¹ .Omukanisa eyabere eri Antiokia akaba arimu baanabi nabegesa , Barunaba na Simeoni akwetwa Niga na Lukia owa Kureene na Manaeni owarembirwe amwe muwisaza Heroode na Saulo. ² kubabere nibawereza Mukama nibesibyakwo Omwoyo Akwere yagira ati: muntoranire Barunaba na Saulo, bakore omurumo ogu mbetiire. ³ Kubamazire kwesibyakwo mokusaba babatowo engaro babatuma. Ebya Eluma Omurogi Owa Kupuro ⁴ Kubatumirwe Omwoyo Akwera bagonoka Selukia, okwe barugayo omu meeli bayambuka Kupuro. ⁵ kubabere bari Salami babuurira ekigambo kya Ruhanga omuri Sinagogi z'Abayudaya kandi bakaba bine na Yohaana nk'omuwereza. ⁶ Kubamazire kuraba omuri ecyokirwa cyona bayika Paafo, okwo basangayo omuseeza omurogi, nabi w'ebisuba, omuyudaaya arikwetwa Bayesu, ⁷ Kandi akaba atwire n'oweisaza omutegeki orikwetwa Serugio Paulo omuseeza wo munya bwenge ogwo yayeta Barunaba na Saulo nayenda kuwura ekigambo cya Ruhanga. ⁸ Konka Eluma omurogi (akaba nigomakura gizinarye) yabawakanisa ngu owe kuwabisa oweisaza ataikiriza ⁹ Konka Saulo niwe Paulo ayizwire Omwoyo Akwera yamutumawo ameeso. ¹⁰ Nagira ati, iwe oyizwire oburyarya bwona no bubi bwona, Iwe omwana wa sitani we omuzugu w'okuhikirira kwoka torireka kukukamya emiwanda ya Mukama egorokire. ¹¹ Mbwenu ati omukono gwa Mukama nigukuhana noyiza kuhuma, nomara omwanya otarikureba musana. bwangubwangu aruwo n'omwirimo byamusweka yabundabunda naserura ow'okumwebembera amukwecye omukona ¹² Okuruga owo owisaza kayareebere ebyakorwa, yayiciriza abw'okuba akatangaara okwegesa kwa Mukama Eby'abere Antiokia Ey'omuri Pisidia ¹³ Bwayuma Paulo nabagenzi bewe baruga paafo omu meeri Bayambuka, bayika Peruga ey'omuri Pamfuria. Yohaana yaabacigayo yagaruka Yerusaalemu. ¹⁴ Konka bo kubayinwire nibaruga Peruga bayika Antiokia ey'omuri Pisidia bataaya omuri sinagogi izooba rya sabato bacitama. ¹⁵ Bwayima y'okusoma ebiragiro n'ebya baanabi, abakuru ba Sinagoogi baabeta, babagira bati; B'ise-mwe kumurabe mwine ekigambo cy'okugumya abantu mucigambe. ¹⁶ Paulo nikw'okwimuka akimucya omukono naagira ati, Imwe baseeza ba Israeli mwena nemwe abakutiina Ruhanga muwurire. ¹⁷ Ruhanga ow'eiyanga eri rya Israeli akatorana bateenkuru itwe, yakuza abantu abo abubabeere batwere omu nsi ya Misri, bwanyima yaabiyayo no mukono gw'amaani. ¹⁸ Yaamara emyaka nka makumi ana abagumisiriize omwiyamba. ¹⁹ Kuyamazire kuwerekereza amahanga musanzu omu nsi ya kanaani, yabawa ensi yabo kuba obusika. ²⁰ bamaraya emmyaka ka magana ana makumi ataano, bw'anyima y'ebyo yaabawa abaramuzi okwica ari nabi Samueli. ²¹ Bwanyima baasaba omugabe; Ruhanga yaabawa Saulo mutabani wa Kiishi, ow'omu ruganda rwa Banjamiini, yaabategekera emyaka makumi ana. ²² Ogwo kuyamwirewo, yaatawo Daudi yaba omugabe wabo, owu yagambiire naagira ati, Mbwenu Daudi mutabani wa Yese, omuntu ari nk'omutima gwange oku gurikwenda: arikora byona ebi ²³ Omuruzaaro rw'omuseeza ogwo nimwo Ruhanga yaayirire Israeli omuzuni Yesu nk'onku yaabagambire. ²⁴ Yesu ogwo atakezire, Yohaana akagambira Abaisraeli boona okubatizibwa okw'okwetesa. ²⁵ Kandi Yohaana kuyabeere naamarira orugendo rwewe yaagira ati: Nimugira ngu mba owa? Nyowe