya, amintolu justru mo neguhkan hukum taurat.