¹ Isu krista uang phuangah mi lai dow Thurai mi alenma nauang phaw kown mi lup aia kowi tüng pe chekhai.Now Isu mi aia nar kramamu kowi chinah now Thurai kow nar Johan kowi maün mi lawnguan maiow uangpe tukah khai. ² Nami Johan dow Thurai kow laiklow hai Isu krista patuk pataah mi laiklow aia khiah mi lawnguan maiow aia dow uang patuk pataah khai. ³ Mamih rik phuangtah mi chabowih lakkowi kow uowi mi maiow dow athaulangma,now amia iawngmi chowh nami ta kow sünta mi hai chünmiuüa dow athaulang mow chekhai. Akhin dow uang tawn khai bowt chekhai rakowi. ⁴ Asia pren rinit klüng Thurai maru phowchakuüa tut-e ruiah mi, Aia dow uowi thümmi hai uowi khowkmi hai nauang uowi kown,aia hownia hai aia nanra pur kowi lümla uowi ranit klüng miuüa hai nami Isu krista hownia saksing sanara hai takingtasangra uang cham uowi lah. ⁵ Now Isu krista aia dow uowiah pasakowm mi tawi tuktah mi chekhai.aia dow makowng pungma dawng hownia rik phuaru mi chekhai, now aia dow lusa maguüa kow kruitown mi ia chekhai. Aia dow a-i kowi naukhi khai now amatia vi hown angak hownia klan a-i khai. ⁶ Aia dow a-i hown thawp pren lowk khai ,now apa hai Thurai khowng müa a-i kowi thawpah khai. Achowngma aia kraingra hai tara chetra mi dow pacham uowi lah. Amen. ⁷ Mü dia, aia dow uang nim hailawm nauang kown chekhai, mik maiow aia kowi nakhi kown,aia kowi kowngta miuüa paw khi kown. Palusama Chenchap maten aia rakowi nakar kown. Nachow,Amen. ⁸ Ang mih alpha hai omeka ang nakhai. CHAKRAMANG Thurai tekmi, Ang mi auown hai achur,’’ ‘‘Aia dow uowi thümmi hai uowi khowkmi hai nauang kown mih hai aia dow akri akraingma chekhai. JOHAN KHI KRISTA MI ⁹ Ang dow a-i kow Krista tainau Johan chekhai. A-i katsang hai Isu tute uowi khowk mih kawmkratra pren hai akatsang hai taiua kham riaria kown mih chekhai. Thurai laiklow hai Isu Krista lawnguan saksi thuak hai krawi tek khai rakowi Patmos sungdum kowi tow ang khai. ¹⁰ CHAKRAMANG ni kowi lümla hai ang uowi khai. Now ang kung pra kowi baw tün atünma ang ta klow khai. ¹¹ En nakhiah kown mih alup dow chabowih kowi arui uowi Thurai maru ranit powchak tute Ephesi, Smurna,Porgam,Thuatira,Sardi,Philadilphiia hai Laldikia, marow kowi un dow krawi sak pe diah pah aia tek mih ang ta khai. ¹² Uang klowp ang mih ia kowi dow müah kown kow ang hai tplan iowg khai, hanow haingeu now maibu towkra ku ranit klüng ang khi khai. ¹³ Namih maibu towkra adawnglang kowi maru chapa powmiawngmi maru uowi lowkia, aia khupah mi tawnguat dow khawk mowr chekhai thawng ,now aia kowh kowi dow ku kekawm takawm mih powm iawng ang khi khai. ¹⁴ Aia kow sam dow ruapur pawi powmiawng ,now akaw krang dow nang klu iawng now aia kow mik dow maimung iawng chekhai. ¹⁵ Aia khawpha ün dow kri iang tawk mi powm iawng chekhai. Kuh tai klaira mai hown kow klaiah mih powm iawng achamgma, now aia klow dow tui ahuma mi tün powmiawng chekhai. ¹⁶ Aia hawmlawm rut kowi dow karek ranit klüng dowkla,now aia nawr hownia bürdawng sarai ahchuk ma mi re iawng uang law khai.aia kow nawr powm dow satden thüm khe kow powmiawng chekhai. ¹⁷ Aiamat kowi ang khi now kowngmi maru powmiawng aia khawk kowi ang iu tim khai. Nowkhe aia kow hawmlawm bawng ang lukkowi uaitow now tekmi,’’ hang kow kram dia ,Angmi auown hai achur,angmidow achowng ma.’’ ¹⁸ ang mi kowng khowk,nachenganchepaw mü madiah,chowng chowng saksakkma ang sing uowi;now kowngra hai ngare towkra sabit ang rut kowi e uowi. ¹⁹ Naiawng kow en khiah mi hai kawmat kow phaw mi hai akung kowi naphaw kown mi ün maten ruitah dia. ²⁰ Ang hawmlawm bawng pra ranit klüng karek ,now ranit klüng maibu towkra en khi mi laipet dow ,nami ranit klüng karek dow ranit klüng Thurai powchak kramamu,now ranit klüngmi maibu dow namih ranit klüng mi Thurai powchak chekhai.