¹ N'na phiri nloko na Esau, nihaniyaka Edom. ² Ala phaathiyana Esau ya thelalyaawe wa assaana oo Cana: Ada, mwaana aa Elom, ooheteu; Aolibama, mwaana aa Ana, oneethi wa Zibeao, n'heveu; ³ ni Basemate, mwaana aa Ismael, nrokorawe Nebaiote. ⁴ Wa Esau, Ada ahomphuanya Elifaz, ni Basemate ahomphuanya Reuel. ⁵ Aolibama ahomphuanya Jeus, Jalao ni Cora. Ala assaana aa Esau yaayaralyaawe elapo yo Cana. ⁶ Esau ahaakussa assaarawe, assanaawe, ni athu otene yaakhala owan'nyawe ni enamatjawe tjoteene, tjaphuanyalyaawe elapo yo Cana, ahorwa elapo yoottayi wa Jaco n'himaawe. ⁷ Yena hopanka yeela okhala wiita tjarinaawe tjaari tjintji wo wiira akhale nkhayi. Elapo yathamenlyaaya khayalamuliya olihera nlattu wonama tjaarinaaya. ⁸ Phimaana Esau, atjuwelehessiya Edom, hothamela nttethe tjo wintjiva myaako tjo Seir. ⁹ N'na phinloko na Esau, athu okhalayi oedonita, athu yaakhala nttethe tjo myiaako tjo Seir. ¹⁰ Ala phasaana aa Esau: Elifaz, mwaana aa Ada, amwaarawe Esau; Reuel, mwaana aa Basemate, amwaarawe Esau. ¹¹ Assaana Elifaz phaala: Tema, Omar, Zefo, Gata ni Quenaz. ¹² Timna aari mweettiaawe Elifaz, mwaana aa Esau, hon'yara mwaana Amaleque. Alaa phootjuulu wa Ada, amwaarawe Esau. ¹³ Ala phaasaana aa Reuel: Naate, Zera, Sama ni Miza. Ala phaari assaana aa Basemate, mwaara aa Esau. ¹⁴ Ala phaassaana aa Aolibama, amwaara aa Esau, mwaana aa Ana, mwaana aa Zibeao. Yena ahon'yarana Esau Jeus, Jalao ni Cora. ¹⁵ Ala phaari ahooleli wa nloko na Esau: nloko na Elifaz, opatjeriya aa Esau, ahooleli Tema, Omar, Zefo, Quenaz, ¹⁶ Cora, Gata ni Amaleque. Ahooleli an'yarale Elifaz elapo yo Edom; ala otjuulu wa Ada. ¹⁷ Ala phaari ahooleli aa Reuel, mwaana aa Esau: Naate, Zera, Sama ni Miza. Phaari ahooleli yaakhumale wa Reuel elapo yo Edom. Yaari otjulu wa Basemate, amwaara Esau. ¹⁸ PHaahooleli aa Aolibama, amwaara Esau: Jeus, Jalao ni Cora. Ahooleli yaakhumale wa Aolibama, amwaara Esau, muaana aa Ana. ¹⁹ N'na nloko na Esau, nari Edom, ni ahoolelyaawe. ²⁰ Ala phaari assaana aa Seir, n'hereu, mayantjoko wa yeele elapo yeele: Lota, Sobal, Zibeao, Anas, ²¹ Disom, Eser e Disa. Ala phaahooleli omahereu, mayantjoko oo Seir elapo yo Edom. ²² Assaana aa Lota yaari: Hori ni Hema, ni Timna yaari arokorawe Lota. ²³ Ala phaari assaana aa Sobal: Alva, Manaate, Ebal, Sefo ni Ona. ²⁴ Ala phaari assaana aa Zibeao: Aias ni Anas; ola phi Anas anaphwanyale ehime tjomaatji ooviha muuthakoni, akussaka orwa olihera enama mwapuuru aa Zibeao, athumwanawe. ²⁵ Phaari assaana aa Ana: Disom ni Aolibama, mwaana aa Ana. ²⁶ Ni yaala phaari assaana aa Disom: Henda, Esba, Itra ni Quera. ²⁷ Phaari assaana aa Eser: Bila, Zaava ni Aca. ²⁸ Phaari assaana aa Disa: Uz ni Ara. ²⁹ Ala phaari ahooleli omahereu: n'hooleli Lota, n'hooleli Sobal, n'hooleli Zibeao, n'hooleli Anas, ³⁰ n'hooleli Disom, n'hooleli Eser, n'hooleli Disa; ala phaari ahooleli omahereu, wo nayeeli n'ttaava naahooleli elapo yo Seir. ³¹ Ala phaari mamwene ya holenle elapo yo Edom hinaaya okhumenla nthu ohoolela wIsraei: ³² Bela, mwaana Beor, hohoolela wEdom; ni ntina nocitatiaawe naari Dinaba. ³³ Okathi Bela wakhualyaawe, Jobabe, mwaana aa Zera, honttiya niuronawe n'no. ³⁴ Okathi Jobabe wakhualyaawe, Husa, olapo otemanita, honttiya nipuro nawe. ³⁵ Okathi Husa wakhualyaawe, vano Hadade, mwaana aa Bedade, akhuitinri mamidianita etakhua tjo Moabe, honttiya nipuro nawe. Ntjina no citati nawe niireliya Avite. ³⁶ Okathi Hadade wakhualyaawe, Samela oMasreca honttiya nipuro nawe. ³⁷ Samela hokhua, vano Saul oo Reobote, n'nenke ni wa muro, honttiya nipuronawe. ³⁸ Okathi Saul wakhualyaawe, Baal-Hana, mwaana aa Acbor, honttiya nipuronawe. ³⁹ Okathi Baal-Hana wakhualyaawe, Hadar honttiya nipuro nawe. Ntjina no citati naari Pau; ni amwaarawe yaari Meetabel, mwaana aa Matrede, oneethi wa Mezaabe. ⁴⁰ Ala phaari ahooleli onikhotto naa Esau, wo nayeele maloko awe ni mittethe, matjinanaya: Timna, Alva, Jetete, ⁴¹ Aolibama, Ela, Pinom, ⁴² Quenaz, Tema, Mibzar, ⁴³ Magdiel ni Irao. Ala phaari ahooleli omaloko oEdom, wo nayeeli tjakhalakhalaaya, elapo yakussalyaaya. Ola phaari Esau, papaaya oedomita.