¹ Reho kawasa Timpau rawau, Yesusu Diota to hobu, pate mihoi, nie murid tinda hereima. ² Impate rierahua dianiau tioru, pyai Toparane, ³ '' Piboki we wene hinontarai wene piwa ro roh karo. ambe antiretine kerajaan ro rora raron jeheipa. ⁴ We oir berkat patireno wewe mahoi wewori, wotirot marisin ro kawasa we pau. ⁵ Weoiiberkat patireno, hinontarai wewe hanewai panan tioru antire tine nu wawonipa. ⁶ We oit berkat patireno wewariwan tia werauparai ho wemahi ambe timohi. ⁷ We oit berkat patireno wewe haneho imbaromi tirentoit wehan ho pau. ⁸ We oit berkat patireno we hane wai kakawi imbaromi antire tindeho Allah pa. ⁹ We oit berkat patireno weko marisin wo tioru ambe tirapotioru we romawa-romawa Allah nie. ¹⁰ We oit berkat patirena wewe Timun tatira ho we mahi ambe antire tine woyai raron wanipa. ¹¹ We oit berkat patireno Mintero ho we pariahi, wewe mun muntoru, wewe tato wehainawa, wahai ro mintararo po tuti pariahi pitau rwau yau. ¹² Mina marisin tia minta mararisin wo mintane hamaya wawa mantaun ro woyai raron dyei, ho wewe muntati Nabi wewe mintoru wamipe". TAHI TIA KAWIEIHA NUWAWONI ¹³ Mintoru rane Hahi Nuwawoni, wape hahi wani riena, tanah diona wehahine? i hinaiwawa haito, ambe tangkiel, tasakakepanei. ¹⁴ Mintoru mintambe kawieiharonu wawoni. Bendar wewata mahi hobu wawo ehi hang dianiwa reiwa. ¹⁵ Hinontarai-hinontarai netatoru hang tangkair Pelita taroni wiata ro wou wa, taroni wiata ro taraimi wawo imbaromi dian kaweiha kuira royawararo. ¹⁶ Imbaromi Kawiehawani kiwei ha tato imbaromi tirendeho wewona wau wehanai wesom tantamami wero woyai raron yehei. ¹⁷ Hang minasa neho piehiwa Irama We Ikar Pi papora tauraini ete buk nabi tioru. Yau rama we Ikar Pira Wa Irama wepano Iriruirapena. ¹⁸ Ipayai wemahi ne wemintoru, rake woyai kon nuwawani hundo, hang wui pehi ete kaman pehi rio warihu papora taurat ni wa ke pitau rane kuira rama mahi. ¹⁹ Impana, matei kiarwe anindera-anindera katu We Haho Rani Tiar piarkor hinontarai hawarun tioru we tiron we mahi kei, i ambe tirapoi we, wehaho wahairo Rora Raron Dyei, wape, matei dion parari aniau-aniau rawau tia pyai wawohapa ambe tirapoi we weawa ro woyai rarodyei ²⁰ Impaina, yau ipayai weau , Nemu Wemahi wau Hanai kakahirawa warihu wemahi wehang tatoi taurat tioru tia hinontarai-hinontarai farisi, mintoru hang minta sua ro ro Kerajaan Sorga wa RANE HOPANO HINONTARAI WEIHA HO NERA ²¹ Mintoru, minantaraho pi ipaya wu tane apu moyang pe, hang minamamuna wa; matei mimuna tinkou ro pengadilan mahiro. ²² Wape, yau ipaya wemintoru, teinakei matei dihaho netapa tioru pai rio papora rarompui, tia matei titowe netapa tioru mintoru minantatar, ambe rio di mahihoi tariai akama tiraropon. Tia mateinakei pyai mintoru we bodoh; i rio di Arutan Ro Naraka Rarompui. ²³ Impaina rawau, to mintaron pihahurapehi minaronira wiata ro altar wawo, ro rawane mintoru. Minansangtaweri wu nemetapetioru