Pive Tiraryuta Ro Yesus Tivaha Ro Karirya 1 Ravau, sabat kai, ra kikyeu wo tipira, ro ha retenang ari ravavei, Maria Magdalena tyar Maria pehi vera hunda de hunde ho papor wane. 2 Tyar, myandea, mundi vava pehi tutir varakat ne malaikat pehi via ro rora ve mamara wani ma, rima kirui ver kami pai, impate dyauta ra mihoi ro vavon vavei. 3 Ren vau parari vyeria tyar hasun nembau vuha parari kapiyou. 4 Tisane matai tei ye i pa, timahoi pyan va ma tim parari hinontarai ve karya. 5 Tyar, malaikat ravavei titovei vavin vau tioru,''Mia matai va, vo ire ho to myan karawe Yesusi ve timpaku ro aitavaya pei. 6 I ryoro nine va i tivaha ro karirya peto parari veve piyaya pe myandama, myandea rabuyan vyata ro wani. 7 Myanda haira ra, tya myampayai veroane ve ne romawa anyau wane tioru vo i tivaha ro ve karya ti nuraro pe to, tya myandea, pimpon mintoru to Galilea. Rawane inte myandehoi.myasane kakepana i paya ve mintoru to.'' 8 Impa, timari raru timbavu papor wani me timatai ma marisin ve vara, tirapai a timpayai veroana ve romawa anyau vau tioru. 9 Myandea, Yesusi tito ve tyoru,''mya matai va, 10 myanda tyar myampayai veroana ve neneta wane tyoru tindato Galilea, tya ro rawane, mora inte tindeho yau.'' Timbai Ve Veretarai Papor Vau Tyoru Varo Tirakakar 11 Vavin vau tindame, ve retarai papor vau yanehe tindato bendar wana tyar timpayai veroana mananu awana mamara vau tioru, pitau veve tindeho ravau. 12 Tyar, tindama tinkikuir kont aisinan vau tioru .Tinkarai ka kaivahai impate tiron doi pehe pau, ve tarai papor vau tioru. 13 inte tironto,''Myaronto, Yesusi ne romawa anyau pe tindama timananai ro rovi ro antarena vau.'' 14 Pirane ra warnus wane taraho, inte anantato tuvara vei raro myararyut hasyeunt pe va. 15 Impate tiron doi vau ho tioru me tironaparari tiranyau tyoru ho vau, tyar tato ravau ra teter hinontarai Yahudi vau tioru rahi rao hani. Yesusi Dion Awiwana Taryai 16 Impate, ne romawa aniyau haura hehar rosiri vau tioru tindato Galilea, to tavui atyoti veve Yesusi dyanyawa ve tyoru vavei. 17 Tinda tindehoi ravau, tinda tisom tintuan ve I. Mena havarun vau tioru ehe tisane kikoiru. 18 Impate Yesusi rima, tyar tito ve tyoru,''paya vetaryai vau tioru ehe tisane kikoiru. 19 imberi myanda myaron vero hupai kuira timbe romawa anyau ve yau, miansoif tioru ro yai, ma antu, ma ryu aninu ve mamara tisanomi pa, 20 myaraniau tyoru varomi tirawa parari pitau I yanindera ve mintoru pe, imbe, myandea, iroro kon mintoru pam pam, keao nuni ryainta ro wane.''