¹ ز یهودا، خادُمِ عیسی مسیح وُ گِوِ یعقوب، و اونو که دعوت آویدیدِن که درخدای پدر، عزیزِن، وُ سی عیسی مسیح حفظ واویدن: ² رحمت و سلومتی وُ مَحبت، و زیاتی سی ایسا بوُوِه. ³ ای عزیزون، اَیر چه شَوق زیاد داشتُم تا در مَورد نجاتی که مِنِ هو سهیم هِدیم سیتُون بنویسُم، اما لازُم دیدُم وا نوِشتِن ای چن خط، ایسانه به اَدامه جنگ در رَهِ ایموُنی بلندتون کُنُم که یَه دفه سی همیشه وِ مقدسین سپرده واویده. ⁴ سی یو که بعضی آدُمگل که محکومیتسون ز قدیم رقم خَرده، پنهونی بینتون نفوذ کِردن. یونون خدا مشناسونی هِدِن که حقیقت خدای ایمانه به جای هرزگی عوض اِکُنن وُ عیسی مسیح، یگانه سرور و خداوند ایمانه حاشا اِکُنن. ⁵ وا یوکه ایسا یَه کِرَت ز ایهمه آگاهی پیدا کِردین، اِخوم واویرتون بیارُم که خداوند قوم خوسه ز سرزمین مصر نجات دا. ولی یَه وقت دِیَه اونونِ که ایمون نداشتن هلاک کِرد. ⁶ اُ فرشتیَلی هم که مقام بالای خوسونه حفظ نکردن، بلاکوم منزلگه مناسوِه خوسونه ترک کردن، و زنجیرهای ابدی کشیدسون وُ سی محاکمه مِنِ اُ روز بزرگ، مِنِ تاریکی غلیظ نگهداری واویدن. ⁷ هِمیطور هم، سُدوم و عَموره و شهرهای دوروبر، که جورِاونون بی عفتی کِردِن وُ به دیندا شهوات غیرعادی رَهدِن، وا تحمل کِردن تَش ابدی، سی سون درس عبرت واوید. ⁸ وا ایهَمه، جورِ، ای آدُمگل وُر پایه خَوایی که اِبینِن، بدنا خُسونَه نجس اِکنن وُ اقتدار خداوندَ رد اِکُنن وُ به بزرگونِ آسمونی توهین اِکُنن. ⁹ v 9 v 9 حالاکه حتی میکائیل، فرشته بزرگ، همسوکه وا ابلیس در مَوردِ جسد موسی جروبحث اِکِرد، خُس جرأت نکِرد اونَ سی توهینی که کِرد محکوم کنه، بلاکوم فِقط گو:«خداوند، تونِ توبیخ کنه!» ¹⁰ ولی یونون به هموچی که زِس آشنایی ندارِن توهین اِکنن، حالا همچیکه جورِحیوانات زِ ری غریزه اِفهمِن، همو باعث هلاکتسون وابید. ¹¹ وای وُر هونون، به چونکه به ره قائن رهدِن وُ بدینه نفع، وِ گمراهی بلعام گرفتار آوی وُ مِنِ سرکشی قورح هلاک واویدن. ¹² یونون صخره های دریایی خطرناک مِنِ مهمونی های محبت وار ایسانن که بدونِ کمترین ترس مِنِ جشن ایسا عیش و نوش ایکنن؛ شبونهایی هدِن که فقظ خوسونه اِیپرورن؛ اَورونه بی بارونه رانده ز باد، وُ درختونه پاییزی بی میوه ان که دو دفه مُردن وُ ز ریشه دِراَوُدِن. ¹³ بله، یونون جوره موجهای طوفونیه دریان که کارای ننگینسونه جورِکف دریا بر می آورن، وُ آستاره یه لی سرگردونن که تاریکی غلیظ ابدی سیسو مقرر واوید. ¹⁴ خنوخ، که هفتمین نفر بعدِ آدُم بی، در مورد هِمی چِیا پیشگویی کِرده، اِگو: «آها، خداوند وا هزارون هزار فرشته مقدس خوس اِیاهه. ¹⁵ تا وُر همه داوری کنه وُ بی دینانه سی دله همه کارای خلاف دینداری که مِنِ بی دینی وُ به سزای تمومِ حرفای زشتی که گنهکارونِ بی دین وُر ضد هو گودِن، محکوم کنه.» ¹⁶ یونون گله مند وُعیب جو وُ غرقه مِنِ ارضای شهوات خُسونن؛ حرفا تکبرآمیز وُر زبون اِیارِن وُ به نفع خُس مردمونِ چاپلوسی اِکُنِن. ¹⁷ اما ایسا ای عزیزون، پیشگویی رسولان خداوند ایما عیسی مسیحنِه به یاد داشته بووین. ¹⁸ که بهتون گودِن: مِنِ زمونه های اخیر، مسخره کننده هایی ایاهن که جوره شهوات خوس که خلاف دینداریه، رفتار اِکُنِن. ¹⁹ هِمونونِن که میونتون جدایی اِوَنِن و نفسانی وبدونِ روحِن. ²⁰ ولی ایسا ای عزیزون، خوتونِ ری ایمونِ خیلی مقدس بنا کنین وُ مِنِ روح القدس دعا کنین ²¹ وُ خوتونِ مِنِ محبت خدا نگهدارین، مِنِ هِمی حالو که مندیر رحمت خداوند ایما عیسی مسیح هِدین تا ایسانِ وِ حیات ابدی رهنمون کنه. ²² نسبت وِ بعضیا که سستِن، مهربون بوُوین. ²³ بعضیانِه هم ز تش بیرون بیارین، نجات بدین؛ وُ سی بعضیا هم وا ترس، رحمت نشون بدین. وا هِمو حال، حتی ز جومه یل آلوده وِ شهوات نفسانی هم بدتون بیا. ²⁴ وُر هو که اِتره ایسانه زلغزش حفظ بکنه وُ مِنِ حضور پرجلال خوس بی عَیو وُ پر ز شادی زیاد حاضر بکنه، ²⁵ وُر اُ خدای یکتا وُ نجات دهندۀ ایما، سی خاطر عیسی مسیح، خداوند ایما، ز ازل، حال، تا ابد، جلال وشکوه و توانایی و قدرت باد! آمین.