max_halder-mro-BD-mruchowlai_2jn_text

ALAWNG 1

TACHUP TAIIARA ¹ Mami chasak tarap chedow ang lang sakrauah mih pi pu uüa hai chauuüa tut-e kow krawi ruiah mih chekhai, (ang matia chatai na dowi ,lainowm kowi tuk mih hai bowk bowk kowi sakrau miuüa tut-e chekhai). ² Nami lainowm tarap chedow a-i tut-e uang tawi uowi mih chekhai now chowng chowng saksak ma natawi uowi kown mih chekhai. ³ Nami Saksing sanara hai taking tasangra tarap chedow Thurai hownia kow pa chapa Isu Kriasta hownia kowh uang na khai, lainowm hai tasaraura tarap chedow a-i tut-e uang tawi uowi reng mih uang na khai. ⁴ Lanowmma ang awmrawm mih tarap chedow pa hownia kowh sakraura mih dow ang khi khai, enni chauüa paw nami powmiawng dow lainowm kowi tawi chün büah khai. ⁵ Now kawmat dow, aw anowm mami masiuüa low, asar mahai alow pe ang uang rui enni mih na dowi, auown hownia kow ang kaah mih alow pek powmiawng dow nami alow powmiawng dow ang uang ma enni mih chekhai, enni mih na tasakrau riarai kownkow. ⁶ Now, tasakraura dow maiawng chekhai, aia alowpe kowi a-i lowk kow lowk tachün kown mih alow chekhai; auown hownia kowh enni taah mih powm iawng dow enni na uowi kown mih chekhai. ⁷ Matawng palawng kachow panow puan mih dow akawmma lusa kowi uang lawt khowk; amatni tarap chedow Isu Krista mih pauk nga hown lusa kowi uang mih hing owmah büah dowi; naün mih tarap che dow puanmi chekhai, amatni tarap chedow Krista ransu na khi. ⁸ Pamatia lawnguan kowi kaneu büah; enni matia tawpah mih enni namata dowi kownkow, awmrawm suang nakala bowk kownkow. ⁹ Krsita lai chün dowi mih uüa tarap che dow akawmma tawi mang khai, nami tarap chedow Thurai kowi tawi ka dowi mih chekhai; Thurai kowi chün mih tarap chedow pa chapa kowi ka bowk mih chekhai. ¹⁰ Naünmi tüngsangra ka dowi mih uüa enni tut-e nauang kown, amatni kowi tarap chedow kim kiowrira hangka peah nami klen kowi hangkow ringkawah büah diah. ¹¹ Amai ni kowi hut kiowriah mih sarui tarap che dow amatni lup kowi tawita hum pemi chekhai. ¹² Narui enni kown mih lawnguan tarap chedow ahuma chadiah uowi, nachepaw charam hai mangtui na tawng kown mih ang hing nau dowi bowt rakowi chekhai. Na chepaw enni tut-e na uang hanow naka talawm kownmi sakowmra dow uowi, enni kow awmrawmra na tachi kownkow. ¹³ En nauma, ruiah khowkmi chauüa büah pe enni achup aiia khai.