¹ Na ha wawiti,wati cong hia.rapa hetetang pahubu wati interi hetani. ² hinyongtarai farisi wau hedeho hia,hengkawio wei,hetoyo mendeho we onti wauhia pitoi hentonina ha sabat nenei ne. ³ Jangpa Yesusi kewio we hia,mandehoa wae pi we Daud kong we ontin pahia piwe hetona pa,hetong hetang taung na manu mamrang pa tato. ⁴ Topino he sua manu mamarang,mara hetang taungwe hetona we syeng Allah kong pi busi wawi hia hetang kuira, wape iman wau hia wo piwai. ⁵ Interi metatorana anatu torat wau,ho ha sabat wau mara iman wau hia henda haharata tato ⁶ Wape ipaya we mia we baba hieha ha sabat piti nia nine. ⁶ Wape ipaya we mia,we baba hieha ha sabat piti nia nine. ⁷ Imbape nanawi mesane tatona ma,nani mahine,onanuhara wau mae hane sisung kakotu wae hia. ⁸ Hopei ariang Allah na ha sabat. Yesus cong we huhi wati penang na ha sabat (Mrk.3:1-6;Luk 6:6-11) ⁹ Kira hembau na wampa,Yesus ria bu sinagoge nei ¹⁰ Ahahianyang pai reho muangpei piaya na wara hawarung pai,interi wewe onti wau hia hetutang wei,ma hetoyo pitoi mahine,wehuhi heng panang na ha sabat wau ete piwaie.hetutang to warompi hen tai tuta syeng Yesusi. ¹¹ Na na wawi rampa kewio ho hia,na mia matei nie pioung domba pei ne,wapae ha sabat wati domba pai cawa na kambire pai,nana wawi hawiang pe we riuwaha nie pioung,pai wae ¹² Pitoi we piboki weriung hinyontarai pai,buong waraung pai e,interi cong wewe wihyeng na ha sabat pai e, ¹³ Interi Syen Yesusi kewiowe we piaya pai, buong waraungpai ma, we piaya nei cong warang wau wu Syen Yesusi nana wawi mantaung penang wahai.parari warang pai ehi ¹⁴ Wape hinyong tarai Farisi wau hembawi tatera ,wape hesane korisi we hembaburi, na ha pei rai ingkai hemuni rahi. ¹⁵ , To wawi, wape Syen Yesusi hane tatorato, hihui na wampa, mae kawasa pitawau hetonti. Ai hinyang tiong we huhi wau hempanang. ¹⁶ Kewio kakepang hia warompi hetai niuni ,waromi hendeho netarai pai wa ¹⁷ , Piwawi huma warompi, atora kong anatu nabi Yesaya wau mahi ¹⁸ . Mendera wo Woming I we tiria ma ihanehoi pi anti hanenei merisinipa kong yong riu anyunung nei wei pa. kong cona we mahi wau we kawasa we pau ¹⁹ . Mendera wo Woming I we tiria ma ihanehoi pi anti hanenei merisinipa kong yong riu anyunung nei wei pa. kong cona we mahi wau we kawasa we pau .Iwo sisiungwa, miarana wa, rau puiwa henatarahona rang rarong bau wa ²⁰ . Kambubu we patu tekutu wa, Atia wewe o mayo, mayo wa kio, we ong marising piboki wane ria teriuta reima ²¹ Nana hanoung bau, kawasa kuira hesane cari, riu pata hia (Yesaya 42:1-4) ²² ,Interi hinyong tari pe teriu haseng we naunor,re pipu,we mou hengkori bu Syen Yesusi,,Impai Syen Yesusi warapi huhipai ma penang, na wawi rehoa , kewio rea, ²³ .Kawasapai hesane kara batang ma hetutang, Hinyong tarai nine wo Daudti antung pehi anate ²⁴ .Wape hinyong tarai Farisi wau hia rea, hentarahoa mara, hetoyo Hinyon tarai nine cuha haseng naunor na Beezebul, wewe riung na Pi kairiai ²⁵ . Syen Yesusi, mantaung hane rahoa pitoi hesane tatoti na hesane waipa, wape hawiang we bara-baranya taweri mung hia, na hia, na pandu kong manu henawau, interi we bara baraya wawu taweri mung hia rea ingkai hembe rorotu pampang ba ²⁶ .Wape pikairiapei cuha pikairia, mara piwe baraya wa taweri mung mantauni na wawi hawiang bau wata woroi wa ²⁷ .Na wawi Yuha pikairia na Beelzebul, mara ingkai pitoi yona in tuha antungwau hiape. Ingkai hembe