¹ বাজি লোইয়্যে এ বুড়ো মিলেবু আ তা পুয়ো- যিগুনো ইদু এ চিদিগান লেগঙর; গোজেনর সত্যগানত্ত্যাই মুই তরে কোচপাং (বানা মুই নয়, মাত্তর ‍যিদুক্কো মানজ্যে সত্যগানরে হবর পান,) ² সেই সত্যগানর সনে , ‍যিয়ান আমা মন ভিদিরে থায় আ উমোরবো আমা মন ভিদিরে থেব। ³ বাবা গোজেন আ বাবার পুয়ো যীশু খ্রীস্টত্তুন সত্য আ কোচপানাল্লোই মেয়্যে, দোয়্যে, সানতি আমা লগে লগে থেব। ⁴ মুই অমকদ হুজি উয়োঙ, কিয়া মুই দেগঙর, বাবা গোজেনত্তুন আমি যে উগুমান পিয়েই, তঅ পুয়ো-যিগুনোত্তুন কয়েক্কো সে দগে দগে চলন। ⁵ আ ইক্কোনু , ও লক্কী মিলেবো, মুই তরে নুয়ো কন লেগঙর ইয়ান নয়, মাত্তর পৌইল্যেত্তুন ধুরি আমি যে উগুমান পিয়েই, সে বাবত্ত্যাগুরি তরে এ হুজুলি গরঙর, য্যেন আমি আমি কোচপাপি ত্যেয়। ⁶ আ কোচপানা অল ইয়ান, য্যেন আমি গোজেনর উগুম-মজিম চলিই; উগুমান অল ইয়ান, য্যেন তুমি উ- কোচপানাল্লোই চললো, যিয়ান তুমি পৌইল্যেত্তুন ধুরি শুননো। ⁷ কিয়া ভালুক্কুন ফাগারা পিতথিমিত নিগিল্লোন, যিগুনে যীশু খ্রীস্ট যে মানজ্যে আরুক্খয় এচ্চ্যে সিয়ান কাম ন- হান, ইয়োনিই অলাক সে ফাগারুন আ খ্রীস্টর শত্তুর্। ⁸ নিজোর বেলায় চ্যায়ানা অ ; আমি যিয়ান গাদেয়েই, সিয়ান য্যেন তুমি ন- আঝঅ, মাত্তর য্যেন বেক বকশিষ আনি পঅ। ⁹ যিবের খ্রীস্টর সিকখা নেই আ আক্কে আক্কে যায়, তে গোজেনরে ন-পাই; সে সিক্খাত যিবে থায়, তে বাব পুতরে পিইয়্যে। ¹⁰ যুনি যিবে সে সিক্খা ন-লোইনেই তোমা ইদু এজে, সালেন তারে ঘরত্ লবিয়ত্ আ ভালেদি ন- জানেয়ো। ¹¹ কিয়া যিবে তারে ভালেদি জানায়, তে তার বেক বজং কামানির ভাগি অয়। ¹² তোমারে লিগিবার ভালোক্কানি কধা এল; কাগোচ্ আ কালি করচ্ গুরিবার আউজ নেই। মাত্তর আজা গরঙ, মুই তোমা ইদু যেনেই মুয়োমুয়ি অয়নেই কধা কোম, য্যেন আমা হুজিগান তজিমপুরো অয়্ । ¹³ তর বেই লোইয়্যে বোনর্ পুয়ো-যিগুন তরে ভালেদি জানাদন।