¹ "Won nyakiba baromi au maryut nyakiba. ² Topenowo timbe nyaki, mintoru ho piweminarona baromi mintoru tato merembe nyaki, waromi mintoru tanto minarembe nyaki, kon aitato bebe minarona merentato imbe tirentato mintoru tato. ³ Topeno wo minandeho minaneta wani reabi nyewane wape mintoru minandeho minande abi minanen bau ba? ⁴ Mora topeno wo minanto we minaneta babei rabau yau mantaun yau reabi harea warihu remobau; mopa rena, abi pe ro remu mo mauntaun nemu wau. ⁵ ei, hinontarai wemahiwa, wona hareya pampon ren aloi nemu wau barihu remo mobau; ro rabau mintoru interi mendeho ro piboki. interi minora abi minaneta nien hareya. ⁶ Papus wekakawi minaronabe wona tyoruba, rabau tato minanso mutiara warihu wowa tinderowane baro tisa kakepana ro tirai miba kon tintaberi tinsahawu mintoru". Webara, Kurawe dan Ruot ⁷ Webara, mora pirabau imbe tirona be au. kurawe, mora, pirawau imbe wariuta. Ruoat, mora interi pirawau maheb we au. ⁸ Piyeba, mantei dyebara dyaryuta, kon matei kirawe pa mora, diona; kon matei ryoat pa mora wande miheb. ⁹ Ete, matei ro mintoru, antun dieba tyun mora dion kami we antun wani? ¹⁰ Ete, Antun dieba dian mora tamani dion tawai we antun bawei.? ¹¹ Rawau mintoru minanmbarui menandeho topenomo minoronpi wehanai we romawa tioru, naria muna mina ron pi wewe hanai, hehara we tantami weroro surga; i wo dion wehanai we hinontarai be erawa burei". Hukum we Retenan. ¹² "Topa rawanto, pitau wewe tisanewe ma tiron pariria be au, Tirona we tyoru baromi parari tarai wero Hukum Taurat dan kitab para nabi." Rayan Werawu Wewihyen ¹³ "Hua ro wande wehiar wo wande wemarewan kon rayan wereraha, i ria to hora behanaiwa, rababei timpai tisua roi. ¹⁴ Mena wanden hiho kon rayan wehiar berato behanai rawau wearyuten kateheike." Anindera we Nabi-Nabi Weakaka ¹⁵ "Rawau hanen kakepana ho nabi-nabi weakaka werama wemintoru hisuni we domba, wape ro wemahi tioru mora serigala webarui. ¹⁶ Ro buo rawau mintoru minande weroana tioru Waryut hinontarai. We rirui Anggur bwo ro rahora wewe waihiya. kont aibuoi ara ro pitantanan wewe nehina? ¹⁷ Pariri peai wehanai dyon bwon wehanai, mena ai wehanaiwa dyon bwon wewe hanai wa. ¹⁸ Ai wewe hanai wani imbe dyon bwon wehanai wapewa, kon ai wehanai bawani imbe han dyon bwon we hanai pe ba. ¹⁹ Ai wewe bwon mora hanai wa imbe tindowani tinkiyei wu arutan raron rawei. ²⁰ Impan, roro bwon wau mintoru imbe minande weroan tyoru. ²¹ Piyewa hinontarai kuira imbe tinto wei, ' Tuhan, Tuhan,' rawau tinsua wu mahihoi surga. ²² Ro ha rawawei, hinontarai we pau tinto wei, 'Tuhan, Tuhan', mora antoru anambe nubuat-nubuat ro hanomu Wau, tya anaron kaman pitau ro hanomu Wau? ²³ Impateri Yau ipaya kamamara we tyoru, piyewa yau ireweroan mintoru ro ehewa!" Minantarahokon Minaron Pararia ²⁴ Pirawau, ona hinontarai timpau tintaraho tato wau kon tiron pararia mahiha peno hinontarai wehane kuna we wewaun yaba ro kami bawo. ²⁵ Imbaro, maman myuna kon pohar rima, wanan wemadui mihepa yaba rababei wape yaba hyu ba hopano byauni ro kami. ²⁶ Hinontarai paniyei taraho tato wewe i payane me dyon pariria wa mora piraria pe hinontarai wetatar weor yaba ro robuyan babo. ²⁷ Raiwau maman wia pohar rima, kon wanan wemadui mihepa yaba babei yaba hyu kon mititota pitau ²⁸ Ro rabau Pyami Yesus piyai pi rawau kuira, hinontarai pitau tisane kuna ho anyau bau. ²⁹ Topana I dyanyau tyoru parari hinotarai wene , kon pirari ahli-ahli Taurat tyoruba.