tine piehi wurau. ²⁴ Puika Nemu Pihahura wau ro altar pon, inte rua. weweretenang pano rurai kon nemeta wane tioru, interi tuwerima won pihahura pehe we persembahan. ²⁵ Muraru hauta, huawu hinontarai wewetato au wane tioru minta riruira waromi hang we tato au wau tioru tiron au wu hakim wa, ta hakim tiron auwu nie pegawai tioru wa, imbaromi tinko au to penjara wa. ²⁶ Yau, ipayai wemahi mantaun weau, mintoru han minta sarea katewa warihu rawane keyao mintabait sen. KUIRA KAI ²⁷ Mintoru minanan taraho pi timpaya peto,' hang ²⁸ mintarom ririawitawa Wape, yau iwe roana we mintoru, Hinotarai paniei Hiyo Hinontarai wawin pehi pampam tia hane wei i dion ririawita we wawin wani ro hangwai raron wani to. ²⁹ remumo hawaru diowatan dionamo we dosa, kurai paha Remumo Rawawei Kuyei. ³⁰ Tia, waramu hawaru diowatan dionamo we sasarpa kurihani kuyei imbaromi we hanaipa ro nung mona pai ehi riorowa, imbaromi nung mona wawa rawawei hang Tingkiei Wu Arutan wani wa. ³¹ Timpayato, Matei kirarapi hawanipa, dion andiaun we pai kamana pehi we hawani. ³² Wape yau Iwe Rohana We Mintoru Matei matei kirarapi hawani tia matei wiwut kon wawin pehi riuna wewawu warihu hawani itato dion Ririawitta. ANINDERA HO PAPORA ³³ Naria Muna, Mintoru minantaraho, wetimpaya we tanta pumi petioru to hang minta papora akarawa, wape wona mahiha ro aropon. ³⁴ Wape Ipayaya Weau; hang minta papora, topana woyai raron dyehei wo woyai yehei mohihoi Allah peina. ³⁵ Ete topana nu wawani wouldain oha ropena, ete topano Yerusalem bendar raja wawa niena ³⁶ Hang mintampapora tuti Tanduhina Ne Wa, wo Tatoru Taron Tanun nandaun ne korisi, wiuha, ete Mietan Wa. ³⁷ Wape raumpui wau ya. puyai ya piewa puyai piewa. wo we harea warihu rawau rape Piwe Barui Wani iblis. ANIN DERA HO ³⁸ Mintoru minantaraho pitahan timpaya,' remo riwan remo dieng riwang dien. ³⁹ Wape ipayay we mintoru hang minamatitui taweri weiwa, metei riepahau ro tarandei hawa diowatan won hawarun pehe muna. ⁴⁰ Tia, matei dipe diewara kio nemu hasun wau, wona tuti nemu juba wau we i. ⁴¹ Tia, matei diaririei au muntara mil pehipa, tuara kontei milpe koiru ⁴² wonawe hinontarai we ewara wurau, tia hang tuawan pira hinontarai loe hanewe we wara me de we taweria wurau. HANENSO WEPARAHE WE AU WANI ⁴³ Mintoru minantaraho we piyaya, hanenso kawasa, tiar kurara pihapano we hanaiwa. ⁴⁴ Wape ipaya weau, hanenso we munkaru parirei loani musuh kuruna we hinontarai-hinontarai wemun tati mintoru ⁴⁵ Toparawau waromi minambe dyadi romawa wei rorora yei raro woi dion wo ripira we hinontarai wemahi tiar wemahiwa ⁴⁶ mintah saneho we haneho mintoru wanekei tahan mintah roitei ne? werirui pajak wani tato dion pi wemahi wa? ⁴⁷ Tia, mintaron salam we nemu yawararokei pi wona tariai hehara? rawau hinontarai wewe kanal Allah tioru tato terointo niahina? ⁴⁸ Impana, mintoru, minadoro wemahi, mahiha pano Allah weroro raron dyei mihi toyei.