pitaba we tatane. ²⁸ Wape haseung mamarang intuha haseung we naunor, Pandu na rora Allah ria bu mia. ²⁹ ..Imba pe hinyong tari pehi mekowa to mabiri nyie manu rarong kio papus wenana manupai, mara cawi mambiri nei pino, waromi kio papus na manu wati, ³⁰ .Imbape pi matei nia kong ya wa, rinjung we yawu, mae matei riru kong yawu wapa ria wei hieya. ³¹ Interi nine ikawio we mia , nana sasar paumantaung , akahara wena hinyong tarai. Syen wara waura, wape akahara ho Haseng mamarang Syen Allah wara pira wa, ³² Matei peyai pi we ho tuwahinyongtarai antungne, iwo wara piri, wape matei kewio pampinoma we Haseng mamarang ne iwo syen Allah wara piri to sasar wati nana hanei kio hawerama ³³ ,Nana aiwati we wihiengwati, mara buong wati tato wihieng.,hopeino aiwati tande tatotina buong wati. ³⁴ .Aiwawing pinamunai Yereng,pitoi cona menaunor wape mengkawio kawio we munuhari,hopei mesane rarong pai wihien, mesoremipa kawio wihieya ³⁵ ,Hinyong tarai we piboki hengkawio papus we wihieng,kong hinyontarai we naunor kawio naunor wau matina papus we hunawa ³⁶ Wape kawio we mia hinyong tarai we kawio pampinoma, ingkai hesariowa na ha Syen Allah tiri nunei wane. ³⁷ Imbaro na kawio wewihieng menembau, ona Syen Allah riowa we mia,wape kawio we hunawapa Syen Allah cong airirora we mia. Hinyong tari Farisi kong mamaha Torat hetewa kamang ³⁸ Interi nawawi mamaha Torat kong hinyontari Farisi wau hia hengawiwe syen Yesusi, ma hetoyo, Hinyontari anyau pa au, mato mandeho kamang na auw. ³⁹ ,Na wawi Syen Yesusi kewio we hia, ma coyo. Aiwawing we naunor kong we mamota, metewa kamang ko yawe pio, hopei kamang wau hetona we mia wa. Wape mendeho kamang na Atatuwara Yunusi ⁴⁰ Hope Yunus ha toru curu toru niana tiang baba wati hawaiwati, ingkai Syen Antung wati nyana nunei hanewai wati ha torum curu wau ha toru tato ⁴¹ .Kawasa Niniwe wau hia, aiwawing naunorwau mia nana ha Syen Allah tiri nunei hinyongtarai Niniewe wau hembihieng. Hopei henatara ho YUNUS kewiowau interi mendema wewe baba na Yunusi piti nia na nine. ⁴² 42.Wori we nana wang sahi ingkai kiong aiwawing maunorpa mia imbe metario aitato we hunawa na we ra tuti atato na nu nei rewu peiti, hendama hentaraho kawio piboki na Salomo, interi mendema we baba na mananu Salomo,piti nia nine. ⁴³ .Haseng naunor matina hinyong tarai, ria bu nu we maria wa tewe nuwe piboki we wiata na, wape teriu eha wa. ⁴⁴ . Interi coyo ma itaweri to manu imati nawanei,wawau tedariweri rampa manuwati kekawiri raraiti wape hetirai ra, we piboki ⁴⁵ . Arai haseng naunor wati ria tewe ma kio haseng wewe naunor mantaungpe hembe itu ma hena konti, kai wau mara wene hane rarong wawiti nyaunor we hunawau manatung , topei awawing we naunor nine mia ⁴⁶ .Nana wawi Syen Yesus kewio we kawasa pitau wau hiya,mae hinyani kong raruong wau hia hentera na ri wau, he sawiang we hengkawio konti ⁴⁷ .Hinyong tarai wau ehi kewio wei ma coyo remuho hinyamui kong nemeta pe hiati hena rindi ma hesawing we hengkawio kon tau ⁴⁸ , Wape Syen Yesusi tendera ma kewio we kawasa pai kuira “Amiti matei, raruo matei hiane ⁴⁹ .Interi Syen Yesus riuwaha warangpa cuwara bu wewe onti pa hia, ma coyo ninei hiati i ha hiawe ami kong raruongpa, ami kong netape hiatina ⁵⁰ .Wawo mateiti cong wewe mahi papari pi wewihieng wewe nana Tamai na Rora peiti, mara i hawi weo neta muang pitina raruo wawing pe hiana kong ami pitina.