tindiwe konka ariyo orikwiza enyuma yange, owu ntasemerire kufunza enketo ze. ²⁶ B'ise-mwe abaana b'oruganda rwa Abrahamu nabari omurimwe abarikutiina Ruhanga ecigambo cy'okuzumwa oku nitwe cyatumirwewo. ²⁷ Mumanye ngu abaabere batwire Yerusaalemu naabategeki babe abw'okutamanya, n'obu kwakuba okusoborokerwa ebyagambirwe baanabi, ebirikusomwa buri sabato, baakabikiriza, obu bamusingisa omusango. ²⁸ Kandi n'obu baarabe baabuzire omusango gw'okumwicya, baakasaba Pilaato ngu aitwe. ²⁹ Kubamazire kwikiriza byona ebyamuyandikirwewo bamwanura amuti bamuzika omwukituro. ³⁰ k'onka Ruhanga yaamuyimbuura omu bafu. ³¹ Yaamara ebiro bingi nibamureeba abo abarugire nawe Galilaaya nibaza Yerusaalemu, nibobaakarebi abarikumuhamya ati, omu bantu. ³² Netwe tubaretiire ebigambo birungi eby'endagano eyi Ruhanga yaraganise batenkuru itwe. ³³ Kandi endagano egwo akagiyikiriza ariitwe abaana baabo, obyambura Yesu, nk'okucyayandikirwe omuri Zaabuli, eya kabiri ngu ori omwana wange erizooba nakuzaara. ³⁴ nk'oku yaamuyimbwire omu bafu okutagaruka mukuzunda, akagira ati: ndyabaha emigisa ekwera kandi etawawo eya Daudi. ³⁵ Kandi akagambira n'omuri Zaabuli endizo ati, Torikiriza orikwera wawe kuzunda. ³⁶ nimumanya Daudi kuyamazire kuyikiriza enaama ya Ruhanga omubiro bye yaanagira, yaaziikwa naba Isenkuru yaazunda. ³⁷ K'onka ogwo ou Ruhanga yaazwire, tarazunzire. ³⁸ N'abwecyo, B'ise-mwe mumanye ngu abw'omuseeza ogwo okwiwawo ebibi nikubagambirwa, ³⁹ Kandi abw'ogwo, akwikiriza wena nayiwawo omusango gwebibi by'ona ebi mutakubasize kwiwawo biragiro bya Musa . ⁴⁰ Mbwenu mwerinde, mutakayikwawo ecagambirwe baanabi, nibagira bati: ⁴¹ Imwe abaagaya, murebe muta ngaare, muwewo, akuba nink'ora omurimo omubiro byanyu, omurimo ogu mutarikwiriza nakacye nobu omuntu yakuba nagubasobororera. ⁴² Kubabeere nibaturuka, abantu bayesengereza ngu ebigambo ebyo bagaruce babigambirwe ari sabato ekwiiza. ⁴³ kubamazire kutura, Abayudaaya bingi nabayindukire omudiniyabo bakuratira Paulo na Barunaba; bo babeyanangiriza nibabagambira kugumizamu omu mbabazi za Ruhanga. Abayudaaya okwanga okuzunwa na Paulo okuyundukira Abanyamuhanga. ⁴⁴ Ari sabato egyo ob'omu rurembo ayeyi boona baterana kuwura ekigambo cya Ruhanga. ⁴⁵ Kandi Abayudaya kubarebere emitwe y'abantu bagira iyari ringi, bayakanisa ebigambo ebyagambirwe Paulo ⁴⁶ Paulo na Barunaba bagamba n'obumazi bati; kikaba kisemerire kuba nimwe mwabanza kugambirwa ekigambo cya Ruhanga, mbwenu obu mwacyanga mukeyoreka mumutasemerire amagara agatawawo rebatwayindukira Abanyamawanga. ⁴⁷ Akuba Mukama weetu niiko yaaturagire ati; Nkutirewo kuba omusana gw'abanyamawanga ngu otware okuzunwa okukwika omuweru. ⁴⁸ Abanyamawanga kabakiwurire basemeerwa, bayimbisa ekigambo cya Ruhanga, boona abatoranirwe amaagara agaatwawo baakiriza. ⁴⁹ Ecigambo cya Mukama cyamara omu nsi egyo yoona. ⁵⁰ Konka Abayudaya babihabiha abakazi abanyadini, ab'ekitinisa, n'abaseeza bakuru ab'omu rurembo bayiiga Paulo na Barunaba baababinga omwisaza ryaabo. ⁵¹ K'onka obwo baabakunkumura omucucu gw'omubigere byaabo baza Ikonio. ⁵² Abeegi bayizura okusemererwa n'Omwoyo Akwera. Abaikonia Okubinga Paulo