¹ Interi Yesusi wia warihu Tanru pai, Hinontarai pahioru hisoriwarie konta. Interi ne woming pai Hioru. ² Interi remuho hinontarai we hiuhi pauta pai Ria wu jauma kong mihoi ro Aroupon, "Interi tito" we ne woming baba pai, tei auwo muamo, Au wariuta we panan pa. ³ Interi Yesusi pih waremapaiya, konta waran wawurei, "interi tito wei" yau wo tei ipanan. Ha yampaito, pinang to hinontarai we hiuhi paputa pai. ⁴ Interi Yesusi tito wei, " wonanuharei, interi auwo tutoweiwa pieha wu hinontarai pai, menatuweria Hanemutatuata nentarai nemupai we manamu babapai. Seorang Pelayan Perwira Romawi Disembuhkan ⁵ Interi Yesusi Hiua wu Kapernaum, Hinontarai pimamuna ria wureima, sewera kontei, ⁶ Kong tito mananu mamarang, anti wiata manune wo piaya paena, iwo sairuai. ⁷ Interi Yesusi tito weiya "Yauwo Ingkai irama mantu yonei pinang to." ⁸ Aenamena pimamura ya rioaho interi tito wei, awene yau wo Imahiwe auwo Hua towoung to Nandang warawara, imbaromi puya tato kosiri we manu mamarang nei mo pinangto. ⁹ Impaena jau tato mo hinontarai wewe roro Himbarawawa, konta pimamuna ro woung ingkai yau itato wei wewe kosirinei, riua iwo ria, eha hioru tata. Ria hairama kon jau tato ira mantu tetui Newoming pai sing rane mo sona pararia. ¹⁰ Hapehi Yesusi taraho pirane, iwo tiriai konta tito we hinontarai we hinda kong teipa hione. Yau itato wewe mahipa wea mantu, yau imbami jariuta wepa webaba nine ro hinontarai. ¹¹ Yau itato we mintoru wo ingkai we pau wane rama raro hope murang konta hope wanamba wanei, Interi himahoi hirampi konta Abrahami, Ishaki, konta Yakubpi rorong mananu sorga. ¹² Mena romawa mananune ingkai hingko hioruto rarong we maman mena we maman hera. ra rawane wewe marawa konta hanaiwa. ¹³ Interi Yesusi tito wewe pimamunapa hioru minambauka, aenamo tara wu hioru a parari wewe hisane hopa, Roh yampai to pinang warihu huhipa. Ibu Mertua Petrus dan Orang Banyak Disembuhkan ¹⁴ Hawe Yesusi ria wu simoni to manu nempai iwo reho Petrus Neoni wawampai hiuhi me wiata sarirorei. ¹⁵ Interi Yesusi Riuro wawinpai warampa yampa sariroreipa wawurei. Interi iwo Tiwaha konta saparandeni Yesusi. ¹⁶ Hane tei rowito, hioru hingko hinontarai we himpauma wewe hisuhi rohki wemara wapai rope tato kosiri interi sona hinangtarai wewe hisuhipa hioru himpanang. ¹⁷ Imbaromi mahi parariape tato weraro mananu Yesayai piwe piyapa. "Iwo anti kio tipapiriwa paena anti rewari huhinepa" ro weraung mamarang Yesayai. 53:4 Parari Womin Yesusi ¹⁸ Interi Yesusi reho Hinontarai we himpau pa hioru iwo song ai tuti tei anambo kutua paena. ¹⁹ Interi Hinontarai mananu weraung mamarang pehi rima, tito we Yesusi saingto "Yesusiwo yei ira konta au tei rua topeno, mora ira kontau. ²⁰ Konta Yesusi titone saingto,"Andowa pa hioru wo Hinekaraini, me hinontarai ne tatoru wo tane nupe hawa we tandu kami newitia ropewa. ²¹ Woming mamarang pehi tito we Yesusi mesaingto "Yesusi won Yau Ira pampong imbaromi ihirai ijai wo. ²² Mena interi Yesusi tito me saingto "Ria kong Yau" warangkarei imbaromi we hingkiari hingkiaria mora hisirai waweri hioru mehari. Yesusi Piyai ho Tarowa ²³ Tope yampa Yesusi sauto to wapai, Newoming pahioru Yesusi ²⁴ Interi remua, rawanewo Tarowababa pena, rorurunei impaena wanei sawira rahi, wo tarowane baba paena interi Yesusi sena munam paena. ²⁵ Konta ne woming pa hioru hindawu Yesusi ma himbauni Yesusi hiraingto mananu pa aweni Tuwaha wo. Imbaromi tambihiyen tei wereriamo taserewa. ²⁶ Interi iwo titowe hioru, pinahae sonamo menamataipa, mintoru wo pinahae sonamo minasanewai rarompa payawae, interi Yesusi tiwaha soha Meriu waha warampa yampaeno wanag pai tikutupa merurupai ria miriori sawoya. ²⁷ Me hinontarai yampa hioru wo hirampapiori konta hintato me hiraingto hinontarai panahanti soranei tiwa soha riuwaha warampa yampaeno wanampai tikutu rurupai miriori sawoya, piwe piyapa. Hinontarai Koiru Gadara Humbe Piwiowi ²⁸ Yesusi hirampaiya himtaba roruru sohi warui ro hinontarai gadara koiruwe humbe rahora piwiwiowi, Yesusi sariuta huru humati ro Aisatapa Marau huramioming tutu hinong tarai pehi riakuti rayang hunewe hunda ropa. ²⁹ Kong interi reamo huranana me, "Huraingto pinahae teiwona we urune," Roma Allahi ? Rane mo tei ruma mung uru penae, Ranewo hapena wami me ? ³⁰ Interi Woroi waruhu hioru konta ehasirena pihai we himbaba. hinda hiserai roweang we hirang. ³¹ piami pa hioru hirewara konta tito we Yesusi. "Tei auwo wasawa antoru, hamihia antoru antada weria torarong wu warung pihainei Apui. ³² Interi Yesusi tito we hioru, "Minanda waruhua" Hioru hinda husua wu pihaipa hioru apui. Interi pihai patau yampa hioru hingkai kopari ro tarareinei wu ruru waweiya impaena Hingkaria ro mare wawei rarong. ³³ hinontarai we saung pihaipa hioru mantau miehari wiwu warihu pihaipa hiorua hiua ro bendari pehi interi sarari pitau wewe rehopa wu hinontarai we rohki wemarawewewi hiuro hinetai apui wau hioru. ³⁴ Interi remua hingkai robendari towondi sei hingtato konta Yesusi. Interi Yesusi reho hioru wewe sei hurewara himbawu waruhu mantau nu hinenei.