13 Tumiyabid s'kaniyan ko palaw na tiyawag iyan so khabayaan iyan tumawag na sumiyong siran r'kaniyan. 14 Biyaloy niyan so sapulo ago duwa (tiyawag iyan a manga sahabah) ka on iyan siran map'd ago khapakay niyan siran a suguon a phamamando, 15 ago an siran katagoe sa kabarakat a mapakaawa iran so mga saytan. 16 Biyaloy niyan so sapulo ago duwa a manga sahabah: Si Simon na bithuwan iyan sa Pedro, 17 si Santiago a wata e Zebedeo, si Juan a pagari e Santiago, a pingaranan iyan sa Boanerges aya maana niyan na dal'nd'g, 18 ago saki Andres, Felipe, Bartolomeo, Mateo, Tomas, Santiago a wata e Alfeo, Tadeo, Simon a barabangsa, 19 ago si Judas Iskaryote, a kharawan iyan. 20 22 So kiyapasad iyan na miyaling skaniyan na mithimo timo so madak'l a taw, na di siran phakakan sa paan. 21 Siiko kiyan'ga o pamilya niyan ko balita, minggagaan siran lumiyo ka it'g'l iran a kakhuwaa iranon, kagiya pitharo iran, "Bithang d'n s'kaniyan.