¹ Rohayampi, Yesus miriraya ro gandunwani ro hasabat, murid-murid pa. Timbariwan, impateri timpo kakutu bulir-bulir Gandum, pate tirani. ² b Impamora, inpateri hinontarai Farisi tindeho tintato wey, "rena nemu mmurid-murid tyoru tirong piwehanewa ro hasabat. ³ Inpana Yesus titowe tyoru, "minarendoho pi Daud dyonawani wa ikonwe ontei wau timbariwan, ⁴ Topeno hyuaro Allah nye nyawawanine dyon roti kakes wetisane mahi we tyoru wa impan dyani, hinontarai weontiwau tyoru timahi key raho imam> ⁵ Impan minanbebaca ro Hukum Taurat, roha Sabati pei, imam tindohi Bait Allah tindawain kutu ha Sabat, mahi etepiewe. ⁶ Impana, ipayaho Au wewawa heha Bit Allah ryodi rane. ⁷ Impana, mantaun minandehoto pirano ipayanto tasanehoi pirawau pihahuranawa, mintoru han minan be hukum wemahiwa wane tyoruwa. ⁸ Hinontarai tine romawa rane Tuhan ryoha Sabat wawo". Yesus Diona Timpanan Ro Hasabat Pei ⁹ Impana riaperawanema, Yesus nyope sinagoge. ¹⁰ Ryuena romawa mawan wani wemampyar ro wara hawaru. impatetirautan be Yesus I, tironto, "Ine kahira panan ne dyona ro hasabat"? imbaromi tintawara we Yesus!. ¹¹ Impate titowe tyoru, "ro mintorune teidyane Domba pehine, Domba rawawei hyuto kamiriei raron baua ro Hasabat, hanriwaharei wato? ¹² Tando waroi tambawa heha Domba warani! piyai dyonto tomburu nanuhara Rohasabat". ¹³ Impateri, Yesus titowe hinontarai wawei, "ruwaha waramu wau, "Hinontarai wau riwaha waranpei pinanwahai nuwe hinon wara wero hora. ¹⁴ Impateri, Hinontarai Farisi wau tinda tinda warihu rawau tinkahiou tinarurawei, topeno tamuni e. Yesus Rieho Hamba We Allah ¹⁵ Inpate, Yesus nuho yampa tinda warihu rawane timpau tirontei dyiona timpan kuira. ¹⁶ Impateri piyai kepanan we tyoru Imbaromi han timpayeiwa. ¹⁷ Hani minandeho key imbaromi mahi pitang dipe Nabi Yesaya piyayaine: ¹⁸ "Rwensokei, hamba weyiriawau, Hamba rawawei di i hanenopa hanewiani I yon roh mi wurei ¹⁹ I han piyai piyanehewa, kong myaranawa, han hinontarai pehi taraho raupui ro rayan-rayan, ²⁰ Mamurang wetakahi han tikutuwa, sombu wedei mayoto mena han karyawa kedym diria ke kay. ²¹ Ro hanomupai bangsa-bangsa tisane tyarau" Yesaya 42:1-4 Yesus Nyepayawani Ria Pe Allah ²² Inpateri hinontarai pehi, diot roh webarui, werw kaba kon wetatowa tirinti mawe Yesus I pateri Yesus dion panan we tyoru inpari we rekabe kon wetatowa, rawau huntato hundeho wahai. ²³ Impana hinontarai tantenan tisanetatar pyai dyonto, " hinontarai rani ande Daud antung dine"? ²⁴ Toyampa wape hinontarai Farisi tintara hoi, timpai tironto, "hinontarai rani han dia dyawa roh-roh webaruinewa impan piewa kon Beelzebul, weryuro roh-roh webarui. ²⁵ Yesus nuhotyorotu wape piyaiwe tyoru "inpana kerajaan we bara-baraya dyaruna wemantaun ni, mena han nyoro wa. ²⁶ Inpana, Iblis dyediua waweryei barabaraya dyarura we mantaun ni, tarawau mora tapeno Jerajaan ryono? ²⁷ Yadyawa pihara wowi wero Beelzebui, antumu matei di dyadiawa tyoru ne? ²⁸ Inpateri Roh-roh Allah wani yantadyawa roh