¹ paina karjang rora peiti hengkawiori we kawio korowai mahi ariang karawing hura we ko mah pa hya henda hetanong muang we urama wane. ² hembe ding hesane kaeng mae hembe ding he mainyaya. ³ ding we hane kaeng wau hya hengko he ma wau ma hengko maning pe ha kong hya wa. ⁴ we mainyaya hengko maning na hene piwawinta kono he ma wau. ⁵ paina mempesai muang wati kyar hihyu curiama wau hya kuira hende tai nyena paina hetena. ⁶ kikye we curu rabiang mara hentaraho hinyong raupui mempelai uang riama ! me mati menda piri !. ⁷ na yampa ma ariang karawing pitau henta waha hetong nanuha hene ma wau. ⁸ impaina kawio we hanekaeng wau hya hengkawio hera we mainya wau hya metong we ama aning pe ha ho mane ma ne ingkai mayo. ⁹ paina we hane mainyaya hendoa topino; piwai, nimbo mahiha we ama kong nya pe wa paina menda bu we wo maning wanei metawayang we mantau mye na wang pa. ¹⁰ hempo wawe hya we henda we hetawayang maning mara mempelai matang wati riama, paina wewe pai syos, he sua henda konti kuira he sua to manu Perjamuan riryau, anture wau hempirye kepana. ¹¹ wera ariang karawing wera wihyea wau hendama hesa, tuan-tuan ! huepa anture nei we ama. ¹² impaina kewio, ingkai ryoa, coyo wawi nya wo reweroang nya wa. ¹³ kawio we nya, me ta mamang ho mending hawe teweri ma wanewa. ¹⁴ mahiha pei karjang rora peiti mehiha peino we mati tori to nu peha paina hya nye hamba-hamba wau hya we pika pinye wena manu wau we hende kakepana. ¹⁵ bu hinyongtarai pehi, cong talenta pe ding, bu eha hya wihyea talenta pe koru, bu eha hya rea ma, talenta korisi wiwo mahi hane piwe hetaryu tapa interi rya. ¹⁶ hinyongtarai we aryu talenta ding wati, rya hewiang ho nyeng mwau naria rea teryu talenta ding naria rea. ¹⁷ topi yampo ho we aryu talenta koru wati itato hewiang honyeng mwau we ko contaryu talenta pe koru tato. ¹⁸ maho hinyongtarai we aryu talenta korisi wati iwo teryu korisi paina kyori ra herai kambrei wati hyai kepang talenta korisi watina kakopa wati raro. ¹⁹ rian roapei paina teweri ma riryui nye hamba-hamba wau hya cutang hya we hetato piwe ingkai hetaryufa na talenta ding wau. ²⁰ hinyongtarai we aryu talenta ding wati rya arota nye tuan wati tutu kyo talenta ding we teryuta wau ma kewio, tuan pa au bwon talenta peding hera yau mara reuma hawian ra yaryu talenta peding naria rea. ²¹ tuan wati kewyo bu ii wihyeng pitarai hamba wewihyeng pa au myayatarai. muaya na karjang wemomane ya ingkai ruwaha au na we pau henjurai biani hua na mararising bu nemu tuan wati. ²² wewe ko talenta koru wati co sua we nye tuan wati kewio tuan bwaon talenta pe koru hera yau, reuma yaryu nari talenta pe koru narya rea. ²³ tuan kewio wihyeng pitarai ne hamba we maya kong we roa ho kawio muaya na karjang we moma, ingkai iiruwaha au na piwe pau mantaun, hua na mararising we nemu tuan wati. ²⁴ hinyongtarai weko talenta korisi wati co sua we nye tuan wati kewio, tuan irehoa topino au wo hinyongtarai we rabiang we pwika pitantanang nawa. ²⁵ ya matai paina yai nyuin nemu talenta bwona nei na kakopa raro. reuma we hano au pa ingka we hano au wa. ²⁶ tuan wati ryoa interi kewyo wei, au wo hamba wewe huna wa interi mei yai! mendehoa topino ya wo ko pina rabiang we itantanang na wa interi iruri na rabiang itantang na wa. ²⁷ menda metiri ne doi wena bank wane we ko ira taweri ya ingkai yaryu ne wane mpa taweri tutu nye wewe hyeha wane. ²⁸ kwo talenta korisi pai wurui we oni we au pai bwoni we we aryu talenta hura pai. ²⁹ we aryuta pai ingkai heton nari eha rea ingkai cong nari we pau mantaun ingkai wape na hinyongtarai we aryutawa ingkai pinyea wane hengko. ³⁰ meso hamba wewe hunawa wati to nu wewe rorang we tamataita na nu wampa ingkai hwai ma kori kakopa teremu. ³¹ ariang syeng Allah riama na riryui waba, tutu rairora wau hya myohoi na nye maihoi waba wati ( kemuliaan ). ³² bangsa pitau wena nunei ingkai hendryui na rena wanei ingkai tiri eha hya wurui eha wane hya para ria pe gembala pei ryu wehyei kambing pei wurui domba wati. ³³ ingkai ryu wehyei domba-domba to hawaru cobatan, interi kambing hene na hawaru cowiri. ³⁴ raja wati kewio we wena hawaru cobatan, rwama, na wewe aryu we mahi ho tantamami, mai hoi kerajaan weo na na we nu pampong pa. ³⁵ hawe i wawihi, mengko roweang we yau. irau parai mengko Maria iyung. yawo hinyongtarai asing, mesa ya hua. ³⁶ ya hama kakawi metong hasung hasuna. ya huhi menda mendeho ya. ya na bui menda hera yau. ³⁷ hinyongtarai-hinyongtarai we mahi hendoa wei syeng, hapa nani mandeho wowihi pa matong roweang bwampa, ete raun parai pa matong bung pa ?. ³⁸ hapa nani mandeho au we hinyongtarai asing masa au hua, ete hamang kakawi matonghasung hosuna ?. ³⁹ hapa nani mandeho huhi pa ete nua na bui pa manda we au pa ?. ⁴⁰ ya kawio we mahi wati bura mia, topi nani meton topi yamba we menetapa hya na we mo manei, metong pi wawi we ya; ⁴¹ kewio we hyana hawaru cowiri; rwa wurui aro tara napa, mya we terkutuk, toraro atia paya we hetoni we setang wati kong rai rora. ⁴² ya wawihi metong roweang yamba ii rau parai metong Maria yung mba. ⁴³ ya wo hinyongtarai asing mesa ya hua wa; hama kakawi metong hasung peha we hasuna wa; huhi na bui mendama ho ya wa. ⁴⁴ hentara hoa interi hetutang; syeng hapa nani mandeho wowihi pa rau mparai pa we hinyongtarai asing; ete huhi pa ete hama kakawi ete na bui kono hapa nani manda mambe cayani au pa ?. ⁴⁵ interi ryoa we hya", ikawio we mahi nei we mya, topi nani metong mahi hane we korisi na hya we moma tarai ne, myati metong pararia wei pa. ⁴⁶ hyati henda to rabian airirora pa wewe woroi, wape hinyongtarai - hinyongtarai we mahi hento raro we wihyeng woroi.