webarui wani. ²⁹ Topeno hinontaipehi dey hyura hinontarai wepayapei yawa yempei kyopitabui kuirakey inpateri kimin hinontarai we mambri wani pampan, impateri kyo papus wau kuira. ³⁰ Teipikei weroro kan yauwane. Dyarura weyau teipikei weramawe yauwa tane tatoruwa. ³¹ Toyampa titowetyoru dyanto sasar tau kon tantako kakiheine. dyonpibokirai, tuto kakihei hanai wani anponpe han au wa. ³² Teipi, keitito pikatehe minantaraho romawa ken hinontarai wani hanai piboky rahi, teitito kararihi we Roh Kudus han dyon hanaipewa, roharani ke hatau we wo mawane". Airawani Tandeweroanapai Bwong Wani ³³ Inpana airawani hinai, bwon wanitato hanai, eteairawani hanaiwa bwon wani tato hanai wa, airawani tonde weroanapa bwon wani. ³⁴ Awina, tawai kon beludak, topeno wo minanbaruine wo minanbaruine minanpai piwehanai ne! nunsoro hanemuairaron, hwampaian bau wantatoan , ³⁵ Hinontarai wehanai dyonpi wehanai ro nyepiwetau we kanai. Inpana hinontarai webarui dyon pitabui we barui ro nye pitau kuirakei we barui. ³⁶ Inpana, itatowe Au tato timpaya rani wetarai ro ehewa, minaraman handei Yesus diri totoru wani. ³⁷ Impana ro tato puyayawau, ipaduru rahi, rotato puyaya wau muna ihon minturu piyewa mora iwehukum. Hinontarai Farisi kon Sukan Wero Taurat Tirewa Kanang ³⁸ Inpana sukan wero Taurat kon Farisi tintatowe Yesus, "Guru dyei nande dyan piwona". ³⁹ Inpateri Yesus tito wetyoru rane mintoru minanbarui minanpayiyai rane kamanpei diwane, han kanan pehe yani wetyou wata. kamanpai di nabi yunusi. ⁴⁰ Ro hayampa Yunus riope dianwawa hanewaipe hape toru rowipe toru Yesus itato riope kakopa raronbau. hape joru rowipe toru. ⁴¹ Hinontarai Niniwe tiroha kon hinontarai rano ro penghakiman timbehum ini imbaromi minor inpateri taraho aniauro Yunus i ryodirane. ⁴² Ratu riape haru wangwan sahi tiwara kon roma muna rane tyoru rohapenghakiman inpana dei tinbe hukum ei riape nune retepu wahai wani deitaraho wehanaino Salomo, inpateri, minandea wewawa heha Salomo ryodi rane Barui Mena Kakawi ⁴³ Inpateri roh webarui wau hirea warihu hinontarai wani ria kutua ro hora wehanaya kira wehora dyandia karera, menanupewa. ⁴⁴ Itaweri, to yawa. nenima rahi, 'hora I harea ro pena,' Impateri, dyarut yawapei kikawi, tirirateta wei to tirona ke hanai. ⁴⁵ Impateri roh webarui wau hirea dinty hunda kuira roh peitu barui hehara. Narya muna tisua tindape rewani, hinontarai, rawawei hinai kate wawahai pamponpe hanai katu". Yesus Yawararo Tantaung ⁴⁶ Yesus titorahi titowe hinontarai timpau, "ruena, hinamui kon rarwomen tiroha di wondiri, dei tintato kontei. ⁴⁷ Ehi titowei, "Ruena, hinamun kon rarwomani tirowa di wondiri, dei tintato Weau". ⁴⁸ Inpateri, Yesus tito wehinontarai werama wetato weiwau dyonto, "Ayami kon ne rarwopai tireno?'' ⁴⁹ Inpateri Yesus riwaha warang wu nye murid-murid tyoru pateri tito "Rane ayami ne dina kon nerarwope tirerane! ⁵⁰ Piyai dyonto teipikei weong nanuha aniau nemora idepene rarwo mawan, kon neraruo wawin kon ayami nedina".